Jeremías 44:1 - Qullan Arunaca

¹ Jeremías chachajj catokcänsa uca arunaca, take judionacatejj egipcio marcanacan jacapcänsa Migdol, Tafnes, uqhamaraqui Menfis sisqui uca marcanacana, Egipto marcan aynacha tokenacana:

Aymar Bibliia 1986

¹ Jeremías chachajj catokcänsa uca arunaca, take judionacatejj egipcio marcanacan jacapcänsa Migdol, Tafnes, uqhamaraqui Menfis sisqui uca marcanacana, Egipto marcan aynacha tokenacana:

Qullan Arunaka DC

¹ Jeremiasax kawkïr judionakatix Egipto uraqinkir Migdol, Tafnes, Menfis uka markanakan jakapkäna, ukhamaraki aynach tuqi uraqinakan jakapkäna ukanakatakiw aka arunak katuqäna:

Jeremías 44:1 Jak'a apnaqawi uñst'ayäwi

Génesis 10:14

patruseonaca, casluhitanaca, caftoritanaca, cawquïrittejj filisteonacajj jutqui take ucanacänwa.

Éxodo 14:2

“Israelitanacarojja aqham sasa yatiyam; cutt'asinjja Pi-hahirot sat cheka nayrakataru puripjjpan, ucasti Migdol sat chekampi, kotampi uca taypinquiwa Baal-zefón sat cheka uñcatasina. Uca uñcatas chekanjja kota jac'aru carpanacap carpt'asisa utjantapjjpan.

Isaías 11:11

Uca urunacanjja Tatitojj wasitatwa ch'amap uñacht'ayani, marcapat jilt'irinacaru wasitat jicjjatjjasa, Asiriatsa, Egiptotsa, Patrosatsa, Etiopiatsa, Elamatsa, Sinaratsa, Hamatatsa, kota tokenquir marcanacatsa cuttayanjjaraquiniwa marcaparojja.

Isaías 19:13

Zoananquir jilïrinacajj wali lokhenacawa, Menfisanquir jilïrinacas sallkjayasipjjaraquiwa, provincianacan jilïrinacapasti Egiptorojj pantat thaquinjamwa irpapjje.

Jeremías 2:16

Menfis uqhamaraqui Tafnes sisqui uca chekanquir jakenacaw p'eksa ch'iyjapjjaractam.

Jeremías 24:8

“Ucampisa Judá oraken Sedequías reyiparusti, jilïrinacaparusa, Jerusalenan jaquirinacarusa, qhitinacatejj aca orakeru kheparapqui, jan ucajj Egiptoru sarasinsa suma utjasjjapjje ucanacarojja, uca jan wali higonacarjamaw uñjaraquï, cawquïri higonacatejj jan walïtap laycojj ni mank't'añjamäquisa ucanacarjama.

Jeremías 43:13

Heliópolis, sisqui uca postenacsti Egipto marcanjja k'alwa tincuyaraquini, Egipto marcan diosanacapan templonacaparusti ninampiw naqhantayaraquini’ ” sasa.

Jeremías 44:15

Uqhamasti take qhitinacatejj warminacapan yakha diosanacaru inciensonac loktasipjjatapa yatipjjäna ucanacasti, ucan jicjjatasipcäna take uca warminacasa, jupanacasti waljaniw tantacht'asipjjäna uqhamaraqui judionacat uca Egipto tokenacan utjapcän ucanacasa Jeremiasarojj sapjjaraquïnwa:

Jeremías 46:14

“Egipton yatiyapjjam, Migdol, Menfis, Tafnes sisqui uca chekanacansa; ¡takenisa, janc'aqui suyt'apjjam! ¡Espadasti juma thiyanacanjja k'alwa tucjasqui!

Jeremías 46:19

Egiptonquir jakenaca, jaya marcaru apatäñataqui waquichasipjjam. Menfis marcasti wasararu tucuyatäniwa, jan qhitinsa utjcaña tucjataraquïniwa.

Ezequiel 29:10

Jichhajj waliquiwa, nayajj juman uñisirimaw tuctjja, jawiraman uñisiripaw tucuractjja, mä ajjsarcaña, waña wasararuw tucuyaraquïma, Migdol sisqui ucatpacha Asuán sisqui ucacama, Etiopía marca korpäquis ucacama.

Ezequiel 29:14

Cawquïri egipcio jakenacatejj preso catuntatäcän ucanacarusti Egiptot aynacha tokeru utjantasipjjañanacapataquiw anthapinjjaraquï, cawqhatejj marcapäqui ucaru, ucansti jupanacajj mä jisc'a marca sartayapjjani.

Ezequiel 30:13

“Tatitusti aqham siwa: Take c'ari diosanacjja k'alwa t'unthapëjja, Menfis orakenquiri c'ari diosanacsti tucjaraquïwa. Egiptosti janiw jicjjatascaniti qhiti jupar apnakersa, aca marcarusti ajjsarañampiw phokhantaraquëjja.

Ezequiel 30:14

Egipto marcan aynacha tokenacapsti k'alwa tucjäjja, Zoán sisqui uca chekarusti nina uscuntaraquï, Tebas marcataquisti arsutajj-jja phokhapunïwa.

Ezequiel 30:16

Egiptorojj ninampiw phichcatäjja, Sin marcasti usuyasiñanacatwa k'ewinaktaraquini; Tebas marcan perkanacapasti lacanacjamaw jist'artani, Menfis marcasti urpacha nuwantataw uñjasini.

Ezequiel 30:18

Cunapachatejj nayajj Egipto marcan ch'amapa t'unjcä, uqhamaraqui cuna ch'amattejj jupajj wali jach'a jach'a tuccän uca t'unjcä ucapachasti; Tafnes sisqui ucanjja intejj ch'amact'aniwa, Egiptorusti mä kenayaw ch'iwjjataraquini, marcanacapan jaquir jakenacarusti preso catuntata apasjjapjjaraquini.

Oseas 9:6

Jupanacajj t'unjatäñatjja jaltjjapjjewa: Egiptow jupanacarojj catokjjaraquini, ucatsti Menfis chekaru imantatäjjapjjaraquiniwa. Kollket lurat yänacapasti athapillumpi phokhantatäniwa, carpanacapansti ch'aphinacaw jilantaraquini.