Jeremías 36:21 - Qullan Arunaca

²¹ Reyisti Jehudí sat jakeruw qhitaniraqui uca rolljja Elisama sat jaken utapat aptawayañapataqui, uca Elisamasti reyin kellkeriparaquïnwa, cunapachatejj Jehudí jakejj uca rollo puriyani ucapachasti reyin nayrakatapana uqhamaraqui jach'a jilïrinacan nayrakatapanwa leet'äna.

Aymar Bibliia 1986

²¹ Reyisti Jehudí sat jakeruw qhitaniraqui uca rolljja Elisama sat jaken utapat aptawayañapataqui, uca Elisamasti reyin kellkeriparaquïnwa, cunapachatejj Jehudí jakejj uca rollo puriyani ucapachasti reyin nayrakatapana uqhamaraqui jach'a jilïrinacan nayrakatapanwa leet'äna.

Qullan Arunaka DC

²¹ Reyisti Jehudí sat jaqiruw khitharaki uka qillqat Elisamá qillqirin utapat aptaniñapataki, kunapachatix Jehudí jaqix uka qillqat puriyankän ukapachasti, reyin nayraqatapana, taqi jach'a jilïrinakan nayraqatapan ullart'äna.

Jeremías 36:21 Jak'a apnaqawi uñst'ayäwi

2 Reyes 22:10

Ucjjarusti Safán kellkerejj reyirojj yatiyaraquïnwa, Hilcías sacerdotejj mä libro jupar churatapata, ucatsti Safán sat kellkerejj reyitaquejj leet'arapïnwa.

2 Crónicas 34:18

Uqhamaraquiw Safán chachajj reyir yatiyaraquïna Hilcías sumo sacerdotejj mä libro churcäna ucata, ucatsti jupajj reyitaquiw uca librot leet'arapïna.

Jeremías 23:28

¡Mä profetatejj mä samca samcaschi ucapachajja khana sispan mä samcaquïtapa, ucampisa arunacajjtejj catokchejja, ucapachasti khana, chekaparu yatiyapjjpan! Janiw trigo jipimpi trigompejj mayaquïcaspati. Arunacajjajj ninjamawa, karkanac ch'iyjiri martilljamawa. Naya Tatituw ucjja arsta.

Jeremías 26:2

aqham sasa: “Templon patioparu sayt'asim, ucatsti cuntejj siscsma uca arsum, take qhitinacatejj Judá marcanacata temploru yupaychañataqui jutapqui, ucanacaru uca arunaca parlaraquim. Jan cunsa amuct'amti.

Jeremías 36:14

Jilïrinacasti Jehudí sat jakeruw qhitapjjaraquïna, cawquïritejj Netanías jaken yokapäcäna, Selemiasan allchhiparaqui, Cusi sat jaken allchhipan allchhiparaqui. Uca Jehudí jakesti sarasinjja Baruc chacharojj saraquïnwa: “Uca rollo cawquïrtejj leet'qui ucjja jilïrinacan nayrakataparu apanim” sasa. Baruc chachasti rollo catusinjja uca jilïrinacan nayrakataparuw uñstäna.

Jeremías 36:15

Uca jilïrinacasti sapjjaraquïnwa: “Kont'asim ucatsti uca rollot leet'arapipjjaraquita” sasa.