Jeremías 4:24 - Qullan Arunaca

²⁴ Kollunac uñtta, ucanacasti qhathatisipcaraquïnwa; take kollunacaw qhathatipjjäna.

Aymar Bibliia 1986

²⁴ Kollunac uñtta, ucanacasti qhathatisipcaraquïnwa; take kollunacaw qhathatipjjäna.

Qullan Arunaka DC

²⁴ Jach'a qullunak uñtta, ukanakasti khathatipxänwa; jisk'a qullunakas chhijthaptapxänwa.

Jeremías 4:24 Jak'a apnaqawi uñst'ayäwi

1 Reyes 19:11

Ucatsti Tatitojj sänwa: “Ankar mistunim, ucatsti nayan nayrakatajjanraqui sayt'asiraquim, kollu patjjana” sasa. Uca horasanwa Tatitojj pasawayi, ucatjja mä jach'a wali ch'amani thayawa kolljja allinucuraqui, uqhamarac Tatitun nayrakatapana karkanacjja jaljtayaraqui; ucampis Tatitojj janiw uca thayanccänti. Uca thayjjarusti mä orake qhathatiraquiw utjaraquïna; ucampis Tatitojj janiw uca orake qhathatinccänti.

Salmos 18:7

Ucapachaw orakejj ch'amamp qhathatïna, kollunacajj saphitpach onjjtäna, Tatitun k'apisiñapamp qhathatiyatäpjjänwa;

Salmos 77:18

Khejjokhejjonacamajj jach'a thayamp chicaw ist'asïna, llijullijunacamajj acapachpach khant'ayäna, orakesti qhathatïnwa.

Salmos 97:4

Khejjokhejjonacapajj acapach khantayi, uc uñjasinsti orakejj ajjsarañat qhathati.

Éxodo 19:18

Ucampis takpach Sinaí kollutsti walipuniw nina jiwk'ejj mistsüna Tatitojj nina taypinjama kolljjaru jutatap laycu. Uca jiwk'esti mä hornotjamwa mistsüna, ucatsti takpach kolluwa wali qhathatïna.

Isaías 13:13

Ucapachaw alajjpachajj qhathatini, orakes yakha chekaruw jittaraquini, uca urun nayan colerasitajj laycu, colerasiñajjajj sinti jach'ätap laycuraqui.

Isaías 24:20

Mä machat jakjamaw qhathatini, mä thantha chhujllar uñtataw qhathatini. Juchanacapasti jupjjarojj walpun jatjjattaraquini, liwisiniwa, ucatsti janiraquiw mayampsa sartjjaraquiniti.

Isaías 5:25

Ucatwa Tatitojj marcapataquejj k'apisïnjja, amparapsa aytaraquïnjja mutuyañataqui. Kollunacasti qhathatipjjänwa, jake jiwatanacasti callenacan t'unar uñtat jaktatäpjjaraquïnwa. Uqhamäquipansa, Tatitun colerasiñapajj janiw t'akt'quiti; jichhas jupajj arusiscaquiwa.

Jeremías 10:10

Tatituquiw chekpach Diosajja, jacquiri Dios, wiñay Rey. Cunapachatejj jupajj colerasqui ucqhasti aca orakejj qhathatiwa; marcanacasti janiraquiw colerasiñaparojj cutcatasipcaspati.

Jeremías 8:16

¡Uñisirinacasajj niyaw purinipjje! ¡Dan sisqui uca oraketsti niyaraquiw caballonacan samatapas ist'asi! Cunapachatejj warart'apjje ucapachasti, take orakpachaw qhathatiraqui. Take aca marcaru, yänacapamppacha t'unjiriw jutapjje, marcanacarusa, jaquirinacarusa.”

Jeremías 9:10

“Jachapjjam, aykopjjaraquim kollunacatjja, suma ch'ojjña orakenacatsti jachasisa k'ochupjjam, ucanacasti k'ala naqhantatäjjiwa, janiraquiw qhitis uca cheka pascjjeti, janiraquiw uywanacan wararitapas ist'ascjjeti, jamach'inacasa, monte animalanacasa jayaruw sarjjapjjatayna.

Ezequiel 38:20

Jach'a kotanquiri chawllanacasa, alajjpach jamach'inacasa, montenquir animalanacasa, catarinacasa, naya nayrakatanwa qhathatipjjaraquini take jakenacas uqhamaraqui. Jach'a kollunacas k'alaw t'unthaptapjjaraquini, karkanacas willthaptapjjaraquiniwa, take perkanacas liwirtapjjaraquiniwa.

Miqueas 1:4

Jupan jutataparusti kollunacajj pampaw tucuni, cunjämatejj liq'ejj ninar uñacht'ayatajj umatatqui uqhama, vallenacasti payaruw jist'jtapjjani, jalquir uman qharjatjama.

Habacuc 3:10

Jum uñjasajj jach'a kollunacas qhathatipjjewa, umanacas walipuniw waraktani, jach'a kotasa warariwa, uqhamaraqui jach'anacaw mathapinacajj sartaraqui.

Habacuc 3:6

Cunapachatï jupajj sayt'qui ucqhajj orakes qhathatiwa; uñtäwipampejj marcanacarus qhathatiyaraquiwa; nayrapacha jach'a kollunacasa allthaptaraquiwa, jisc'a kollunacas ina ch'usaruraquiw tucupjje. Ucampis Diosan thaquinacapajj wiñayataquipuniwa.

Apocalipsis 6:14

Alajjpachasti mä papelar uñtataquiw llawthaptawayjjäna. Take kollunacasa, kota taypincqui uca orakenacasa onjjtayatäpjjaraquïnwa.