Jeremías 42:20 - Qullan Arunaca

²⁰ Jumanacajj mä jach'a pantjasïwi lurapjjtajja. Jumanacpachaw mayipjjesta nayan Tatituru jisct'añajjataqui, sapjjaraquïyästawa: ‘Tatitu Diosasat mayim nanacataqui, ucatsti yatiyapjjaraquita cuntejj jupajj siscani uca, nanacan arsutaparu phokhapjjañanacajjataqui’ sasa.

Aymar Bibliia 1986

²⁰ Jumanacajj mä jach'a pantjasïwi lurapjjtajja. Jumanacpachaw mayipjjesta nayan Tatituru jisct'añajjataqui, sapjjaraquïyästawa: ‘Tatitu Diosasat mayim nanacataqui, ucatsti yatiyapjjaraquita cuntejj jupajj siscani uca, nanacan arsutaparu phokhapjjañanacajjataqui’ sasa.

Qullan Arunaka DC

²⁰ Jumanakax pantjasipxtawa, jumanakpachaw mayipxista nayan Tatitur jiskt'añaxataki, nayarusti sapxarakistawa: ‘Tatitu Diosasat nanakatak mayim, ukatsti kuntix jupax siskani uk yatiyapxarakita, arsutapar nanakan phuqhañaxataki’ sasa.

Jeremías 42:20 Jak'a apnaqawi uñst'ayäwi

Salmos 18:44

Arojj ist'asajj mäquiw jaysapjjetu; yakha marcanquir jakenacajj k'ayachapjjetuwa,

Salmos 65:3

Jucha luratanacajjajj aynacht'ayapjjetuwa, ucampis jumaw juchanacajjat pampachapjjesta.

Jeremías 17:10

Naya Tatituwa, jaken chuymapjja uñjta, chuyma mankhapan amtatanacapsa yatiractwa; sapa maynirusa waquisitaparjamaw churaractjja, luratanacaparjamaraqui.”

Jeremías 3:10

Take ucanac pasatatsti, yakhampi sarnaker Judästi janiraquiw nayan ucarojj cuttanquiti take chuymapampejja, jan ucasti nayarojj sallkjituwa. Naya Tatituw ucjja arsta.”

Jeremías 37:3

Sedequías reyisti, Selemiasan yokapa, Jucal sat jakempiru, uqhamaraqui Maasías jaken Sofonías sacerdote yokapampiruw Jeremiasan ucaru qhitäna, aqham sapjjañapataqui: “Take nanacataqui Diosat mayirapipjjeta” sasa.

Jeremías 38:14

Sedequías reyisti saraquïnwa, Jeremiasarojj jupa nayrakataru irpapjjañapataqui, templona quimsïri puncüquis ucqharu. Ucanwa reyejj Jeremías chacharojj saraquïna: —Maya jumaru jisct'äma ucatsti uca jisct'arojj jaysitätawa —sasa.

Jeremías 42:2

jupanacasti Jeremías profetaru jac'achasisinsti sapjjaraquïnwa: —Maya jumat mayipjjäma, janiquiya janiw sapjjestati. Tatitu Diosamaru mayirapipjjeta nanaca juc'a jakenaca kheparapcta ucanacataqui, nayrajj waljanïpjjäyätwa, jichhasti juc'aniquëjjapjjtwa cunjämtejj jumajj uñjctajja uqhama.

Jeremías 42:5

Uqhamasti jupanacajj Jeremiasarojj sapjjaraquïnwa: —Tatitu Diosamaw chekpacha testigöni nanacataqui janitejj nanacajj cuntejj jupajj siscätam uca arunacaru phokhapcä ucapachajja.

Jeremías 43:2

ucapachaw Osaiasan Azarías sat yokapajja, Carea jaken Johanán yokapasa, yakha jach'a jach'a tucuri jakenacampejj Jeremiasarojj sapjjäna: “¡Cuntejj jumajj parlcta uca arunacajj c'ariwa!. Tatitu Diosasasti janiw jumarojj sisctamti nanacaru ‘Jan Egiptor sarapjjamti’ sañamataquejja.

Ezequiel 33:31

Uqhamaw marcajjajj jutasin juman nayrakataman kont'asipjje cunjämtejj lurapjjerïcäna, arunacama ist'añataqui. Ucampisa janiw uca arunacarjama sarnakapquiti. Munasiña k'ochunacäcaspasa uqhamacwa k'ochupjje, ucampisa jupanacan chuymanacapajj kollken khepapa sarañanquiwa.

Números 16:38

Cawquïri jakenacatejj juchanacapat jiwapqui ucanacan incensariopajj k'omachatäjjewa nayan nayrakatajjana, incienso loktañataqui. Uca metalanacjja laphinacaru tucuyapjjam altararu muyuntayañataqui, uqhamarac israelitanacataquejj amtasiñatac uchatäpan.”

Números 17:3

ucampisa Leví tribun varaparojj Aarón chachan sutipwa kellkaraquïta, mä varaw utjañapa sapakat tribun jilïripatjja.

Mateo 22:35

Jupanacat maynïrejj ley yatichirïnwa, jupasti yant'añataquiw Jesusarojj jisct'äna:

Gálatas 6:7

Jan sallkjasipjjamti; janiw qhitis Diosatjja sawcascaspati. Cuntejj jakejj yapuchqui ucracwa apthapini.

Santiago 1:22

Ucampis cuntejj Diosan arunacapajj yatichquistu uc lurapjjaraquim, janiraqui alek isch'uquirinacaquïpjjamti, uqham alek isch'uquisajja jumanacpachaquiw sallkjasisipcasma.