Jeremías 36:4 - Qullan Arunaca

⁴ Jeremiasasti Nerías jaken Baruc sat yokaparuw jawsäna, ucatsti take cuntejj Tatitojj siscäna uca arunacwa saraquïna kellkañapataqui, Baruc chachasti mä rolloruw take uca arunacjja kellkaraquïna.

Aymar Bibliia 1986

⁴ Jeremiasasti Nerías jaken Baruc sat yokaparuw jawsäna, ucatsti take cuntejj Tatitojj siscäna uca arunacwa saraquïna kellkañapataqui, Baruc chachasti mä rolloruw take uca arunacjja kellkaraquïna.

Qullan Arunaka DC

⁴ Jeremiasasti Nerías jaqin Baruc sat yuqaparuw jawsäna, ukatsti taqi kuntix Tatitux siskäna uka arunak qillqañapatakiw sarakïna, Baruc chachasti mä lip'ichiruw taqi uka arunak qillqantäna.

Jeremías 36:4 Jak'a apnaqawi uñst'ayäwi

Isaías 30:8

Jutam, jichhajj mä tablar kellkaraquim, mä kellka uscuraquim, ucasti khepa urunacataqui kheparpan, wiñay ucancañapataqui amtascañataquiraqui.

Isaías 8:1

Tatitusti saraquituwa: “Mä jach'a tabla aptasim ucatsti suma khana letranacampi kellkantaraquim: ‘Maher-salal-hasbaz’ sasa.

Jeremías 25:13

Uca marcjjarusti take cunatejj kellkatäqui aca librona uqhamaraqui cunanactejj yatiycta take ucanacwa puriyanëjja; take cunanactejj Jeremiasajj nayan sutejj-jjaru take marcanacaru yatiycäna ucanaca.

Jeremías 30:2

“Naya, Israelan Diosapa Tatituw arsta: Take cuntejj siscäma uca arunacjja mä libroru kellkantam,

Jeremías 32:12

Ucatsti ucanacjja Baruc chacharuw churaracta, jupasti Nerías jaken yokapänwa, Maasías jaken allchhiparaqui, ucasti Hanameel primo jilajja nayrakatana, cawquïri testigonacatejj firmapcäna ucanac nayrakatana, uqhamaraqui cawquïri judionacatejj guardianacan patiopan kont'atäpcän ucanac nayrakatanwa catuyaracta.

Jeremías 36:14

Jilïrinacasti Jehudí sat jakeruw qhitapjjaraquïna, cawquïritejj Netanías jaken yokapäcäna, Selemiasan allchhiparaqui, Cusi sat jaken allchhipan allchhiparaqui. Uca Jehudí jakesti sarasinjja Baruc chacharojj saraquïnwa: “Uca rollo cawquïrtejj leet'qui ucjja jilïrinacan nayrakataparu apanim” sasa. Baruc chachasti rollo catusinjja uca jilïrinacan nayrakataparuw uñstäna.

Jeremías 36:21

Reyisti Jehudí sat jakeruw qhitaniraqui uca rolljja Elisama sat jaken utapat aptawayañapataqui, uca Elisamasti reyin kellkeriparaquïnwa, cunapachatejj Jehudí jakejj uca rollo puriyani ucapachasti reyin nayrakatapana uqhamaraqui jach'a jilïrinacan nayrakatapanwa leet'äna.

Jeremías 36:23

Cunapachatejj Jehudí chachajj niya pusi hojanaca leet'cän ucapachaw reyejj uca rolljja cuchillompi qharinokäna, ucatsti uca nina naqhasquiriruw naqhantayaraquïna. Ucsti luränwa takpach rollo naqhantayañcama.

Jeremías 36:26

Jan ucasti Jerameel jakeruw saraquïna Jeremías profetaru, Baruc sat kellkeripampiru catuntañapataqui. Uca Jerameel jakesti palacionquirinacat jutiriraquïnwa, Azriel sat jaken Seraías yokaparu, Abdeel jaken Selemías yokapampiru, Jeremías profetaru, Baruc kellkeripampiru catuntaniñapataqui, ucampis Tatituw jupanacarojj imantjjäna.

Jeremías 36:27

Reyin uqhama, cuntejj Jeremiasajj Baruc kellkeriparu kellkaycatayna, uca rollo naqhantayatapatsti, Tatitojj wasitatwa Jeremiasaru parläna aqham sasa:

Jeremías 36:28

“Jichhajj yakha rollo catum, ucatsti wasitat kellkam cunatejj nayrïri rollonjja kellkatäcän uca arunaca; uca rollsti Judá orakenquiri, Joacim reyiw naqhantayänjja.

Jeremías 36:32

Uqhamasti Jeremiasajj yakha rollo aptasinjja Baruc kellkeriparuw churaraqui. Ucatsti cuntejj Jeremiasajj siscäna take uca arunacwa kellkaraquïnjja, cunanacatejj kellkatäcäna cawquïri rolltejj Joacim reyejj naqhantayqui uca. Uqhamarusa Jeremiasajj ucar uñtasita yakha arunacampwa yapjjataraquïna.

Jeremías 36:6

Uca laycu, jutir ayuno urunjja jumajj saram, ucatsti cuntejj kellkaycsma uca rollo leet'araquim, uqhamata marcpacha, Judá oraken utjiri marcanacan jaquiri jakenacasa, cawquïrinacatejj aca marcaru jutapqui ucanacajj Tatitun arunacapa ist'apjjañapataqui;

Jeremías 43:3

Nerías jaken Baruc yokapaquiw jumarojj uqham nanac toke parlañamataqui amtaytamjja, uqhamat nanacajj caldeonacan amparanacaparu jalt'apjjañanacajjataqui uqhamaraqui uca Babilonia jaya marcaru apanucutäpjjañajjataqui, jan ucajj jiwarapjjañanacajjataquisa” sasa.

Jeremías 51:59

Sedequías reyejj pusi mara Judá orake apnakcän ucapachajja, Jeremías profetajj mä ewjja churaraquïna Seraías sat jakeru, ucasti Nerías sat jaken yokapänwa, Maasías sat jaken allchhiparaqui. Seraiasasti Sedequiasampi chict'ataw sararaquïna Babilonia marcarojja, reyin korpachasiñapataqui wact'ayirïcaspas uqhama.

Jeremías 51:60

Jeremiasasti mä libroruw kellksuraquitayna take cuna jan walt'añanacatejj Babilonia marcjjaru jutcani take ucanacatjja, takwa uca tokenacatjja kellksutayna,

Ezequiel 2:9

Ucatsti nayajj uñjaractwa mä ampara naya tokeru loktasinquiri, uca amparasti mä kellkata rollo apt'atänwa.

Daniel (hebreo) 7:1

Mä arumajja, cunapachatejj Belsasar reyejj Babilonia marca niya mä mara apnakcän ucapachajj, Daniel chachajj mä samcanacampi, unañchäwinacampwa uñjäna. Cunapachatejj iquit uñatatän ucapachasti cunanactejj uca samcana, uqhamaraqui uca unañchäwin uñjcatayna take ucanacwa kellksüna, ucanacasti aqhamawa:

Zacarías 5:1

Yakha unañchäwimp uñjaracta. Uñjtwa mä rollor kellkata alton tuyusquiri.

Romanos 16:22

Naya Tercio, qhititejj kellkascta aca cartjja ucas aruntanipjjaracsmawa Tatitun sutipjjaru.