Jeremías 44:13 - Qullan Arunaca

¹³ Qhitinacatejj Egipton jacapqui ucanacarusti cunjämatejj Jerusalén marcanquirinacaru mutuycäyätjja uqhamaraquiw mutuyaraquï, guerrampi, mach'ampi, cunayman casta usunacampi.

Aymar Bibliia 1986

¹³ Qhitinacatejj Egipton jacapqui ucanacarusti cunjämatejj Jerusalén marcanquirinacaru mutuycäyätjja uqhamaraquiw mutuyaraquï, guerrampi, mach'ampi, cunayman casta usunacampi.

Qullan Arunaka DC

¹³ Egipton jakapki ukanakarusti kunjämtix Jerusalén markankirinakar mutuyktxa uka kipkarakiw nuwasiñampi, mach'ampi, kunayman usunakampi mutuyä.

Jeremías 44:13 Jak'a apnaqawi uñst'ayäwi

Jeremías 11:22

Ucanacatsti take ch'amani Tatitojj siwa: “Jumanacampejja parlascañäniwa. Yokall wawanacamajj guerran jiwarapjjani, imill wawanacamasti mank'atjamaw jiwarapjjaraquini.

Jeremías 21:9

Aca marcar kheparirejja, guerrana, mank'atjama, usumpiw jiwarani. Ucampisa, cawquïrinacatejj mistjjapjjani, jichha nuwantanqui uca caldeonacaru catuyasjjaraquini ucanacasti, janiw jiwapcaniti; uqhamat jacañanacapsa khespiyasipjjañapataqui.

Jeremías 24:10

Jupanacjjarusti guerranacampi, mach'anacampi, cunayman usunacampwa apayaniraquëjja, cawquïri oraktejj jupanacaru nayra awquinacaparusa churcta ucanjja jan maynisa kheparañapcama.”

Jeremías 24:9

Jupanacarusti yakha marcanacataquisa ajjtascaña tucuyä, jisc'achjata, apanucuta, maldecita uqhamaw sarnakapjjani cawqui marcanacarutejj nayajj ananuccä uca marcanacanjja.

Jeremías 42:15

Uqhamajj jichhajj aca arunac ist'apjjam, qhitinacatejj aca Judá orakeru kheparapjjta ucanaca, cuntejj Israelan Tatitu take ch'amani Diosapajj sisqui uca: ‘Jumanacatejj Egiptoru jaquiri sarañ munapjjapunïta ucapachasti,

Jeremías 42:16

cuna guerrarutejj jumanacajj wali ajjsarapjjta uqhamaraqui uca jach'a mach'aru ajjsarapcta ucajj pachpa Egiptonwa jumanacaru jicjjatapjjätam, ucatsti uca pachpa orakenwa jiwarapjjaraquïta.

Jeremías 42:17

Take qhitinacatejj Egiptoru sarjjañ munapjje take ucanacasti uca pachpa Egipton guerran jiwarapjjani, mank'atjama uqhamaraqui cunayman casta usunacampi. Janiw ucanjja maynis jaccjjaniti, janiraquiw maynis khespitäcaniti cuna jach'a t'akhesiñtï apayancä ucatjja.’

Jeremías 42:18

“Israelana Diosapa take ch'amani Tatitusti siwa: ‘Cunjämatejj colerasiñajjampi khoruchasiñajjampejja ninjam jumanacataqui aktänjja, take qhitinacatejj Jerusalén marcan jacapcäna take ucanac toke, uqhamaraquiw jumanac tokejj colerasiñajjajj aktani, jumanacatejj Egiptor sarapjjäta ucapachajja. Jumanacajj jakensa uñtcaña maldecitäpjjätawa, ajjsarcaña tucjataw uñjasipjjaraquïta, janiraquiw mayampsa aca orakjja uñjapcjjätati’ sasa.

Jeremías 43:11

Jupasti jutasinjja aca Egipto marca t'unjaraquini. Qhitinacatejj jiwañataqui catuyatäpqui ucanacasti jiwarapjjaraquiniwa; cawquïrinacatejj yakha marcaru apatäpjjañapataqui catuyatäpqui ucanacasti jaya marcaru apatäpjjaraquiniwa; cawquïrinacatejj guerran jiwaratäñataqui catuyatäpqui ucanacasti guerran jiwarapjjaraquini.

Oseas 9:6

Jupanacajj t'unjatäñatjja jaltjjapjjewa: Egiptow jupanacarojj catokjjaraquini, ucatsti Menfis chekaru imantatäjjapjjaraquiniwa. Kollket lurat yänacapasti athapillumpi phokhantatäniwa, carpanacapansti ch'aphinacaw jilantaraquini.