Jeremías 44:17 - Qullan Arunaca

¹⁷ Jan ucasti cuntejj lurañ amtasipjjta ucpun lurapjjäjja. Alajjpach Mama sat diosarojja incienso loktasisipcaquipunïwa, uqhamaraqui vinompisa ch'allasisipcaquïwa, cunjämtejj jichhacama lurapjjta uqhama nayra awquinacajjasa, reyinacajjasa, Judá orakenquiri jach'a jilïrinacajjasa, uca marcanacanjja uqhamaraqui Jerusalén marcan callenacapansa uqhampunwa lurapjjerïnjja. Nayrasti nanäcataquejj mank'as walïriwa, take cunas waliquïsquiriwa, janiraquiw cuna jan walt'añas jutirïquiti.

Aymar Bibliia 1986

¹⁷ Jan ucasti cuntejj lurañ amtasipjjta ucpun lurapjjäjja. Alajjpach Mama sat diosarojja incienso loktasisipcaquipunïwa, uqhamaraqui vinompisa ch'allasisipcaquïwa, cunjämtejj jichhacama lurapjjta uqhama nayra awquinacajjasa, reyinacajjasa, Judá orakenquiri jach'a jilïrinacajjasa, uca marcanacanjja uqhamaraqui Jerusalén marcan callenacapansa uqhampunwa lurapjjerïnjja. Nayrasti nanäcataquejj mank'as walïriwa, take cunas waliquïsquiriwa, janiraquiw cuna jan walt'añas jutirïquiti.

Qullan Arunaka DC

¹⁷ Jan ukasti, nanakax lurañ amtasipkta ukham lurasipkakïwa, kunjämtix nayra awkinakaxasa, reyinakaxasa, Judá uraqin jilïrinakasa lurapxirïna ukhama. Alaxpach Mama sata diosarus inciensompi, vinompi luqtasax yupaychasipkakïwa. Nayrasti nanakatakix, manq'añax janiw pist'irïkänti, taqi kunas utjakipunirïnwa, janirakiw kuna jan walt'añas jutirïkänti;

Jeremías 44:17 Jak'a apnaqawi uñst'ayäwi

2 Reyes 17:16

Tatit Diosapan camachi arunacapa apanucusasti, bronceta pä vaca kallu lurasipjjäna, mayasti Asera sat diosan lantipänwa, ucarusti yupaychapjjaraquïnwa, uqhamarac alajjpacha take warawaranacarusa, Baal diosarus yupaychapjjaraquïnwa.

2 Reyes 22:17

Jupanacasti nayar apanucusinjja yakha diosanacaruwa inciensonaca naqhayapjje, uqhamatwa take luratanacapampi nayar colerayapjjetu; ucatwa nayan colerajjajj akti aca chekataqui, ucasti janiw t'acurcaniti’ ”.

2 Crónicas 28:23

Jupasti Damasconquir diosanacaruw sacrificionaca loktäna, uca diosanacajj jupar aynacht'ayqui ucanacaru. Jupajj amuyänwa: “Sirianquiri diosanacatejj uca pachpa marcanquiri reyinacaru yanapcchïna ucajja, nayarojj yanaparaquitaspawa nayatejj sacrificionaca ucanacaru loktä ucajja” sasa. Ucampis uca yakha diosanacawa apt'ascäna jupan tucjatäñapataqui, uqhamarac take Israelpachansa.

Nehemías 9:34

Janiwa reyinacajjasa, jilïrinacajjasa, sacerdotenacajjasa, ni nayra awquinacajjasa phokhapcänti leyimjja, ni camachi arunacamarusa ist'apcaraquïnti, uqhamarac ewjjcta uca arunacamarusa.

Salmos 106:6

Nayra awquinacajjar uñtataw jucha lurapjjta, cunayman ñankhanaca, juchanac lurapjjta.

Salmos 12:4

aqham sir jakenacarus tucusiyaraquim: “Lajjraw jiwasan ch'amasajja, lajjrasaw jiwasanacarojj arjjatistu, ¿qhitirac cun sistanisti” sasa.

Éxodo 16:3

Jupanacasti sapjjänwa: —¡Waliquisapänwa Tatitojj Egipton jiwarayistasapän ucajja! Qhayansti jiwasanacajj aycha phuqhu jac'aru kont'ata, uqhamarac t'ant'sa sist'asiñcamaw mank'asiyätanjja. Ucampis jumanacajja aca wasararojj takeniru mank'at jiwarayañataquiw irpanipjjestajja —sasa.

Isaías 48:5

nayratpachwa yatiysma, janïra lurasiñapäqui ucqhatpachwa jumarojj yatiysma cunatejj lurasiñapäqui uca. Uqhamat janiw sañamajj utjquiti: ‘Yakha diosajjaw uc luri, cuna diostï lurasctjja ucaw uqham lurayi’ sasa.

Jeremías 1:16

Ucäniwa mutuyäwejja, nayan arsutajjarjama, qhitinacatejj nayar apanucusin, jupanacpachan lurasita yakha diosanacaru, inciensonaca loktasipjje, quillisipjjaraqui uca jucharara jakenacataquejja.

Jeremías 11:12

Ucapachaw Judá orakenquir jakenacajja, Jerusalén marcan utjir jakenacasa uca yakha diosanacaru yanapa mayisiri sarapjjani, cawquïrinacarutï incienso loktasipjje ucanacaru, ucampisa uca diosanacajj janiw khespiyañataquejj ch'amanïpcaniti uca jach'a t'akhesiñajj purincani ucapachajja.

Jeremías 18:15

Ucampis marcajjajj nayarojj armituwa, ucatsti c'ari diosanacaruw inciensonac loktasipjjaraqui. Nayra thaquipatsti yakha thaquiruw saranucuwayjjapjjaraqui, ucatsti jan uñt'ata thaquinjam sarapjjaraqui.

Jeremías 19:13

Jerusalenanquir utanacasa, Judá orakenquir reyinacan palacionacapasa, uqhamaraqui uta terraza patanacan warawaranacaru inciensonaca loktasipcäna, yakha diosanacaru vino ofrendanaca warapcäna uca chekanacasti k'añu chekat uñt'atäniwa, cunjämäquitejj Tofet chekajj uqhama’ ” sasa.

Jeremías 44:21

“¿Jumanacasti amuyapjjtati Tatitojj jani ucanacjja amuycaspa uqhama? Uqhamaraqui jumanacana, awquinacamana, reyinacamana, jilïrinacamana uqhamaraqui take jakenacana inciensonaca yakha diosanacaru Judá orakena loktasipjjatamjja, Jerusalén marcan callenacapansa take ucanacjja Tatitojj janiw armquiti.

Jeremías 44:25

Israelan take ch'amani Tatitu Diosapasti siwa: ‘Jumanacajj warminaca, lacanacamampiw arsupjjtajja, luräwinacamampiw uca arsutanacamjja phokhapjjaractajja. Jumanacasti sapjjaractawa: ‘Alajjpacha Mamaru incienso loktasiñataquiw arsupjjta uqhamaraqui juparu vino ch'allt'asiñataquiw arsupjjta’ sasa. ¡Uca arsüwinacamsti phokhapjjaraquïtawa! ¡Jichhajj waliquiwa, cuntejj arsupcta ucjja luräwinacamampi phokhapjjam!

Jeremías 44:9

¿Cuntejj nayrapacha awquinacamajj lurqui ucanacjja armasjjapjjtati, cuntejj Judá marcanquiri reyinacasa, warminacapasa lurapqui ucanacjja, jumanacasa uqhamaraqui warminacamasa lurapcta ucanacjja? Jumanacajj sinti jan walinacpun Jerusalén marcana Judá marcanacansa lurapjjtajja.

Jeremías 7:17

¿Janit jumajj uñjcta cuntejj Judá marcanacansa uqhamaraqui Jerusalén callenacansa lurapqui ucjja?

Jeremías 7:18

Wawanacajj lawa apthapipjje, awquinacasti nina nactayapjje, warminacasti masa waquichapjjaraqui, tortanaca lurañataqui, ucatsti ucanacjja, cawquïrirutejj Alajjpacha Mama sapqui uca diosaruw loktapjjaraqui. Uca luratanacapampejj ñankhachapjjetuwa, uqhamaraqui yakha diosanacaru vino loktasitanacapampisa.

Ezequiel 20:32

Jumanacan p'ekenacamarojj, cawquïri yakha marcanacatejj lawanacaru, kalanacaru yupaychasipqui uqham tucuñamp phokhantatäpjjtawa, ucampis janiw ucajj uqhamäcaniti.

Ezequiel 20:8

“Ucampisa jupanacajj cutcatasipjjetuwa janiraquiw arunacajjsa ist'añsa munapcänti; uca ajjtascañ diosanacapatsa janiw jithektapcänti, janiraquiw Egiptonquir c'ari diosanacapsa apanucuñ munapcänti. Nayasti colerasiñajjsa jupanacjjaru wartaniña amtäyätjja, pachpa Egipto oraken mutuyaña colerajjajj apaktañapcama.

Ezequiel 23:41

Mä suma iquiñjjaruw kont'asipjjaraquïna, mank'aña mesas suma waquicht'atpacharaqui, ucaruw incienso uqhamaraqui aceite uchapjjaraquïna cawquïrinacatejj nayaru loktatäcän ucanaca.

Ezequiel 8:16

Ucatsti Tatitun templopanquiri mankha uta ankäjjaruw irparaquitu, cawqhatejj Tatitun utapar mantañäqui uca chekaru, altara taypïquis uca chekaru, ucansti pä tunca pheskani jakenaca uñjaracta, santuariotjja khepa tokeru uñtata, inti jalsu tokeru uñtasina alt'ata, intiruwa yupaychasipcaraquïna.

Habacuc 1:16

Ucatwa chawlla caturejj känanacaparu, ansuelonacaparu yupaychejja, sacrificio loktäwinac churasa, uqhamarac inciensonacampi k'apichasa suma mank'a walja utjayatapata.

Números 30:12

Ucampisa chachapatejj yatisinjja ina pampar tucuyani, ucapachajj janiw phokhañapäcjjaniti, chachapan ina pampar tucuyatap laycu. Tatitojj janiraquiw phokhañapataquejj wayt'caniti.

Números 30:2

Cunapachatejj mä jakejj arunacapampi mä arsüwi lurani, uqhamarac mä juramentompisa chica arsuni, ucasti arsutaparojj phokhañapawa, lurañapaw cunjämatejj arsqui uqhamarjama.

Marcos 6:26

Reyisti uc ist'asinjja, wal llacthaptäna. Ucampis janiw camachirjamäcänti juramento luratap laycu, jupamp chicäpcäns ucanacan ist'apjjatap laycuraqui.

Deuteronomio 23:23

ucampisa jumatejj amtäwimat Tatitu Diosamarojj cunsa churä siscta, ucqhajj arsutamjja phokhañamapuniwa.

Filipenses 3:19

Khepa urunacanjja acanacajj tucjatäniwa, ucanacan diosapasti jupanacan quipca munañanacapaquiwa. Jupanacasti p'enkasiñäqui ucatsti wali jach'a jach'araquiw tucupjje. Acapach yänacatacwa wal lup'isipcaraqui.

1 Pedro 1:18

Diosasti jumanacarojj khespiyanipjjtamwa uca ina ch'usa jacaña nayra awquinacamata catokapcta ucata. Jumanacasti sumwa yatipjjaractajja uca khespiyasiñajj janiw tucusir korimpis kollkempis alatäquiti,

Jueces 11:36

Ucat phuchapajj saraquïnwa: —Awquejja, cuntejj Diosarojj arscta ucjja nayampejj lurascaquim. Jupasti arsutaparojj phokhewa amonita uñisirinacamaru atipjasinjja.