Jeremías 39:1 - Qullan Arunaca

¹ Sedequías reyejj llätunca mara Judá orake apnakcän uca maranwa, tunquïri phajjsina, Nabucodonosor reyejj Babiloniat sartaniwayi take ejercitopampi Jerusalén marcaru, ucatsti k'alwa muyuntaraquïna.

Aymar Bibliia 1986

¹ Sedequías reyejj llätunca mara Judá orake apnakcän uca maranwa, tunquïri phajjsina, Nabucodonosor reyejj Babiloniat sartaniwayi take ejercitopampi Jerusalén marcaru, ucatsti k'alwa muyuntaraquïna.

Qullan Arunaka DC

¹ Sedequías reyix tunka mara, llätunka phaxsinaka Judá uraqi apnaqkän ukkhawa, Nabucodonosor reyix Babiloniat jutantäna taqi ejercitopampi Jerusalén markar katuntañataki, ukatsti q'al muyuntarakïna.

Jeremías 39:1 Jak'a apnaqawi uñst'ayäwi

2 Crónicas 36:17

Ucatsti Tatitojj jupanac tokejj jutantayänwa caldeonacan reyiparu, templo pachparuwa waynanacarojja cuchillompi jiwarayäna, janiw qhititsa qhuyapt'ayascänti waynanacatsa, tawakonacatsa, awquinacatsa, cojonacatsa. Takeniruwa Tatitojj amparaparcama catuyäna.

Jeremías 32:1

Sedequías reyejj tunca mara Judá orake apnakcäna, uqhamaraqui Nabucodonosor reyis tunca quimsakallkoni mara apnakcaraquïna uca maraw Tatitojj Jeremiasarojj aqham sasa parljjayäna:

Jeremías 34:1

Cunapachatejj Babilonianquiri Nabucodonosor reyejj take marcanacan ejercitopampi, jupajj apnakcäna uca marcanacampi Jerusalén marcaru, uqhamaraqui take uca tokenquiri marcanacaru nuwantascäna, ucapachaw Tatitojj Jeremiasaru parljjayäna aqham sasa:

Jeremías 34:22

Uca uñisirinacarusti wasitatwa aca marcaru cutt'ayaniraquï, ucatsti tucjayaraquïwa, catuntasinsti ninampiw naqhantayaraquï. Judá orakenquiri yakha marcanacarusti ch'usa wasaran jan jakeni tucuyaraquëjja. Naya Tatituw ucjja arsta.”

Jeremías 42:18

“Israelana Diosapa take ch'amani Tatitusti siwa: ‘Cunjämatejj colerasiñajjampi khoruchasiñajjampejja ninjam jumanacataqui aktänjja, take qhitinacatejj Jerusalén marcan jacapcäna take ucanac toke, uqhamaraquiw jumanac tokejj colerasiñajjajj aktani, jumanacatejj Egiptor sarapjjäta ucapachajja. Jumanacajj jakensa uñtcaña maldecitäpjjätawa, ajjsarcaña tucjataw uñjasipjjaraquïta, janiraquiw mayampsa aca orakjja uñjapcjjätati’ sasa.

Jeremías 52:1

Cunapachatejj Sedequías reyejj apnakañ kalltkäna ucapachasti pä tunca mayan maranïnwa, Jerusalén marcansti tunca mayan maraw apnakaraquïna. Taycapasti Hamutal sataraquïnwa, Libna marcanquiri Jeremiasan phuchaparaquïnwa.

Jeremías 6:6

Take ch'amani Tatituw uca arunacjja churaraqui: “¡Kokanac tincuyapjjam, ucatsti uca lawanac arct'apjjam, ucanac patjjata Jerusalenar nuwantañataqui! Aca marcajj juchañchatäñataqui catuyatawa, mayninacaru t'akhesiyapjjatap laycu.

Ezequiel 33:21

Tunca payani phajjsina, pheska uru sarakataru, tunca payani mara apanucutata sarakatarojja, mä jakew Jerusalén marcata jaltanjjasinjja nayan ucaru jutitu ucatsti yatiyaraquituwa, Jerusalén marcajj uñisirin amparaparu jalt'atapa.

Ezequiel 4:3

Ucatsti hierrot lurat mä jach'a thuru lata aptam; ucsti jumampi, uqhamaraqui marcampi taypiru uscum mä perkäcaspas uqhama, ucat marca uñcatasiru sayt'asim nuwantañatacjama. Ucasti israelitanacataquejj mä unañchäwïnina.

Ezequiel 40:1

Uca phajjsina, tunca uru sarakatarusti, cuna urutejj machak mara urüqui, uca uruw Tatitojj amparapa nayjjaru lokjjatitu, ucatsti mä unañchäwi toke Israel orakeruw irparaquitu. Cunapachatejj Babilonia orakeru apatäcayätan, ucatsti niya pä tunca pheskani maraw pasjjaraquitayna, uqhamaraqui Jerusalén marcajj catuntatäcän ucqhatsti tunca pusin maraw pasjjaraquitayna. Israel orakensti Tatitojj mä alto kollu pataruw irpnoketu, ucatpachwa aynach tokenjja walja jach'a utanaca uñjta, ucajj mä marcäcaspas uqhamänwa.

Ezequiel 5:2

Cunapachatejj marcaru nuwantañajj tucusjjani ucqhasti uca quimsatjja maynïri naqhantayam, marca taypina; ucat mä espada caturaquim, ucatsti uca quimsatjja mä chicata ñic'utanaca qhuchhunokaraquim, uca ñic'utanacjja marca muytata uscuraquim. Jilt'äqui ucsti thayaru willjjaruyam. Nayaw uca jakenacan khepapa sararaquï mä espada ayt'ata.

Zacarías 8:19

“Pusïri, pheskëri, pakallköri, tunquïri phajjsina ayunañajja cusisiñaruw cuttanejja, cusisiña fiestaruraqui Judá familiat jutirinacataqui. ¡Munapjjam jumanacajj cheka arsuñampiru sumancañampiru!”

Deuteronomio 28:36

“Diosan munañapatwa jumasa, reyimasa yakha marcar apatäni, cawqha chektejj ni jumasa ni awquinacamasa uñjapquiti ucaru, uca chekansti yakha diosanacaruw yupaychapjjäta, lawata, kalat lurat diosanacaru.