Jeremías 37:7 - Qullan Arunaca

⁷ jupan sutipjjaru uca qhitanita jakenacaru sañapataqui: “Judá orakenquiri reyirojja, cawquïritejj nayaru jisct'añataqui qhitanipctam ucarojj aqham sapjjam: ‘Faraonan ejercitopasti, cawquïritejj jumanacaru yanapiri jutcän ucasti cuttawayjjewa Egipto marcaru.

Aymar Bibliia 1986

⁷ jupan sutipjjaru uca qhitanita jakenacaru sañapataqui: “Judá orakenquiri reyirojja, cawquïritejj nayaru jisct'añataqui qhitanipctam ucarojj aqham sapjjam: ‘Faraonan ejercitopasti, cawquïritejj jumanacaru yanapiri jutcän ucasti cuttawayjjewa Egipto marcaru.

Qullan Arunaka DC

⁷ jupan sutipxar uka khithanit jaqinakar sañapataki: “Judá uraqinkir reyiru, kawkïritix nayar jiskt'añataki khithanipktam ukarux akham sapxam: ‘Faraonan ejercitopax jumanakar yanapt'iriw jutantaskäna, jichhasti Egipto markaparuw kuttawayxi.

Jeremías 37:7 Jak'a apnaqawi uñst'ayäwi

2 Reyes 22:18

Judänquir reyirojj sapjjamaya, qhititejj qhitanipctam Tatitur jisct'añataqui: “Ucatsti Israelan Tatit Diosapajj ucjjarojj saraquiwa: ‘Cuntï ist'ta ucar amuyt'añaru uchasitamatsti,

2 Reyes 24:7

Ucat ucsarusti Egiptonquir reyejj janiw wastatampi orakepata mistuncjjänti, Babilonianquir reyiwa take orake catuntasjjäna, Egipto jawirata, Eufrates jawircama uca laycu.

Proverbios 21:30

Tatitun nayrakatapanjja janiw yatiñasa, ch'iqhi cancañasa, suma amuyt'anacasa cunäcjjeti.

Isaías 30:7

jan ch'amani, jan cunatac yanapt'irjamaraqui. Ucatpï aca sutimpi uchtjja: “Jan cun luriri wararir jach'a ajjsarcañ animala” sasa.

Isaías 36:6

Amuyatajjatjja Egiptoruw alcatastajja. Jichhajj waliquiwa. Egiptojj nayataquejj mä jisc'a p'aquit sokosampi sasiquiwa, maynitejj uca p'aquit sokosaru alcataschejja, uca lawajj p'aquisiniwa, ucatsti uca alcatasirirojj chhokhontaraquiniwa, amparapsa junsuniwa. Ucaw faraón, Egiptonquir reyejja, qhitinacatejj jupar alcatasipqui ucanacataquejja.

Jeremías 2:18

Jichhasti, Egiptor sarasasti ¿cunraqui jicjjatta? Nilo jawiran umanacapat umt'asasti ¿cunsa jicjjatta? ¿Asiria oraker sarasasti, ucat Eufrates jawirat umt'asasti cunrac jicjjatta?

Jeremías 2:36

¿Cunatraqui janc'aqui cawquïrinacampitejj arust'ascta ucanacsti trocañ munta? Egiptos apanucuraquiquïtamwa, cunjämatejj Asiriajj apanucctam uqhama.

Jeremías 2:37

Ucatsti Egiptotjja mä p'enka cuttaniraquïta, nayasti qhitinacatejj jumar arjjatirjamäqui ucanacarojj apanuctwa, sumancatamampisti janiw cunsa jicjjatcaraquïtati.”

Jeremías 21:1

Sedequías reyisti, Malquías jaken Pasur yokapampiru; Maasías jaken Sofonías sacerdote yokapampiruw Jeremiasan ucaru aqham sasa qhitäna: “Achict'asipjjsmawa, Tatituruy nanacjjata jisct'am, Babilonianquiri Nabucodonosor reyiw, nanacaru nuwantasipquitu. Inampis Tatitojj mä milagro lurañ munascaspa, uqhamat Nabucodonosor reyerojj aca chekata sarayjjaspa” sasa. Uqhamasti Tatitojj Jeremiasarojj parljjayaraquïnwa,

Jeremías 37:3

Sedequías reyisti, Selemiasan yokapa, Jucal sat jakempiru, uqhamaraqui Maasías jaken Sofonías sacerdote yokapampiruw Jeremiasan ucaru qhitäna, aqham sapjjañapataqui: “Take nanacataqui Diosat mayirapipjjeta” sasa.

Jeremías 37:5

Ucañcamasti faraonan ejercitopajj Egiptotjja mistunipjjaraquïnwa. Caldeo jakenacasti, ucañcamajj Jerusalén marcaruw nuwantasipcäna ucanacasti faraonan ejercitop jutir ist'asinjja sarawayjjapjjänwa.

Jeremías 37:6

Uqhamasti Tatitojj Jeremías profetaruw parljjayaraquïna,

Lamentaciones 1:7

Jerusalenasti qhaya urunacatwa amtasi, cunapachatï sapaqui, llact'ata kheparcäna uca urunacata. Cuna kamir cancañapatejj nayrajj utjcäna take ucanacatwa amtasi; cunjämsa uñisiripajj amparapar purïna take ucanacwa amtasi, janiraqui qhitis jupar yanapt'irejj jutcänti ucanacwa amtasi, uñisirinacapasti jupar uñjasinjja, aynacht'atapatjja larusipjjänwa.

Lamentaciones 4:17

Nayranacapasa uñch'uccäwejja karirjjewa, inamayaquiw yanapa suyasctanjja. Mä marcan puriniñapwa suyasctan, jan khespiyir marcan puriniñapa.

Ezequiel 17:17

Cunapachatejj Babilonianquir reyejja, marcaru nuwantani, ucatsti nuwantañataqui suma sayt'asiñ chekanac waquichasiraquini, marcaru muytata jach'a perkanacsa perkantaraquini, uqhamaraqui walja jakenacarusa jiwarayaraquini ucapachajj faraón reyejj janiw ch'aman ejercitopjja qhitancaniti, janiraquiw walja jakenacsa qhitancaraquiniti.

Ezequiel 29:16

Israel marcasti janipuniw mayampsa juparojj alcatascjjaniti, ucapachaw amuyt'asjjapjjani uqham alcatasisajj pantjasipjjatapata cunapachatejj jupanacajj Egiptor yanapa mayir sarapcän ucqha. Ucapachaw yatipjjani nayan Tatitütajja’ ” sasa.

Ezequiel 30:22

Ucatpï naya Tatitojj sistjja: Nayajj egiptonquir Faraón reyin uñisiripaw tuctjja. Paypach amparanacapwa p'aquiräjja, c'umara amparamppacha, cawquïritejj p'aquitäcän ucamppacha, ucatsti amparapan espada ayt'atäquis ucsa liwinucusiyaraquïwa.