Jeremías 38:18 - Qullan Arunaca

¹⁸ Ucampisa janitejj jupanacaru catuyascäta ucapachasti caldeonacaw aca marcjja catuntasipjjani ucatsti ninampiw naqhantayapjjaraquini, jumasti janiraquiw ucatjja jaltañataqui ch'amanïcatati’ sasa.

Aymar Bibliia 1986

¹⁸ Ucampisa janitejj jupanacaru catuyascäta ucapachasti caldeonacaw aca marcjja catuntasipjjani ucatsti ninampiw naqhantayapjjaraquini, jumasti janiraquiw ucatjja jaltañataqui ch'amanïcatati” sasa.

Qullan Arunaka DC

¹⁸ Ukampis janitix jupanakar katuyaskäta ukapachasti, babilonio ejercitow aka markxa katuntasini, ukatsti ninampiw phichhantani, jumasti janirakiw ukat jaltkätati” sasa.

Jeremías 38:18 Jak'a apnaqawi uñst'ayäwi

2 Reyes 24:12

Ucatsti Judá ucanquir Joaquín reyejja, taycapampi, oficialanacapampi, jilïrinacapampi, uqhamarac wali uñt'at jakenacapampejj Babilonianquiri reyiruwa catuyasjjapjjäna, ucatjja jupanacarojj preswa catuntapjjäna. Acasti lurasïnwa cunapachatï Nabucodonosor reyejj quimsakallko mara apnakascäna ucqha.

Jeremías 21:10

Nayasti aca marcjjarojj ñankha apaniñwa amtta, janiwa asqui apaniñti. Aca marcjja Babilonianquir reyiruw catuyä, jupasti ninampiw aca marcjja naqhantayaraquini.’ Naya Tatituw ucjja arsta.

Jeremías 27:8

Yakhepa marcanacatejj jan ucajj reyinacasa jan Nabucodonosor reyimpi apnakatäñ muncani ucanacarojja nayaw guerrampi, mach'anacampi cunayman casta usunacampi, mutuyaraquëjja takenisa jupana apnakatäñapcama. Naya Tatituw ucjja arsta.

Jeremías 37:8

Caldeo jakenacasti jichhajj cuttanipjjaniwa, Jerusalén marcaru wastat nuwantiri, catuntasin ninampiw phichcatayapjjaraquini.

Jeremías 38:23

Jeremiasasti reyerojj sascaquïnwa: —Reyin take warminacapasa, uqhamaraqui wawanacapasa caldeonacaru catuyatäniwa, juma jach'a reyisti janiw jupanacan amparapatjja jaltcaraquïtati, jan ucasti Babilonianquiri reyiru catuyataw uñjasïta, aca marcarusti ninampiw naqhantayapjjaraquini —sasa.

Jeremías 38:3

Tatitusti saraquiwa: ‘Aca marcajj Babilonianquiri reyin amparaparuw purini, sasa. Jupaw catuntani, janiraquiw qhiti jarc'akersa jicjjatascaniti’ ” sasa.

Jeremías 39:3

Uqhamaraqui Babilonianquiri ejerciton jach'a jilïri oficialanacapas mantanisinjja chica puncüquis uca chekaruw purintapjje ucanacasti acanacänwa: Nergal-sarezer, Samgar-nebo, Sarsequim, uca jilïrinaca.

Jeremías 39:8

Caldeo jakenacasti reyin palacioparojj ninampiw phichhantapjjäna, uqhamaraqui take utanacarusa, marcarusti ninampiw naqhayapjjaraquïna, Jerusalén marcan perkanacapasti k'alwa allinucupjjaraquïna.

Ezequiel 12:13

Nayasti jupjjarojj känajjampi jakjjatasaw catjaraquëjja. Babiloniaruw juparojj aparaquëjja, caldeonacan orakeparu, uca oraksti janiw uñjcaraquiniti, ucanwa jiwaraquini.

Ezequiel 17:15

Ucampisa uca reyin familiapanquiri waynajj sayt'asïnwa uca Babilonia reyitaquejja, ucatsti Egiptoruw qhitanaca qhitaraquïnjja ucat caballonaca, uqhamaraqui walja jakenaca mayiniñapataqui. ¿Jumanacasti amuyapjjtati ucanac lurasinjja atipjañapa, uqhamaraqui jiwañatsa jaltjjañapjja? ¿Uca arust'äwiru jan phokheristi jiwañat khespiraquispati?