Jeremías 42:22 - Qullan Arunaca

²² Jichhajj uca laycu yatipjjam, jumanacajj guerranacana, uqhamaraqui mank'atjamaw cunayman casta usunacampi jiwarapjjaraquïta, cawquïri orakerutejj jaquiri sarapcäta ucana.”

Aymar Bibliia 1986

²² Jichhajj uca laycu yatipjjam, jumanacajj guerranacana, uqhamaraqui mank'atjamaw cunayman casta usunacampi jiwarapjjaraquïta, cawquïri orakerutejj jaquiri sarapcäta ucana.”

Qullan Arunaka DC

²² Ukhamasti, jichhax sum yatipxam, kawkïr uraqirutix jakir sarapkäta ukanxa, nuwasiñanak utjatap layku, manq'atjam jiwarañ utjatap layku, kunayman usunakan utjatap laykuw jumanakax jiwarapxäta.”

Jeremías 42:22 Jak'a apnaqawi uñst'ayäwi

Isaías 30:3

Ucampis faraonan arjjatañapajj jumanacarojj sallkjapjjätamwa, Egipton ch'iwiparu samart'apjjatanacamas jumanacataquejj mä p'enkäniwa.

Jeremías 24:10

Jupanacjjarusti guerranacampi, mach'anacampi, cunayman usunacampwa apayaniraquëjja, cawquïri oraktejj jupanacaru nayra awquinacaparusa churcta ucanjja jan maynisa kheparañapcama.”

Jeremías 42:17

Take qhitinacatejj Egiptoru sarjjañ munapjje take ucanacasti uca pachpa Egipton guerran jiwarapjjani, mank'atjama uqhamaraqui cunayman casta usunacampi. Janiw ucanjja maynis jaccjjaniti, janiraquiw maynis khespitäcaniti cuna jach'a t'akhesiñtï apayancä ucatjja.’

Jeremías 43:11

Jupasti jutasinjja aca Egipto marca t'unjaraquini. Qhitinacatejj jiwañataqui catuyatäpqui ucanacasti jiwarapjjaraquiniwa; cawquïrinacatejj yakha marcaru apatäpjjañapataqui catuyatäpqui ucanacasti jaya marcaru apatäpjjaraquiniwa; cawquïrinacatejj guerran jiwaratäñataqui catuyatäpqui ucanacasti guerran jiwarapjjaraquini.

Jeremías 44:12

Qhitinacatejj Judá orakeru kheparapqui, ucatsti Egipto tokeru jacasiri sarjjapjjaraqui ucanacarojj pachpanwa k'al tucusiyäjja. Takeniwa, jisc'at kalltasina jach'acama, guerran jiwarapjjani, mank'atjamaw jiwarapjjaraquini, ucatsti mayninacan uñtcañäniw, maldecita jisc'achjataraqui uñjasipjjani, ajjsarcañäpjjaraquiniwa.

Ezequiel 33:27

“Jichhajj nayan sutejjaru jupanacarojj parlam: ‘Naya Tatituw sutejj laycu arsta, cawquïrinacatejj uca t'unjata marcanacan jacapqui ucanacasti, jiwarayataw uñjasipjjani, pampan utjirinacarusti montenquir animalanacampiw mank'antayaraquëjja, cawquïrinacatejj karkanacana, karka p'iyanacan jacapqui ucanacasti cunayman usumpiw jiwarapjjani.

Ezequiel 6:11

Tatitusti sascaquituwa: “Amparanacamampi uqhamaraqui cayunacamampi lek'esa warariraquim, Israel marcan ajjtascañ juchanaca luratapatsti llaccañas wararcasma uqham warariraquim, Israel marcasti guerrana, uqhamaraqui cunayman mach'anacampi, usunacampiw jiwararaquini.

Ezequiel 6:12

Jayanquirinacajj usunacampiw jiwarapjjani, jac'anquirinacasti guerran nuwasiñanwa jiwarapjjaraquini, cawquïrinacatejj jacasipcani ucanacasti mank'atjamaw jiwarapjjaraquini. Uqhamwa nayajj Israel marcjjarojj colerasiñajj warjjatanëjja.

Oseas 9:6

Jupanacajj t'unjatäñatjja jaltjjapjjewa: Egiptow jupanacarojj catokjjaraquini, ucatsti Menfis chekaru imantatäjjapjjaraquiniwa. Kollket lurat yänacapasti athapillumpi phokhantatäniwa, carpanacapansti ch'aphinacaw jilantaraquini.