Jeremías 34:18 - Qullan Arunaca

^18-19 Judá orakena, uqhamaraqui Jerusalén marcana jilïrinacapa, palacion yanapirinacapampi, sacerdotenacampi, take jakenacampi naya nayrakatanjja mä arust'äwi lurapjjänjja: Mä vaca kallu payaruw jaljapjjäna, ucatsti uca taypi pasapjjaraquïnjja, ucampisa uca arust'äwjja apanucupjjänwa, taquisipjjaraquiwa, janiraquiw phokhapcänti.

Aymar Bibliia 1986

^18-19 Judá orakena, uqhamaraqui Jerusalén marcana jilïrinacapa, palacion yanapirinacapampi, sacerdotenacampi, take jakenacampi naya nayrakatanjja mä arust'äwi lurapjjänjja: Mä vaca kallu payaruw jaljapjjäna, ucatsti uca taypi pasapjjaraquïnjja, ucampisa uca arust'äwjja apanucupjjänwa, taquisipjjaraquiwa, janiraquiw phokhapcänti.

Qullan Arunaka DC

^18-19 Judá uraqina, Jerusalén markan jilïrinakapax, reyin utapan yanapirinakapampi, sacerdotenakampi, taqi jaqinakamp chikaw naya nayraqatan mä vaca qallu payar kharjasa, ukatsti uka taypi sarakipasawa mä arust'äwi lurapxäna. Ukampis uka arust'äwi takisipxänwa, janirakiw phuqhapkänti.

Jeremías 34:18 Jak'a apnaqawi uñst'ayäwi

Génesis 15:10

Abramasti take aca animalanacwa apanïna Diosan nayrakataparu, ucatsti payar jaljtayasaw pä chekaru uchäna, purapat uñthapisita, ucampisa jamach'inacjja janiw jaljcaraquïnti.

Génesis 15:8

—Ucampis Dios Tatitu, ¿cunjämatsa yatiristjja nayan aca orake herenciat catokañajj-jja? —sasaw Abramajj saraquïna.

Salmos 50:1

Qhititejj diosanacan Diosapäqui uca Tatituw arsu: inti jalsuta, inti jalantat jaquirinacarojj jawsthapi.

Oseas 6:7

“Ucampis marcajjajja Adán chachjamaraquiw arsutajjarojj jan phokquiti, janiraquiw nayatacjamäcaraquisa.

Oseas 8:1

“Trompetam phust'am uñjir centinelajj phust'qui uqhama, Tatitun marcapjjaru. Jupanacajj arust'äwejjarojj p'aquintapjjewa, ucatsti yatichäwejj contraraquiw sayt'asipjje.

Romanos 2:8

Ucampis jan ist'asis ch'ajjwirinacarojja mutuyaniwa, chekat sipana jan walïquis ucar jaysatap laycu.

Deuteronomio 17:2

“Cawquïri marcanactejj Tatitu Diosamajj churapcätam uca marcanacantejj cawquïri jakesa, warmisa Diosaru ñankhachäwinac lurani uqhamaraqui suma arust'äwipsa p'aquintaraquini,

Josué 23:16

jumanacatejj Diosampi mantatäqui uca amtäwiru jan phokhapcäta, yakha diosanacaru yupaychapjjäta, uqhamaraqui quillt'asipjjätasa ucqhajj Diosajj jumanacataquejj colerasiniwa, ucatsti janc'aquiw aca suma orake churapctam ucatjja chhaktayapjjätam”

Josué 7:11

Israel marcajj jach'a juchaniwa; p'aquintapjjew nayan jumanacampi arust'atajj-jja. Cunanacatejj t'unjatäñapäcän ucanacjja jupanacajj lunthatasinipjjewa, k'epinacaparu imantat apasinisa, yatcasinsa jupanacajj jan walinac lurapjje.