Jeremías 36:10 - Qullan Arunaca

¹⁰ Baruc chachasti templon jach'a patioparuw saräna, Machak Puncu sisqui uca mantañaru, Safán jaken yokapa Gemarías sisqui ucan utapatpachwa, cawquïritejj reyin utapänjja jilirïcaraquïna, ucatpacha leet'äna take jakenacataqui cuna arunactejj Jeremiasajj kellkaycatayna ucanaca.

Aymar Bibliia 1986

¹⁰ Baruc chachasti templon jach'a patioparuw saräna, Machak Puncu sisqui uca mantañaru, Safán jaken yokapa Gemarías sisqui ucan utapatpachwa, cawquïritejj reyin utapänjja jilirïcaraquïna, ucatpacha leet'äna take jakenacataqui cuna arunactejj Jeremiasajj kellkaycatayna ucanaca.

Qullan Arunaka DC

¹⁰ Baruc chachasti Tatitun utapan jach'a anqäxaparuw saräna, Machaq Punku satäki uka mantañaru, jupasti Safán jaqin yuqapa Gemarías qillqirin utapatpach kuna arunaktix Jeremiasax qillqaykatayna uka arunak taqi jaqinakatak ullart'äna.

Jeremías 36:10 Jak'a apnaqawi uñst'ayäwi

2 Samuel 20:25

Seva sat jakesti take cunanacatejj lurascän ucanaca kellkeriraquïnwa, Sadoc uqhamaraqui Abiatar sat jakenacasti sacerdotenacäpjjaraquïnwa.

2 Samuel 8:17

Ahitob sat jaken Sadoc yokapampi uqhamaraqui Ahimelec sat Abiatar jaken yokapampisti sacerdotenacäpjjaraquïnwa; Seraías jakesti take cunanacatejj lurasqui ucanac imiriraquïnwa.

1 Reyes 6:36

Patio mankhëjj-jja lurayänwa quimsa seke c'uthata kalanacampi, maya sekëqui ucsti cedro madera vigampiraquiw lurayäna.

2 Reyes 15:35

Jupasti lurayänwa Tatitun templopana patäjja puncupa. Ucampis janiw apakatäcänti alto chekan yakha diosanacan santuarionacapajja, ucansti jakenacajj sacrificionaca loktasipcaquïnwa, uqhamarac inciensonacsa naqhayasipcaquïnwa.

2 Reyes 18:37

Ucatsti wali llact'atawa isinacapa ch'iyanokasipjjäna palacionquir Eliaquim mayordomo, kellkeri Sebna, uqhamarac reyin Joa secretariopasa, ucatsti Ezequiasan ucaruw yatiyiri sarapjjäna, cuntï uca jach'a jilïr Asirianquiri oficialajj siscäna ucanaca.

2 Reyes 22:3

Cunapachatï Josías reyejj tunca quimsakallkon mara apnakascäna ucqhawa reyejj qhitäna Tatitun temploparu Azalía chachan Safán yokap kellkeriparu, jupasti Mesulam chachan allchhiparaquïnwa. Reyisti sänwa:

Jeremías 26:10

Judá orakenquiri jach'a jilïrinacasti, ucanac ist'asinjja, palacion reyipatjja temploruw sarapjjäna, ucansti Machak Puncu sisqui uca chekaruw kont'asipjjäna.

Jeremías 26:24

Safán jakena Ahicam sat yokaparaquiw Jeremiasat arjjatasisa parlaraquïna; uca parlatapasti janiw Jeremiasarojj catuntaycänti janiraquiw jakenacas catuntapcänti jiwayañataquejja.

Jeremías 29:3

Judá oraken reyipa Sedequiasasti, Babilonianquir Nabucodonosor reyirojj mä carta apayäna Elasa sat jakempi. Jupasti Safán jaken yokapänwa, Gemariasan yokapa, Hilciasan yokaparaqui. Uca cartasti aqham saraquïnwa:

Jeremías 35:4

Ucatsti temploruw jupanacarojj irparacta, Hanán sat jaken yokanacapan utaparuw irpantta, uca Hanán jakesti Igdalías sat jaken yokaparaquiwa, cawquïritejj Diosaru wali catuyataraqui. Uca utasti, templon jilïripäquis ucanacan utap jac'ancänwa, Salum jaken Maasías sat yokapan utap patana, qhititejj templo uñjiricän uca.

Jeremías 36:11

Micaías jakesti, cawquïritejj Gemarías jaken yokapäcäna, uqhamaraqui Safán jaken allchhipäcaraquïna ucasti, Baruc chacharu Tatitun arunacapa uca rollot leet'asquirjja k'alwa ist'äna.

Jeremías 36:25

Elnatán, uqhamaraqui Delaía, ucjjarusti Gemarías sat jakenacasti reyirojj wali achict'apjjaraquïna uca rollo jan naqhantayañapataqui, ucampisa reyejj janiw jupanacarojj jayscänti.

Jeremías 36:6

Uca laycu, jutir ayuno urunjja jumajj saram, ucatsti cuntejj kellkaycsma uca rollo leet'araquim, uqhamata marcpacha, Judá oraken utjiri marcanacan jaquiri jakenacasa, cawquïrinacatejj aca marcaru jutapqui ucanacajj Tatitun arunacapa ist'apjjañapataqui;

Jeremías 36:8

Baruc chachasti cuntejj Jeremiasajj siscatayna take ucanacwa luräna. Temploru sarasinsti Tatitun arunacapwa leet'araquïna, cunatejj uca rollon kellkatäcän take ucanaca.

Jeremías 43:3

Nerías jaken Baruc yokapaquiw jumarojj uqham nanac toke parlañamataqui amtaytamjja, uqhamat nanacajj caldeonacan amparanacaparu jalt'apjjañanacajjataqui uqhamaraqui uca Babilonia jaya marcaru apanucutäpjjañajjataqui, jan ucajj jiwarapjjañanacajjataquisa” sasa.

Jeremías 52:25

Marcanquiri jakenacatsti, tropanacan oficialapäcänsa ucaruraquiw preso catuntayänjja, uqhamaraqui reyir sirvirinacata kheparcäna ucanacarusti pakallkoniruw caturayaraquïnjja, uqhamaraqui cawquïri militaratejj jakenacaru caturirïcän reyir sirvipjjañapataqui ucanacarusa, uqhamaraqui sojjta tunca jakenacarusa, qhitinacatejj alek jakenacaquïsipcäna, uqhamarac marcaru kheparapcatayna ucanacarusa caturayaraquïnwa.

Ezequiel 40:38

Mä utaw utjaraquïna, cawquïri utatejj mantaniña tokencqui ucampejja mayaquiraquïnwa. Uca utanwa cawquïri animalanacatejj sacrificiot loktatäcän ucanacarojj jarekapjjerïna.