Jeremías 37:13 - Qullan Arunaca

¹³ Ucampisa cunapachatï Benjamín sata puncu chekaru purcän ucapachasti mayni jakewa Erías sat sutini, qhititejj Selemiasan yokapäcäna, uqhamaraqui Hananías sat jaken allchhipäcaraquïna, ucajj guardianacan jilïrïpänwa, ucasti Jeremiasarojj catuntänwa aqham sasa: “¡Jumajj caldeo jakenacaruw maqhatjjätajja!” sasa.

Aymar Bibliia 1986

¹³ Ucampisa cunapachatï Benjamín sata puncu chekaru purcän ucapachasti mayni jakewa Erías sat sutini, qhititejj Selemiasan yokapäcäna, uqhamaraqui Hananías sat jaken allchhipäcaraquïna, ucajj guardianacan jilïrïpänwa, ucasti Jeremiasarojj catuntänwa aqham sasa: “¡Jumajj caldeo jakenacaruw maqhatjjätajja!” sasa.

Qullan Arunaka DC

¹³ Ukampis Benjamín chiqar sarki uka punkur purkäna ukkhasti, Selemiasan Irías sat yuqapa, khititix Hananías sat jaqin allchhipäki, uñjirinakan jilïripäkaraki, uka Irías jaqiw Jeremiasarux katuntäna akham sasa: —¡Jumax babilonionakar jaqkattañ munatätaxa! —sasa.

Jeremías 37:13 Jak'a apnaqawi uñst'ayäwi

Jeremías 18:18

Jakenacasti sapjjaraquïnwa: “Jichhajj mä amtäwi lurañäni Jeremiasajj jan jiwasampëjjañapataqui. Jiwasaru yatichiri sacerdotenacajj utjascaniwa, amuyt'ani jakenacasa ewjjanacapa churañataquejj utjascapuniniwa, Diosan arunacapa yatiyiri profetanacas utjascapuniniwa. Jichhajj c'ari arunaca jupa toke arsuñäni uqhamat jiwayapjjañapataqui. Cuntejj jupajj sisqui uca arunacarusti janiraqui yäkañäniti” sasa.

Jeremías 20:10

Jakenacan jisc'at parlasitanacapsa ist'aractwa: “¡Take chekansa ajjsarañaquiw utjasqui!” “¡Jutapjjam, juchañchapjjañäni!” sapjjaraquiwa. Pachpa amigonacajjas suyt'apjjaraquiw nayan lanctasiñajj-jja. “Inas pantjasicchini; ucapachaw atipjasina juparojj phoksusiraquiñäni” sapjjaraquiwa.

Jeremías 20:2

Ucatwa jupajj Jeremiasaru nuwjapjjañapataqui qhitäna, cepo sata mä catuntañaru catuntapjjañapataqui, Benjamín sisqui ucsa token Jach'a Puncu tokena, templo jac'ana.

Jeremías 21:9

Aca marcar kheparirejja, guerrana, mank'atjama, usumpiw jiwarani. Ucampisa, cawquïrinacatejj mistjjapjjani, jichha nuwantanqui uca caldeonacaru catuyasjjaraquini ucanacasti, janiw jiwapcaniti; uqhamat jacañanacapsa khespiyasipjjañapataqui.

Jeremías 27:6

Jichhajj waliquiwa, nayasti take aca orakenacjja Nabucodonosor sirvirejjan amparaparuw catuyta, jupasti Babilonia marcan reyipawa, montenquir animalanacsa juparuraquiw catuyta.

Jeremías 28:14

Naya, Israelan Diosapa take ch'amani Tatituw arsta: Take marcanacan cuncanacapjjarusti nayaw mä hierrot lurat yugo uchta, uqhamat jupanacajj esclavot Babilonianquiri Nabucodonosor reyiru sirvipjjañapataqui. Montenquiri animalanacsa jupan amparaparuw catuyta’ ” sasa.

Jeremías 36:12

Ucatsti palacioruw sararaquïna, reyin secretariopan utaparu, cawqhantejj walja jilïrinacajj tantacht'atäpcän ucaru, ucansti jicjjatasipjjänwa: Reyin secretariopa, Elisama sat jake; Delaía, cawquïritejj Semaiasan yokapäqui uca; Acbur jaken Elnatán yokapa; Safán jaken Gemarías yokapa; Hananiasan Sedequías yokapa, mayni jilïrinacampi cuna.

Jeremías 38:1

Matán jaken yokapa Sefatías chachajj; uqhamaraqui Pasur jaken, Gedalías yokapasa; Selemías jaken Jucal sat yokapasa; uqhamaraqui Malquías jaken Pasur sat yokapasa; jupanacajj Jeremiasarojj ist'apjjänwa aca arunaca take jakenac nayrakatana parlasquiri, aqham sasa:

Jeremías 38:4

Ucatsti jilïrinacajj reyirojj sapjjaraquïnwa: “Aca jakerojj jiwayañawa, uqham parlatapampejja cawquïri soldadonacatejj marcar kheparapqui, cawquïri jakenacatejj aca marcancapqui ucanacaruw ch'ama thayjtayi. Aca jakejj janiw aca marcan asquipa munquiti jan ucasti aca marcan aynacht'añapwa thake” sasa.

Jeremías 38:7

Mayni jakew ucanjja utjaraquïna Ebed-melec sata, jupasti Etiopía orakenquirïnwa, reyin palaciopansti wali cheka jaket uñt'ataraquïnwa, aca jakew uqhama Jeremiasajj jakontatätapa ist'araquïna. Uca horasasti reyejj mä tantachasïwincascaraquïnwa Benjaminan Puncupa sisqui uca chekana.

Lamentaciones 4:18

Take sartäwinacaswa uñch'uquipjje, janiraquiw ankarus mistuñjamäquiti, tucusïwisasti jac'ancjjewa, horasajj purinjjestuwa; ¡tucjatäñasajj purinjjewa!

Amós 7:10

Betel marcan Amasías sacerdotepajja, Israel marcan Jeroboam reyipar yatiyiriw qhiti: “Amós chachajj Israel jakenac taypinwa sarnake juma contra amtayasa. Marcasti janiw juc'amp uqham parlaycaquispati.

Zacarías 14:10

Take marcpachaw mä pamparu uñtata tucjjapjjaraquinejja Geba marcat Rimón orakcama Jerusalenat aynach tokena. Jerusalenasti altoncaniwa, ucanracwa jacasipjjani. Benjaminan puncupata ángulo Puncucama (cawqhatejj Nayrajj Puncücäna), Hananeelan torrepata reyin prensampi aceite ch'irwañapcama.

Lucas 23:2

Ucanwa juchañchañ kalltapjjäna aqham sasa: —Aca jakerojj jakenacasar pejjtusquirwa jicjjatapjjta: ‘Impuestjja janiw romano emperadorarojj pagañasäquiti’ siwa, uqhamaraquiw ‘Cristöt’ saraquiwa, mä arunsti ucajj ‘rey’ sañ muni.

Hechos 24:13

Janiw aca jakenacajj khanañchapquitaspati take cunanacattï juchañchapquitu ucanacatjja.

Hechos 6:11

Ucatsti mä kawkhaniruw kollke chilltapjjäna, jupanacan sapjjañanacapataqui: Nanacajj aca Estebanarojj Moisés toke, uqhamarac Dios toke jan wal parlirwa ist'apjjta, sasa.

2 Corintios 6:8

Horasajj jach'ar aptatäpjjtwa, horasasti jisc'achatäpjjaractwa. Horasajj jan walinac nanacjjat parlapjje, horasasti walinacraqui; horasajj c'ari jakenacarjamaw uñjapjjetu, ucampis chekwa parlapjjta.