Jeremías 44:16 - Qullan Arunaca

¹⁶ “Cuna arunactejj jumajj Tatitu toket apanipjjesta ucanacarojj janiw ist'apcäti.

Aymar Bibliia 1986

¹⁶ “Cuna arunactejj jumajj Tatitu toket apanipjjesta ucanacarojj janiw ist'apcäti.

Qullan Arunaka DC

¹⁶ —Janiw nanakax ist'apkäti Tatitun sutiparu yatiyapkista uka arunakamaru.

Jeremías 44:16 Jak'a apnaqawi uñst'ayäwi

Salmos 2:3

Jupanacajj wararipjjewa: “¡Chinuñanacapat t'akanucusipjjañäni! ¡ñach'añanacapat jararasipjjañäni!” sasa.

Éxodo 5:2

Ucat faraonasti sänwa: —¿Qhitisa Tatitojja, arup ist'añajjataquejja, uqhamarac israelitanacarus sarjjapjjañapataqui antutañajjataquejja? Janiw nayajj Tatiturojj uñt'cti, uca laycusti janiw antutquiristti israelitanacaru sarjjañapataquejja.

Proverbios 1:24

Nayasti jumanacarojj jawsapjjsmawa, ucampis jumanacajj janiw ist'añ munapquistati.

Isaías 3:9

Juparusti pachpa uñnakatapaw juchañchasqui. Juchanacapsti janiraquiw imt'asipquiti, Sodoma marcjamaraquiw takeniru yatiyapjje. ¡Ay jupanacataqui, jupanacpacharaquiw mutuyäwi waquichasisipqui!

Jeremías 11:10

Cuna juchanactejj nayra awquinacapajj lurcäna uca pachpa jucha lurañanacaruw cuttapjjaraqui, uca awquinacapasti janiw nayarojj ist'añ munapquitänti, ucatsti yakha diosanacaruw arcjjapjjäna uqhamaraqui yupaychapjjaraquïna. Israelasa uqhamaraqui Judá marcasa cuntejj nayajj nayra awquinacapampi mä arust'äwi lurcäyätjja ucanacjja t'unjapjjewa.

Jeremías 11:8

Ucampisa janiw nayarojj jaysapquituti, ni ist'apcaraquitusa, jan ucasti chuymanacapan jan wali amtatanacaparuquiw arcjjapjje. Cuntejj nayajj jupanacaru siscäyät uca arunacsti janiw phokhañ munapcänti, ucatpï jupanacjjarojja cuntejj arust'äwin yatiycäyäta uca mutuyäwi apayantjja.’ ”

Jeremías 13:10

Aca ñankha marcajj nayan arunacajjarojj janiw ist'añ munquiti, ucatsti jan cuna amuyasisaw chuymapan jan wali amtatanacaparojj arqui. Yakha diosanacan khepapa arcjjapjje, sirviñataqui, uqhamaraqui yupaychañataqui. Uca jan cunatac sirviri cinturonjamäpjjewa.

Jeremías 18:18

Jakenacasti sapjjaraquïnwa: “Jichhajj mä amtäwi lurañäni Jeremiasajj jan jiwasampëjjañapataqui. Jiwasaru yatichiri sacerdotenacajj utjascaniwa, amuyt'ani jakenacasa ewjjanacapa churañataquejj utjascapuniniwa, Diosan arunacapa yatiyiri profetanacas utjascapuniniwa. Jichhajj c'ari arunaca jupa toke arsuñäni uqhamat jiwayapjjañapataqui. Cuntejj jupajj sisqui uca arunacarusti janiraqui yäkañäniti” sasa.

Jeremías 38:4

Ucatsti jilïrinacajj reyirojj sapjjaraquïnwa: “Aca jakerojj jiwayañawa, uqham parlatapampejja cawquïri soldadonacatejj marcar kheparapqui, cawquïri jakenacatejj aca marcancapqui ucanacaruw ch'ama thayjtayi. Aca jakejj janiw aca marcan asquipa munquiti jan ucasti aca marcan aynacht'añapwa thake” sasa.

Jeremías 42:13

“Ucampisa jumanacatejj jan aca marcaru kheparañ munapcsta, jan ucasti Tatitu Diosamarojj jan ist'aña munapcstati,

Jeremías 43:2

ucapachaw Osaiasan Azarías sat yokapajja, Carea jaken Johanán yokapasa, yakha jach'a jach'a tucuri jakenacampejj Jeremiasarojj sapjjäna: “¡Cuntejj jumajj parlcta uca arunacajj c'ariwa!. Tatitu Diosasasti janiw jumarojj sisctamti nanacaru ‘Jan Egiptor sarapjjamti’ sañamataquejja.

Jeremías 44:24

Uqhamarus Jeremiasajj take jakenacaru uqhamaraqui warminacarusa saraquïnwa: Judá orakenquir jakenaca, qhitinacatejj Egiptor jaquiri jutjjapjjta ucanaca, ist'apjjam aca Tatitun arunacapa.

Jeremías 44:25

Israelan take ch'amani Tatitu Diosapasti siwa: ‘Jumanacajj warminaca, lacanacamampiw arsupjjtajja, luräwinacamampiw uca arsutanacamjja phokhapjjaractajja. Jumanacasti sapjjaractawa: ‘Alajjpacha Mamaru incienso loktasiñataquiw arsupjjta uqhamaraqui juparu vino ch'allt'asiñataquiw arsupjjta’ sasa. ¡Uca arsüwinacamsti phokhapjjaraquïtawa! ¡Jichhajj waliquiwa, cuntejj arsupcta ucjja luräwinacamampi phokhapjjam!

Jeremías 6:16

Tatitojj marcaparojj siwa: “Thaqui jac'anacaru sayt'asipjjam ucatsti uñatatasipjjaraquim, nayra thaquinacat jisct'apjjam; cawquïrisa suma thaquejja ucata; ucatsti uca thaquinjam sarapjjam, ucapachaw samarapjjaraquïta.” Ucampisa jupanacajj sapjjewa: “Janiwa, janiw uca thaquinjam sarapquiristti” sasa.

Jeremías 8:12

¡Take cuna jan walinactejj nayajj jan muncta ucanac luratanacamatjja jumanacajj p'enkasipjjañamänwa! Ucampisa, janiw p'enkasipctati, janiraquiw yatjjapjjtati cunäquitejj p'enkasiñajj ucsa. Ucatpï cunapachatejj nayajj mutuyapcäma ucapachajj, ch'anktasipjjätawa, mayninacjamaw liwirtapjjaraquïta. Naya Tatituw ucjja arsta.’ ”

Jeremías 8:6

Take chuymaw ist'ascaraquïyäta, ucampis janiw maynirus ñankha luratapatjja arrepientisir ist'cti, ni take chuymasa arsuscaraquiti: ‘¿Cunsa lurtjja?’ sasa. Takenis jalacamaquiw thaquipanjam jalasqui, jan frenoni guerra caballonacjama.

Daniel (hebreo) 3:15

¿Jichhajj jumanacajj quillt'asipjjätati musican toct'asitapa ist'asinjja cuntejj nayajj luraycta uca nayrakatarojja? Jumanacatejj uca diosar jan quillt'asipcäta ucapachasti jichpachaw mä naqhasquiri hornoru jakontata uñjasipjjäta, uqhamasti ¿cawquïri diosas take ucanacatjja khespiyaspa? —sasa.

Lucas 19:14

Ucampis uca marcapanquir jakenacajj juparojj uñisipjjänwa, ucatwa jupan khepapat mä qhitanaca qhitapjjäna sapjjañapataqui: ‘Janiw munapcti aca jakejj nanacan reyïñapa’ sasa.

Lucas 19:27

Qhitinacatï nayan reyïñajj jan munapcän uca uñisirinacajj-jja acar aptanipjjam, ucatsti nayan nayrakatajjan jiwarayapjjam’ ” sasa.

1 Samuel 8:19

Jakenacasti janiw Samuelon arunacapjja ist'apcänti jan ucasti sapjjänwa: —Janiw ucajj cunäquisa.