Jeremías 43:11 - Qullan Arunaca

¹¹ Jupasti jutasinjja aca Egipto marca t'unjaraquini. Qhitinacatejj jiwañataqui catuyatäpqui ucanacasti jiwarapjjaraquiniwa; cawquïrinacatejj yakha marcaru apatäpjjañapataqui catuyatäpqui ucanacasti jaya marcaru apatäpjjaraquiniwa; cawquïrinacatejj guerran jiwaratäñataqui catuyatäpqui ucanacasti guerran jiwarapjjaraquini.

Aymar Bibliia 1986

¹¹ Jupasti jutasinjja aca Egipto marca t'unjaraquini. Qhitinacatejj jiwañataqui catuyatäpqui ucanacasti jiwarapjjaraquiniwa; cawquïrinacatejj yakha marcaru apatäpjjañapataqui catuyatäpqui ucanacasti jaya marcaru apatäpjjaraquiniwa; cawquïrinacatejj guerran jiwaratäñataqui catuyatäpqui ucanacasti guerran jiwarapjjaraquini.

Qullan Arunaka DC

¹¹ Jupasti jutasin aka Egipto marka t'unjani. Khitinakatix jiwañatak katuyatäpki ukanakasti, jiwarapxaniwa; kawkïrinakatix yaqha markar apatäpxañapatak katuyatäpki ukanakasti, jaya markar apatäpxaniwa; kawkïrinakatix nuwasïwin jiwaratäñatak katuyatäpki ukanakasti, uka nuwasïwin jiwarapxarakini.

Jeremías 43:11 Jak'a apnaqawi uñst'ayäwi

Job 20:29

Ucanacwa Diosajj ñankha jaketaquejj waquichi, ucanacaw ñankha jakerojj suyt'ascaraqui.”

Jeremías 15:2

Ucattejj jisct'apjjätam: ‘¿Cawquirus sarapjjä?’ sasa, ucapachasti aqham saraquim: ‘Usumpi jiwarañataqui waquichatanacajja, usumpi jiwarapjjpan; guerran jiwarañataqui waquichatanacasti, guerran jiwarapjjpan; mank'atjama jiwaratäñataqui waquichatanacasti, mank'atjam jiwarapjjpan; jayaru apatäñataqui waquichatanacasti, jayaru apataraquïpan’ sasa.

Jeremías 25:15

Israelan Tatitu Diosapasti saraquituwa: “Uñjam aca copajja colerasiñajjampejj vinompi phokhantatjamawa. Jichhajj catum ucatsti cawquïri marcanacarutejj nayajj qhitcäma ucanacaru churam umantapjjañapataqui.

Jeremías 25:19

Uqhamaraquiw Egipto marcan reyipa faraonarus churaracta umañapataqui, jilïrinacaparusa, take qhitinacatejj jupampïqui ucanacarusa take jakenacaparusa,

Jeremías 42:22

Jichhajj uca laycu yatipjjam, jumanacajj guerranacana, uqhamaraqui mank'atjamaw cunayman casta usunacampi jiwarapjjaraquïta, cawquïri orakerutejj jaquiri sarapcäta ucana.”

Jeremías 44:12

Qhitinacatejj Judá orakeru kheparapqui, ucatsti Egipto tokeru jacasiri sarjjapjjaraqui ucanacarojj pachpanwa k'al tucusiyäjja. Takeniwa, jisc'at kalltasina jach'acama, guerran jiwarapjjani, mank'atjamaw jiwarapjjaraquini, ucatsti mayninacan uñtcañäniw, maldecita jisc'achjataraqui uñjasipjjani, ajjsarcañäpjjaraquiniwa.

Jeremías 44:13

Qhitinacatejj Egipton jacapqui ucanacarusti cunjämatejj Jerusalén marcanquirinacaru mutuycäyätjja uqhamaraquiw mutuyaraquï, guerrampi, mach'ampi, cunayman casta usunacampi.

Ezequiel 29:11

Janipuniw jakenacasa, animalanacasa uca cheknamjja pascaniti. Pusi tunca maraw ucanjja janipuni qhitis jaccaniti.

Ezequiel 5:12

Jakenacamatsti mä chicatajj usunacampiw jiwarapjjani, aca pachpa marca mankhanwa mank'atjama jiwarapjjaraquini, chicata jakenacasti cawquïri uñisirinacatejj muyuntapctam ucanacan jiwarayataw uñjasipjjaraquini, ucat jilt'iri chicatasti take tokeru ananucutaraquïniwa. Ucanacan khepapsti nayaw sararaquï mä espadas ayt'ata.

Zacarías 11:9

Ovejanacarusti saractwa: “¡Janiw jumanacan mayampsa awatirimäcjjeristti! Yakhepatejj jiwanejja jiwascacpan. Yakheparutejj jiwayapjjanejja, jiwayascacpan. Jilt'irinacasti maynit maynicam mank'antasipjjpan” sasa.

Apocalipsis 13:10

“Qhitinacatejj preso catuntat apatäpcani ucanacaw apatäpjjani. Espadampi jiwarayatäñapäquis ucanacajj espadan jiwayataraquiw jiwarayatäpjjani.” Take acanacanwa Diosan marcapan ch'amanïtapasa iyawsañanïtapasa yatisini.