Jeremías 38:6 - Qullan Arunaca

⁶ Uqhamasti jupanacajj Jeremiasaru catuntasinjja, Malquías sata jilïrin phuch'uparuw jakontapjjäna, cawquïritï guardianacan patiopanccäna ucaru. Wisqhanacanjamwa warcuntapjjäna, uca phuch'unsti janiw umajj utjcänti jan ucasti ñek'equiwutjänjja, Jeremiasasti uca ñek'eruw jalantjjaraquïnjja.

Aymar Bibliia 1986

⁶ Uqhamasti jupanacajj Jeremiasaru catuntasinjja, Malquías sata jilïrin phuch'uparuw jakontapjjäna, cawquïritï guardianacan patiopanccäna ucaru. Wisqhanacanjamwa warcuntapjjäna, uca phuch'unsti janiw umajj utjcänti jan ucasti ñek'equiwutjänjja, Jeremiasasti uca ñek'eruw jalantjjaraquïnjja.

Qullan Arunaka DC

⁶ Ukhamasti jupanakax Jeremiasar katuntasinxa, Malquías sata jilïrin phuch'uparuw jaquntapxäna, kawkïritix uñjirinakan uta anqapankkän ukaru. Wiskanakat warkuntapxäna, uka phuch'unsti janiw umax utjkänti jan ukasti ñiq'ikiw utjäna, Jeremiasasti uka ñiq'iruw jalantäna.

Jeremías 38:6 Jak'a apnaqawi uñst'ayäwi

Génesis 37:24

catuntasinsti mä uma phuch'uruw jakontapjjäna, uca p'iyasti wañänwa.

Salmos 109:5

Asqui luratajjatjja, ñankhampiw cutt'ayapjjetu, munasiñatsti uñisisiñampiw phokhapjjetu.

Salmos 40:2

jiwañ p'iyat waysusitu, mic'ayar jalantquiriruw khespiyitu; karka patjjaruw cayunac tact'ayitu, tact'añajjaruw ch'amañchi.

Salmos 69:2

ñik'e phuch'uruw jalantascta, janiw cawqhar tact'asirjamäctsa; wali p'iya umcamaw purta, ch'aman umaw apjjetu.

Jeremías 32:2

Uca urunacansti Babilonianquiri reyin ejercitopaw Jerusalén marcarojj nuwantascaraquïna, Jeremías profetasti uca urunacajj reyin guardiapan palaciopan preso catuntatäscaraquïnwa.

Jeremías 36:26

Jan ucasti Jerameel jakeruw saraquïna Jeremías profetaru, Baruc sat kellkeripampiru catuntañapataqui. Uca Jerameel jakesti palacionquirinacat jutiriraquïnwa, Azriel sat jaken Seraías yokaparu, Abdeel jaken Selemías yokapampiru, Jeremías profetaru, Baruc kellkeripampiru catuntaniñapataqui, ucampis Tatituw jupanacarojj imantjjäna.

Jeremías 37:16

Jeremiasasti calabozot mankhancänwa, ucansti walja urunacaw ucancaraquïna.

Jeremías 37:21

Uqhamasti Sedequías reyejj saraquïnwa, Jeremiasajj guardianacan patioparuqui preso kheparjjañapa, ucatsti sapa ururaqui t'ant'a apapjjañapa, Panaderonacan callepa satäqui uca calleta. Uqhamaw phokhasïna t'ant'ajj marcan utjcän uca urunacajja. Uqhamatwa Jeremiasajj guardianacan patiopana preso khepararaquïna.

Jeremías 38:13

Uqhamasti jakenacajj uca wisqhatwa waysupjjäna, uca uma phuch'ut apsupjjaraquïna. Uca khepatsti Jeremiasajj guardianacan patiopanwa khepararaquïna.

Jeremías 38:22

Judá marcanquiri reyipan palaciopatsti take qhitinacatejj ucan kheparapqui uca warminacasti apsutäniwa, ucatsti Babilonianquiri generalanacaruw catuyataraquïni, ucatsti uca warminacajj jupanacpacharaquiw sapjjani: ‘Reyin suma amigonacapaw juparojj sallkjapjje, ucatsti atipjapjjaraquiwa; cayunacapajj ñek'eru jalantasquipansa janiw waysupcänti, jan ucasti maysa uñtjjapjje’ sasa.

Daniel (hebreo) 6:16

Uqhamasti reyejj Daniel chacharu irptayaniñataquiw arsuraquïnwa, ucat leonanacan putuparu jakontapjjañapataqui. Ucampisa janïra uca arunacajj phokhasquipanjja reyejj Daniel chacharojj aqham sasaw saraquïna: —Cawquïri Diosamarutejj jumajj take chuymamampi sirvcta ucasti jumarojj khespiypan —sasa.

Zacarías 9:11

Acsti Tatituw sejja: “Jerusalén, jumamp arust'äwi wila tokwa, nayajj apsü jan umañ phuch'utjja, jumanacan preso jakenacamjja.

Hechos 16:24

Uqham uca aru catokasinsti, cárcel uñjirejj juc'amp mankharuw jupanacarojj uchanti. Ucatsti mä maderat lurata cepo sata achthapiyañaruw cayunacapjj achuntayi.

Hebreos 10:36

Jumanacajj llamp'u chuymanïñanacamawa, Diosan munañapa lurañataquejja, ucat cuntejj arsuwaycän uc catokañataqui.