Jeremías 44:14 - Qullan Arunaca

¹⁴ Uca mä kawkhani Egiptoru sarjjer jakenacatjja janiw maynis jilt'caniti. Judá orakeru cuttaniñjja munasipcaniwa, ucampis janiw cuttanipcaniti inas mä kawkha imantat jakenaca cuttanipjjchispa’ ” sasa.

Aymar Bibliia 1986

¹⁴ Uca mä kawkhani Egiptoru sarjjer jakenacatjja janiw maynis jilt'caniti. Judá orakeru cuttaniñjja munasipcaniwa, ucampis janiw cuttanipcaniti inas mä kawkha imantat jakenaca cuttanipjjchispa’ ” sasa.

Qullan Arunaka DC

¹⁴ Egiptor sarxir uka mä qawqhani jaqinakatxa janiw maynis jilt'kaniti. Judá uraqir kuttaniñ munasipkaniwa, ukampis janiw kuttanipkaniti, inas mä qawqhani yaqha markanakar imantasirinakax kuttanipxchispa’ ” sasa.

Jeremías 44:14 Jak'a apnaqawi uñst'ayäwi

Isaías 10:20

Uca urunacanjja mä juc'ani Israelat jilt'irinacajja, qhitinacatejj Jacobon marcapat khespipcatayna ucanacajj janiw juc'ampi qhitinacatejj jupanacaru t'unjcatayna ucanacarojj jakcattapcaniti. Jan ucasti take ch'amampiw Israelan Kollan Diosaparojj jakcattapjjani.

Isaías 4:2

Uca urunsti, cawquïri machak alitejj Tatitun cülltayatäcani ucaw chekpachansa mä suma uñstäwïnejja, uqhamarac mä jach'añchäwïnisa, qhitinacatejj Israelan kheparapcani ucanacataquejja, cuntejj orakes achcaraquini ucaw chekpachansa mä jach'a jach'añchäwïnejja.

Jeremías 22:10

Jan jachapjjamti Josías reyitjja, jiwatapatsa janiraqui jachapjjamti; jan ucasti Salum yokapata jachapjjam, jupasti jan cuttaniñataquiw sarjje; janiraquiw mayampsa nacïwipa orakjja uñjcjjaniti. Tatitusti Judá oraken rey Josiasan Salum yokapatjja saraquiwa, cawquïritï awquipa khepatjja reyïcaraquïna ucarojja, uqhamaraqui cawquïritï aca chekatjja mistqui ucarojja: “Janiw jupajj cuttancjjaniti,

Jeremías 42:17

Take qhitinacatejj Egiptoru sarjjañ munapjje take ucanacasti uca pachpa Egipton guerran jiwarapjjani, mank'atjama uqhamaraqui cunayman casta usunacampi. Janiw ucanjja maynis jaccjjaniti, janiraquiw maynis khespitäcaniti cuna jach'a t'akhesiñtï apayancä ucatjja.’

Jeremías 42:22

Jichhajj uca laycu yatipjjam, jumanacajj guerranacana, uqhamaraqui mank'atjamaw cunayman casta usunacampi jiwarapjjaraquïta, cawquïri orakerutejj jaquiri sarapcäta ucana.”

Jeremías 44:26

Ucampisa, take jumanaca, qhitinacatejj Judá oraket aca Egipto oraker jaquiri jutapcta ucanaca, ist'apjjam, cuntejj naya Tatitojj sapcsma uca arunaca: Nayajj juramentompiw arsta, jach'a sutejj-jjaruraquiw arsta, jumanaca, Judá oraket jutir jakenaca, janipuniw maynis sutejj-jja aca Egipto orakenjja arscaniti: ‘Tatitun sutipjjaru’ sasajja.

Ezequiel 20:38

Jumanac taypisti cawquïrinacatejj nayatac sayt'asipjje jan walt'añanacsa apanipjje ucanacarusti yakhacharaquïwa. Cawquïri yakha marcantejj jichhajj jacasipqui ucatsti jupanacarojj apsuniraquïwa, ucampis janiw Israel orakerojj mantapcaniti. Ucapachaw jumanacajj yatipjjäta nayan Tatitu Diosätajja.

Ezequiel 6:8

Ucampisa nayajj jumanacatjja mä kawkhaniru jiwañat khespiyaraquïwa, ucanacasti yakha marcanac taypin willitatataw jacapjjani.

Mateo 23:33

“¡Jumanacajj catari casta jan wali jakenacäpjjtawa! ¿Cunjämrac jumanacasti uca infierno mutuyäwitsti jaltapjjätasti?

Romanos 2:3

Ay jake, jumatejj jakenacarojj juchañchstajja take uca luräwinacapata, ucatsti jumajj jupanacjamaraqui lurascsta ucajja, ¿amuytati Diosan mutuyäwipat jaltañjja?

Romanos 9:27

Ucampis israelitanacatjja Isaías profetajj sänwa: “Israelan wawanacapajj kota thiya ch'alljam waljanïcanisa, jupanacatjja mä juc'a jilt'aquiw khespiyatäpjjani.

Hebreos 2:3

¿Cunjämrac jaltañänisti, jiwasatejj uca jach'a khespiyasiñjj jan yäkcañäni ucasti? Pachpa Tatituw nayrakatajj yatiyäna aca khespiyasiñatjja, ucjjarusti qhitinacatejj ist'apcäna ucanacaraquiw uca arjj sum yatjjatapjjaraquïna, ucatsti jiwasaruw churanistu.