Jeremías 44:27 - Qullan Arunaca

²⁷ Nayasti jumanacjjarojj t'akhesiñanacacwa apayanipjjäma, janiw asquinacti apayanipcämajja. Take qhitinacatejj Judá marcat jutasin aca Egipto marcan jacasipcta ucanacasti guerrampi, mach'ampi jan mayani tucjatäpjjätawa.

Aymar Bibliia 1986

²⁷ Nayasti jumanacjjarojj t'akhesiñanacacwa apayanipjjäma, janiw asquinacti apayanipcämajja. Take qhitinacatejj Judá marcat jutasin aca Egipto marcan jacasipcta ucanacasti guerrampi, mach'ampi jan mayani tucjatäpjjätawa.

Qullan Arunaka DC

²⁷ Nayasti jumanakxarux askinak apayaniñ lantxa, t'aqhisiñanak apayanipxäma. Taqi khitinakatix Judá markat jutasin aka Egipto markan jakasipkta ukanakasti, manq'atjama, jan ukasti nuwasïwin jiwarapxäta.

Jeremías 44:27 Jak'a apnaqawi uñst'ayäwi

2 Reyes 21:14

Ucat ucjjar marcajjarusti, apanucüwa, uqhamarac uñisirinacapan amparaparuwa catuyaraquëjja, catuntatäpjjañapataqui, aparatäpjjañapataquiraqui.

Jeremías 1:10

“Nayaw arunacajj-jja lacamaru uchta. Jichhajj take munañanïñwa chursma, reinonacjjaru, marcanacjjarusa, jiq'inucuñamataqui, liwinucuñamataqui, t'unjañamataqui, pampa tucuyañamataquisa, uqhamaraqui, wasitat utacht'asin sayt'ayañamataquisa” sasa.

Jeremías 21:10

Nayasti aca marcjjarojj ñankha apaniñwa amtta, janiwa asqui apaniñti. Aca marcjja Babilonianquir reyiruw catuyä, jupasti ninampiw aca marcjja naqhantayaraquini.’ Naya Tatituw ucjja arsta.

Jeremías 31:28

Cunjämatejj jiq'inucuñataquisa, liwinucuñataquisa, pampa t'unjañataquisa, tucjañataquisa, cunayman ñankhanaca lurañataquisa nayajj janc'aquïyätjja, uqhamaraqui jichhajj janc'aquiraquïyäwa wasitat sayt'ayañataquisa, uqhamaraqui wasitata ayruntañataquisa. Naya Tatituw ucjja arsta.

Jeremías 39:16

“Saram, ucatsti Ebed-melec sisqui uca etiope jakeru saraquim: ‘Take ch'amani Israelan Diosapa Tatitojj aqham siwa: cuntejj aca marcataqui arscta uca arunacjja phokhapunïwa, ucasti uca marcan jan walt'añapataquïniwa, janiw asquipataquïcaniti. Cunapachatejj take ucanacajj pascani ucapachasti jumajj ucancascaraquïtawa.

Jeremías 42:16

cuna guerrarutejj jumanacajj wali ajjsarapjjta uqhamaraqui uca jach'a mach'aru ajjsarapcta ucajj pachpa Egiptonwa jumanacaru jicjjatapjjätam, ucatsti uca pachpa orakenwa jiwarapjjaraquïta.

Jeremías 44:12

Qhitinacatejj Judá orakeru kheparapqui, ucatsti Egipto tokeru jacasiri sarjjapjjaraqui ucanacarojj pachpanwa k'al tucusiyäjja. Takeniwa, jisc'at kalltasina jach'acama, guerran jiwarapjjani, mank'atjamaw jiwarapjjaraquini, ucatsti mayninacan uñtcañäniw, maldecita jisc'achjataraqui uñjasipjjani, ajjsarcañäpjjaraquiniwa.

Jeremías 44:13

Qhitinacatejj Egipton jacapqui ucanacarusti cunjämatejj Jerusalén marcanquirinacaru mutuycäyätjja uqhamaraquiw mutuyaraquï, guerrampi, mach'ampi, cunayman casta usunacampi.

Jeremías 44:14

Uca mä kawkhani Egiptoru sarjjer jakenacatjja janiw maynis jilt'caniti. Judá orakeru cuttaniñjja munasipcaniwa, ucampis janiw cuttanipcaniti inas mä kawkha imantat jakenaca cuttanipjjchispa’ ” sasa.

Jeremías 44:18

Ucampisa cunapachattejj jan uca diosanacaru incienso loktasjjapjjta, uqhamaraqui uca Alajjpach Mamaru jan vinsa ch'allt'ascjjapjjtjja ucat acsarojj take cunaw pist'jjapjjetu, jakenacasti guerranacan, jan ucajj mank'atjamaw jiwarjjapjjaraqui” sasa.

Jeremías 9:15

Ucatpï naya, take ch'amani Tatitu, Israelan Diosapa, arstjja: Jupanacarojj mä c'allc'u mank'a mank'ayä, venenat uma umayaraquï.

Jeremías 9:16

Cawquïr marcanactejj awquinacapasa ni jupanacasa uñt'apqui uca marcanac tokeruw ananucuraquï; espada ayt'ataraquiw jupanacarojj arcnakayä, jan maynis kheparañapcama.”

Ezequiel 5:12

Jakenacamatsti mä chicatajj usunacampiw jiwarapjjani, aca pachpa marca mankhanwa mank'atjama jiwarapjjaraquini, chicata jakenacasti cawquïri uñisirinacatejj muyuntapctam ucanacan jiwarayataw uñjasipjjaraquini, ucat jilt'iri chicatasti take tokeru ananucutaraquïniwa. Ucanacan khepapsti nayaw sararaquï mä espadas ayt'ata.

Daniel (hebreo) 9:14

Ucatpï, Tata, jumajj nanacataquejj aca jach'a jan walinac waquichtajja ucat nanacjjaru apayaniractajja, jumasti, nanacan Dios Tatitojja, chekapapunïtawa, take luratanacamasa chekaparaquiwa; ucampisa nanacaw jumarojj jan ist'añ munapcsmati.

Amós 9:8

Tatitojj aca jucharar marcarojj uñch'uquisquiwa, ucatsti saraquiwa: “Aca oraketsti jupanacarojj k'ala chhaktayäjja. Ucampisa Jacobon utapacwa jilt'ayäjja. Ucsti naya Tatituw arsta.