Jeremías 40:5 - Qullan Arunaca

⁵ Cuttjjaña munsta ucapachasti Gedaliasan ucaru cuttjjam, qhititejj Ahicam sat jakena yokapäqui, Safán jakena allchhipäcaraqui ucaru. Babilonianquiri reyisti juparuw Judá orakenquir marcanaca apnakañapataqui utt'ayaraqui, jupampi jacam uqhamaraqui marcamampi. Cawquirus sarjjañ munta ucaru sarascaquim” sasa. Comandantesti janc'aquiw Jeremiasarojj mä wajjt'äwi churaraquïna, uqhamaraqui cunanacatejj munasqui jacañataquejj ucanacsa, ucatsti qhitanucjjänwa.

Aymar Bibliia 1986

⁵ Cuttjjaña munsta ucapachasti Gedaliasan ucaru cuttjjam, qhititejj Ahicam sat jakena yokapäqui, Safán jakena allchhipäcaraqui ucaru. Babilonianquiri reyisti juparuw Judá orakenquir marcanaca apnakañapataqui utt'ayaraqui, jupampi jacam uqhamaraqui marcamampi. Cawquirus sarjjañ munta ucaru sarascaquim” sasa. Comandantesti janc'aquiw Jeremiasarojj mä wajjt'äwi churaraquïna, uqhamaraqui cunanacatejj munasqui jacañataquejj ucanacsa, ucatsti qhitanucjjänwa.

Qullan Arunaka DC

⁵ Kuttxañ munsta ukapachasti, Guedaliasan ukar kuttxam, khititix Ahicam sat jaqin yuqapäki, Safán jaqin allchhipäkaraki ukaru. Babiloniankir reyisti juparuw Judá uraqinkir markanak apnaqañapatak utt'ayaraki, ukhamasti jupampi jakir sarxam, ukhamaraki markamamp chika. Kawkiruy sarxañ munsta ukarux saraskakim” sasa. Uka jilïristi jank'akiw Jeremiasarux mä waxt'äwi churäna, ukhamaraki kunanakatix munaski jakañatakix ukanaksa, ukatsti khithanukxänwa.

Jeremías 40:5 Jak'a apnaqawi uñst'ayäwi

2 Reyes 22:12

Ucat ucspachawa reyejj säna Hilcías sacerdoteru, Safán chachan Ahicam yokaparu, Micaías chachan Acbor yokaparu, Safán kellkeriru, reyin Asaías sat oficialaparu, aqham sasa:

2 Reyes 22:14

Ucatsti sarapjjänwa Hilcías, Ahicam, Acbor, Safán, Asaías ucanacajja, Salum chachan profetisa Hulda warmipan ucaru; Salum chachasti Ticva chachan yokapänwa, uqhamarac Harhas chachan allchhiparaquïnwa, qhititï templo isinac uñjañapataqui utt'ayatäcäna uca. Hulda profetisasti Jerusalén marcana machak marcäquis ucanwa jacäna, cunapachatï jupar parlapjjäna ucqhajja,

2 Crónicas 34:20

ucat ucapachawa qhitanucüna Hilcías sumo sacerdoteru, Safán chachan Ahicam yokaparu, Micaías chachan Abdón yokaparu, Safán sat kellkeriru, uqhamarac reyin Asaías oficialaparusa, aqham sasa:

Esdras 7:27

Ucatsti Esdras chachajj oracionwa luräna: “Bendicitäpan awquinacasan Tatit Diosapajja, reyiru ch'amañchatapata Jerusalenana Tatitun temploparu jach'añchatapata,

Esdras 7:6

Esdras chachasti suma yatichirïnwa, Israelan Dios Tatitun leyipsa suma yatiraquïna, cuntï Diosajj Moisés toke churcäna ucanaca, ucatsti Esdras chacharojja Tatituw yanapascäna, uqhamatwa Artajerjes reyejj churäna take cuntï jupajj maycäna ucanaca.

Nehemías 1:11

Nayajj mayissmawa Dios Tata, oracionajj ist'añamataqui, uqhamaraqui sirvirinacaman mayisitanacapsa, nanacasti juma sapar jach'achañacwa munapjjta. Uqhamarac mayisiracsmawa nayar atipt'ayañama, reyirusa amuyt'ayaraquim nayar ist'añapataqui” sasa.

Job 22:29

Diosajj jach'a jach'a tucurirojj jisc'achiwa, alt'at chuymanirusti khespiyaraquiwa.

Proverbios 16:7

Cunapachatï jaken sarnakäwipajj Tatitutac sumäqui ucqhajja, uñisiripampisa Tatitojj juparojj sumancayiwa.

Proverbios 21:1

Reyin amtatanacapajj Tatitun amparapanquiwa; Tatituraquiwa sarayasqui, cunjämatï jawiranacajj sarasqui uqhama.

Jeremías 15:11

Tata, janitejj nayajj jumaru suma sirvcsma ucapachasti, uca maldicionanacapajj phokhaspan, janitejj nayajj uñisirinacajjataqui achict'ascsmajja, cunapachatejj jupanacajj llaquisiñancapjjäna, jan walt'añancapjjaraquïna ucapachajja.

Jeremías 26:24

Safán jakena Ahicam sat yokaparaquiw Jeremiasat arjjatasisa parlaraquïna; uca parlatapasti janiw Jeremiasarojj catuntaycänti janiraquiw jakenacas catuntapcänti jiwayañataquejja.

Jeremías 39:14

Jeremiasarojj irpsuyanipjjäna guardianacan patiopata, ucatsti Gedalías sisqui ucaruw catuyapjjäna uñjañapataqui, ucasti Ahicam sisqui uca jaken yokapänwa, Safán jaken allchhiparaqui, ucatsti utaparuw irpjjapjjäna. Uqhamaw Jeremiasajj mayni jakenacampi chica kheparjjäna jacasiñataqui.

Jeremías 40:4

Jichhajj uñtam, jichhpachaw aca cadenanaca jararjjäma. Jumatejj nayampi chica Babiloniaru sarañ munsta ucqhajj sarätawa; nayaw jumarojj sum uñjascaraquïma. Jan sarañ muncsta ucapachasti acaruqui kheparjjam. Take aca marcpachajj jumanquiwa, cawquirus munta ucaru sarascam jichhajja.

Jeremías 41:1

Pakallko phajjsi pasjjepansti Netaniasan yokapa Elisama sat jaken allchhipa Ismael sat jakejj, qhititejj reyin familiapatäcaraquïna ucajj Mizpa sisqui uca chekaruw saräna Gedaliasampi jiquisiñataqui. Tunca jakenacampi chict'ataw saräna.

Jeremías 41:18

uqhamat caldeonacat jaltjjañataqui, Ismaelon Gedaliasaru jiwayatap laycuraquiw uca caldeo jakenacarojj wali ajjsarapjjäna, uca Gedaliasasti Babilonianquir reyin utt'ayataraquïnwa uca marcanaca apnakañapataqui.

Jeremías 41:2

Mizpa sisqui uca chekan mank'casinjja, Ismael uqhamaraqui uca tuncanimpi sartasinwa espadampi Gedaliasarojj jiwayapjjäna, qhitirutejj Babilonianquiri reyejj Judá orake apnakañapataqui utt'ayawaycatayna ucaru.

Hechos 27:3

Khepürusti Sidón sat puertoruw puripjjta. Ucansti Julio capitanajj Pablorojj suma chuymampiw uñji. Pablorusti amigonacapan ucarus sarayaraquirïnwa, jupanacat cuna yanap mayiñapataquisa.

Hechos 27:43

Ucampis soldadonacan capitanapajj Pablor khespiyañ munasinwa, soldadonacaparojj säna jan qhitirus jiwayapjjañapataqui. Saraquïnwa: “Qhitinacatejj uma patan tuyuñ yatipqui ucanacajj nayrakat umar thokontapjjam wañar mistjjañataqui.

Hechos 28:10

Ucatsti nanacarojj wal yäkapjjetu. Sarjjapcta ucqhasti take cunanacwa churawayapjjetu sarjjañataquejja.

Hebreos 13:6

Uqhamajj jichhajja, take iyawsañampiw arssnajja: “Tatituw yanapt'irejjajja; janiw cuntejj jakejj lurquitaspa ucjj ajjsarcäti” sasa.