Jeremías 44:15 - Qullan Arunaca

¹⁵ Uqhamasti take qhitinacatejj warminacapan yakha diosanacaru inciensonac loktasipjjatapa yatipjjäna ucanacasti, ucan jicjjatasipcäna take uca warminacasa, jupanacasti waljaniw tantacht'asipjjäna uqhamaraqui judionacat uca Egipto tokenacan utjapcän ucanacasa Jeremiasarojj sapjjaraquïnwa:

Aymar Bibliia 1986

¹⁵ Uqhamasti take qhitinacatejj warminacapan yakha diosanacaru inciensonac loktasipjjatapa yatipjjäna ucanacasti, ucan jicjjatasipcäna take uca warminacasa, jupanacasti waljaniw tantacht'asipjjäna uqhamaraqui judionacat uca Egipto tokenacan utjapcän ucanacasa Jeremiasarojj sapjjaraquïnwa:

Qullan Arunaka DC

¹⁵ Ukhamasti taqi khitinakatix warminakapan yaqha diosanakar inciensonak luqtasipxatap yatipxäna ukanakasti, ukan jikxatasipkän taqi uka warminakasa, waljaniw tantacht'asipxäna, ukhamaraki kawkïr judionakatix Egipto tuqin utjapkäna ukanakasa, taqiniw Jeremiasarux sapxarakïna:

Jeremías 44:15 Jak'a apnaqawi uñst'ayäwi

Génesis 19:4

Ucampisa janïr iquintapquipansti, Sodoma marcanquir take jakenacaw Lot chachan utaparojj muyuntapjjäna, chuymani jakenaca, wayna jakenaca,

Nehemías 13:26

“¡Israel marcan Salomón reyin uqham luratapawa juchänjja! Janis jupjamajja yakha reyejj walja marcanaca taypina utjchïna ucasa, uqhamarac Diosas juparojj muncchïna, uqhamarac uchcchïna Israel marcan reyipata ucasa, yakha marcanquir warminacawa juparojj juch lurayäna.

Proverbios 11:21

Chekpachansa ñankha lurir jakejj janiw jan mutuyata kheparcaniti, ucampis asqui jakenacajj suma khespiyatäpjjaniwa.

Isaías 1:5

Jumanacajj Dios toke sayt'asiñacpun munasipctajja, janchinacamansti janiw cawqhas jawk'jañataquejj utjcjjeti. P'ekenacamajj k'ala chhojjriñchjatawa, janiraquiw cunataquis ch'amamajj utjcjjeti.

Isaías 48:5

nayratpachwa yatiysma, janïra lurasiñapäqui ucqhatpachwa jumarojj yatiysma cunatejj lurasiñapäqui uca. Uqhamat janiw sañamajj utjquiti: ‘Yakha diosajjaw uc luri, cuna diostï lurasctjja ucaw uqham lurayi’ sasa.

Jeremías 44:1

Jeremías chachajj catokcänsa uca arunaca, take judionacatejj egipcio marcanacan jacapcänsa Migdol, Tafnes, uqhamaraqui Menfis sisqui uca marcanacana, Egipto marcan aynacha tokenacana:

Jeremías 44:19

Warminacasti ucjjarojj yapt'apjjaraquïnwa: “Nanacajj tortanac lurasipjjerïta uca Alajjpach Mamaru uñtata, jan ucajj ucan lantipäcaspas uqhama, juparusti incienso loktasipjjaraquirïtjja, vino ch'allt'asipjjaraquirïtjja, chachanacajjan arupa mayisina, jichhasti lurasipcaquïwa” sasa.

Jeremías 44:24

Uqhamarus Jeremiasajj take jakenacaru uqhamaraqui warminacarusa saraquïnwa: Judá orakenquir jakenaca, qhitinacatejj Egiptor jaquiri jutjjapjjta ucanaca, ist'apjjam aca Tatitun arunacapa.

Ezequiel 29:14

Cawquïri egipcio jakenacatejj preso catuntatäcän ucanacarusti Egiptot aynacha tokeru utjantasipjjañanacapataquiw anthapinjjaraquï, cawqhatejj marcapäqui ucaru, ucansti jupanacajj mä jisc'a marca sartayapjjani.

Ezequiel 30:14

Egipto marcan aynacha tokenacapsti k'alwa tucjäjja, Zoán sisqui uca chekarusti nina uscuntaraquï, Tebas marcataquisti arsutajj-jja phokhapunïwa.

Mateo 7:13

“C'ullc'u puncu toke mantapjjam. Chhakhañaru irpiri thaquisti anchowa, puncupasti wali anchoraquiwa; waljaniraquiwa uca toke mantasipqui.

Deuteronomio 13:7

cunjämatejj jayanquiri, jac'anquiri marcanacan diosanacapajj muyuntapctam mä thiya oraketa mä thiya orakcama,