Jeremías 39:5 - Qullan Arunaca

^5-6 Ucampisa caldeo soldadonacajj jupanacarojj arctapjjaraquïnwa, Sedequías reyirusti Jericó pamparuw jicjjatapjjäna. Catuntasinsti Nabucodonosor reyin nayrakataparuw irpapjjäna; uca reyisti Ribla sisqui uca chekancascaraquïnwa, Hamat sisqui uca orakena. Ucanwa Nabucodonosor reyejj Sedequiasan wawanacapataqui juchañchäwi mistuyaraquïna, ucatsti pachpa Sedequiasan uñjcataw wawanacaparojj jiwarayäna p'eke apakayasa, uqhamaraqui take jach'a jilïrinacaparusa, qhitinacatï Judá oraken apnakapcän ucanacaru.

Aymar Bibliia 1986

^5-6 Ucampisa caldeo soldadonacajj jupanacarojj arctapjjaraquïnwa, Sedequías reyirusti Jericó pamparuw jicjjatapjjäna. Catuntasinsti Nabucodonosor reyin nayrakataparuw irpapjjäna; uca reyisti Ribla sisqui uca chekancascaraquïnwa, Hamat sisqui uca orakena. Ucanwa Nabucodonosor reyejj Sedequiasan wawanacapataqui juchañchäwi mistuyaraquïna, ucatsti pachpa Sedequiasan uñjcataw wawanacaparojj jiwarayäna p'eke apakayasa, uqhamaraqui take jach'a jilïrinacaparusa, qhitinacatï Judá oraken apnakapcän ucanacaru.

Qullan Arunaka DC

^5-6 Ukampis Babiloniankir soldadonakax Sedequías reyiruw arktapxäna, ukatsti Jericó pamparuw jikxatapxäna. Katuntasinsti Nabucodonosor reyin nayraqataparuw irpapxäna; uka reyisti Riblá sata uka chiqankaskänwa, Hamat sata uraqina. Ukan Nabucodonosor reyix mä juchañchäwi mistuyäna: pachpa Sedequiasan uñjkataw wawanakaparux p'iqi khariqas jiwarayäna, ukhamaraki Judá uraqin apnaqapkän taqi uka jach'a jilïrinakaparusa.

Jeremías 39:5 Jak'a apnaqawi uñst'ayäwi

2 Samuel 8:9

Hamat marcanquiri, Toi reyisti, Davidan uqhama Hadad-ezer reyin ejercitoparu atipjatap ist'asinsti,

2 Reyes 17:24

Asirianquiri reyisti jakenacwa apanïna israelitanac lanti Babiloniata, Cuta, Ava, Hamat, Sefarvaim uca marcanacata, ucatsti uchänwa Samaria marcaru. Uqhamatwa Samaria marca catuntasisina ucanacan jacapjjäna.

2 Reyes 23:33

Ucatjja Necao sat faraonajja juparojj Hamat sat orakena, Ribla chekanwa preso catuntäna, jan Jerusalén marcan apnakañapataqui; ucatjja marcarojja mayïnwa impuesto pagapjjañapataqui quimsa waranka quimsa patacani kilo kollkenaca, uqhamarac quimsa tunca quimsani kilo korinacaraqui.

2 Reyes 25:6

Caldeonacasti reyir catuntasinjja Babilonianquir reyin ucaruw apapjjäna, jupasti Hamat orakena Ribla sat chekancascänwa. Qhayanwa Nabucodonosor reyejj juchañchäwipa arsüna Sedequías reyitaqui.

2 Crónicas 33:11

Ucatwa Tatitojj jupanacataquejj jutayäna asirianquiri reyin ejercitopana jilïrinacaparu, jupanacasti Manasés reyirojj ganchompiw catuntayäna, ucatjja bronceta lurat cadenanacampi ach'antasawa preso Babiloniaru apapjjäna.

Isaías 22:3

Jilïrinacamajj takeniw jaltjjapjje, arconacat jaltapcasinsti preso caturayasipjjaraqui. Wali ch'amani chachanacasti jayaruw jaltjjapjje, ucat preso caturayasipjjaraqui.

Jeremías 21:7

Uca khepatsti, Judá orakenquiri Sedequías reyerojj Nabucodonosoran amparaparuw catuyaraquï, uqhamaraqui yakha uñisirinacapan amparaparusa, take jilïri oficialanacapampi soldadonacapampi chica, cawquïri jakenacatejj marcan jilt'asipcaquini; usunacatsa, guerranacatsa uqhamaraqui mach'anacatsa. Nayaw jupanacarojj espadampcama jiwarayayäjja jan arjjatasisa ni qhuyapt'ayasisa. Naya Tatituw ucjja arsta.’

Jeremías 24:8

“Ucampisa Judá oraken Sedequías reyiparusti, jilïrinacaparusa, Jerusalenan jaquirinacarusa, qhitinacatejj aca orakeru kheparapqui, jan ucajj Egiptoru sarasinsa suma utjasjjapjje ucanacarojja, uca jan wali higonacarjamaw uñjaraquï, cawquïri higonacatejj jan walïtap laycojj ni mank't'añjamäquisa ucanacarjama.

Jeremías 38:18

Ucampisa janitejj jupanacaru catuyascäta ucapachasti caldeonacaw aca marcjja catuntasipjjani ucatsti ninampiw naqhantayapjjaraquini, jumasti janiraquiw ucatjja jaltañataqui ch'amanïcatati’ sasa.

Jeremías 38:23

Jeremiasasti reyerojj sascaquïnwa: —Reyin take warminacapasa, uqhamaraqui wawanacapasa caldeonacaru catuyatäniwa, juma jach'a reyisti janiw jupanacan amparapatjja jaltcaraquïtati, jan ucasti Babilonianquiri reyiru catuyataw uñjasïta, aca marcarusti ninampiw naqhantayapjjaraquini —sasa.

Jeremías 4:12

Nayajj thayt'ayancä ucasti wali jach'a thayäniwa, jichhasti jupanacataquiw juchañchäwi arsuraquï.”

Jeremías 44:30

Egipto marcan reyipa Hofra sat faraonarojj uñisirinacapan amparaparuw catuyä, cunjämatejj Sedequías Judá marcan reyiparojj Nabucodonosoran amparaparu catuytjja uqhama. Ucasti Babilonia marcan reyipänwa Sedequiasan uñisiriparaqui.’

Jeremías 49:23

Damasco marcataqui arunaca: “Hamat, Arfad marcanacajj wali p'enkasitäpjjewa, jan wali yatiyäwinaca purinitap laycu. Ajjsarañampi phokhantatäpjjewa, janiraquiw alekt'añataquejj ch'amanïpquiti.

Lamentaciones 1:3

T'akhesiñanacampitsa, ch'ama tucuñanacampitsa, Judá marcajj jichhajj preso apatawa. Qhititejj nayrajj marcanac taypin apnakcäna ucasti jichhajj janiw samarañ jicjjatcjjeti. Jupar arcnakerinacasti, jicjjatapjjaraquiwa, ucatsti jan walt'añanacanwa uñjasiyapjjaraqui.

Lamentaciones 4:20

Tatitun ajllitapasti preso catuntataw uñjasi, jacañasaru ch'ama churirejja, cawquïri reyittejja siscaraquïyätan: “Jupan apnakataw marcanac taypin jacasiraquiñäni” sasa.

Ezequiel 23:24

Jumarusti walja carronacampi, walja ejercitompiw jutapjjaraquini; take toketwa muyuntapjjaraquïtam, suma armanacampi armantata, casconacampi asjjatata, uqhamaraqui escudonacampi cuna, nayasti jupanacarojj jumaru taripañataqui munañanïñwa churaraquëjja, jupanacasti leyinacaparjamaw taripapjjaraquïtam.

Habacuc 1:7

Sustjascaña, ajjsarcañaraquiwa, jupanacan leyinacapasti ch'amanacapampi lurañaquiwa.

Números 13:21

Jakenacasti sarasinjja uñatatapjjänwa marcjja; aynach token Zin sat wasarata, amsta token Rehob sat chekacama, Hamat sat mantañ chekacama.

Josué 13:5

Giblitas sat marcan orakenacapas jilt'ascaraquïnwa, Líbano orakenacasa, intejj jalsunqui ucatpacha, Baal-gad chekatpacha, Hermón kollu thiyatpacha, Hamat marcar mantañ chekacama.

Josué 4:13

Mä pusi tunca waranka jakenacaw armantata Tatitu Diosan nayräjjapa pasapjjäna, nuwasiñataquisa janc'aquiraqui, Jericó marca tokeruw sarapjjaraquïna.

Josué 5:10

Israelitanacajj Gilgal sat chekaruw puripjjäna, ucatsti phajjsit tunca pusini urunac sarakataruw jupanacajj Pascua fiesta amtapjjäna, Jericó marca thiyana.

Jueces 3:3

Kheparapjjänwa filisteonacan pheska jilïrinacapa, takpach cananeonaca, sidonios satanaca, uqhamarac heveos satanaca, jupanacasti jacapjjänwa Líbanos sat lomanacana, Baal-hermón sat lomata kalltasina Hamat sat chekacama.