Jeremías 39:16 - Qullan Arunaca

¹⁶ “Saram, ucatsti Ebed-melec sisqui uca etiope jakeru saraquim: ‘Take ch'amani Israelan Diosapa Tatitojj aqham siwa: cuntejj aca marcataqui arscta uca arunacjja phokhapunïwa, ucasti uca marcan jan walt'añapataquïniwa, janiw asquipataquïcaniti. Cunapachatejj take ucanacajj pascani ucapachasti jumajj ucancascaraquïtawa.

Aymar Bibliia 1986

¹⁶ “Saram, ucatsti Ebed-melec sisqui uca etiope jakeru saraquim: ‘Take ch'amani Israelan Diosapa Tatitojj aqham siwa: cuntejj aca marcataqui arscta uca arunacjja phokhapunïwa, ucasti uca marcan jan walt'añapataquïniwa, janiw asquipataquïcaniti. Cunapachatejj take ucanacajj pascani ucapachasti jumajj ucancascaraquïtawa.

Qullan Arunaka DC

¹⁶ “Saram, ukatsti Ébed-mélec sata uka etiope jaqir sarakim: ‘Israelan taqi ch'amani Tatitu Diosapax akham siwa: Kuntix aka markatak arskta uka arunak phuqhapunïwa, ukasti uka markan jan walt'añapatakïniwa. Kunapachatix taqi ukanakax luraskani ukkhasti jumax ukankaskarakïtawa.

Jeremías 39:16 Jak'a apnaqawi uñst'ayäwi

2 Crónicas 36:21

phokhasiñapataqui cunatejj Diosajj Jeremías profetap toke siscäna uqhamaru. Uqhamawa marcajj samarañapäna suma cusisiñana; uqhamatwa samaräna tucjatäcäna uca maranacana, pakallk tunca mara pasañapcama.

Salmos 92:11

Nayranacajjajj timanacajjar aynacht'ir uñjani, jinchunacajjasti aynacht'atap ist'apjjani.

Jeremías 26:15

Ucampisa acjja suma yatipjjaraquim: Jumanacatejj nayaru jiwayapjjetätajja, ucapachajj take aca marcanquir jakenacasa, jumanacasa juchañchatäpjjätawa mä jan juchani jakeru jiwayapjjatanacamatjja, khanpachansa Tatitojj nayaru qhitanitapata take acanaca khana jumanacaru yatiyañajjataqui.”

Jeremías 26:18

“Ezequiasajj aca Judá orake apnakcän uca urunacanjja, Moreset sat chekat jutiri Miqueasaraquiw, uqhama Tatitun sutipjjaru take jakenacaru parlänjja aqham sasa: ‘Take ch'amani Tatitojj aqham siwa: Sionajj mä khollinucuta yapjamaw kheparani, Jerusalenasti mayjaru willthapita lakayanacaquiw uñjasiraquini, templojj utachatäqui uca kollusti koranacampi phokhantataraquiw uñjasini’ sasa.

Jeremías 26:20

Semaiasan yokapa Urías profetasa, cawquïritejj Quiriat-jearim sat marcana jaccäna ucasa, Tatitun sutipjjaruraquiw aca marcataquisa uqhamaraqui aca orakenquir jakenacataquisa Jeremiasjama parlaraquïnjja.

Jeremías 34:22

Uca uñisirinacarusti wasitatwa aca marcaru cutt'ayaniraquï, ucatsti tucjayaraquïwa, catuntasinsti ninampiw naqhantayaraquï. Judá orakenquiri yakha marcanacarusti ch'usa wasaran jan jakeni tucuyaraquëjja. Naya Tatituw ucjja arsta.”

Jeremías 35:17

Ucatwa, naya Israel Diosapa take ch'amani Diosajj sistjja: Judá oraken uqhamaraqui Jerusalén marcan utjasiri jakenacjjarojja cunayman jan walinacwa apayanëjja, cuntejj jupanacaru yatiycta take ucanaca. Nayasti jumanacarojj parljjayapjjsmawa, ucampis jumanacajj janiw nayarojj ist'apquistati, jumanacarojj jawsapjjsmawa, ucampis jumanacajj janiw jaysapquistati.’ ”

Jeremías 36:31

Ucatsti jumarusa, wawanacamarusa, jach'a jilïrinacamarusa jucha luratanacapatjja mutuyaraquïwa. Jumanacjjarusti uqhamaraqui Jerusalén marcan utjirinacjjarusa, Judá oraken utjiri jakenacjjarusa, cuna casta jach'a t'akhesiñatejj yatiycta ucjja apayanipunïwa, jumanacasti uca yatiyäwinacarojj janiw ist'apcaractati’ ” sasa.

Jeremías 40:3

Jumanacarojj acajj pasapjjtamwa Tatitu toke jucha lurapjjatamata janiraqui juparu jaysapjjatamata.

Jeremías 44:27

Nayasti jumanacjjarojj t'akhesiñanacacwa apayanipjjäma, janiw asquinacti apayanipcämajja. Take qhitinacatejj Judá marcat jutasin aca Egipto marcan jacasipcta ucanacasti guerrampi, mach'ampi jan mayani tucjatäpjjätawa.

Daniel (hebreo) 9:12

Jumasti, nanacjjaru aca jach'a jan walt'äwi apayanisajja, cuna ajjsarañanactejj nanacaru churapquista ucjja phoktawa, uqhamaraqui qhitinacatejj marca apnakapqui ucanacampisa; aca orakensti janipuniw utjcänti mä mutuyäwejja cawquïri mutuyäwtejj jumajj nanacjjaru apayanipquista uqhamajja.

Amós 9:4

Wasararus uñisirinacapan apata sarasipcpan, espadaruw qhitaraquëjja jiwarayaniñapataqui. Janiw sumäquis ucataquejja, jan ucasti jan walitaquipuniw uñjäjja.”

Zacarías 1:6

Ucampisa, arunacajjas, camachi arunacajjsa, cuntejj jaytawayta nayar yupaychiri profetanacaru parlañapataqui, ucasti purt'awayiwa nayra awquinacamarojja. Jupanacasti cutt'anjjapjjewa, wasitat amuyt'asa, naya take ch'amani Tatitojja sarnakäwinacaparjama, luräwinacaparjama uñjañajjajj waquisitap yatisina.’ ”

Mateo 24:35

Alajjpachampi acapachampejj tucusiniwa, ucampis arunacajjajj janiw tucuscaniti.