Jeremías 34:17 - Qullan Arunaca

¹⁷ Uqhamaw naya, Tatitojj, arsta: Jumanacajj janiw nayarojj ist'apquistati, cawquïri marca masinacamatejj esclavo sarnakasipcän ucanacarusti janiraquiw antutapctati; uca laycuraquiw jichhajj nayajj guerrampiru, cunayman casta usunacampiru uqhamaraqui mach'ampiruw antutcatapjjäma, jumanacampi wali ajjsarcañanaca lurapjjañapataqui, take aca orakenquir marcanacasti ucanac uñjasajj ajjsarapjjaraquiniwa. Naya Tatituw ucjja arsta.

Aymar Bibliia 1986

¹⁷ Uqhamaw naya, Tatitojj, arsta: Jumanacajj janiw nayarojj ist'apquistati, cawquïri marca masinacamatejj esclavo sarnakasipcän ucanacarusti janiraquiw antutapctati; uca laycuraquiw jichhajj nayajj guerrampiru, cunayman casta usunacampiru uqhamaraqui mach'ampiruw antutcatapjjäma, jumanacampi wali ajjsarcañanaca lurapjjañapataqui, take aca orakenquir marcanacasti ucanac uñjasajj ajjsarapjjaraquiniwa. Naya Tatituw ucjja arsta.

Qullan Arunaka DC

¹⁷ Ukat naya, Tatitux arsta: Jumanakax janiw nayarux ist'apkistati, kawkïr marka masinakamatix t'aqhisita taqi kun luras sarnaqasipki ukanakarusti janirakiw antutapktati; ukatpï jichhax nayax nuwasiñampiru, kunayman usunakampiru, mach'ampir antutkatapxämaxa, ukanakasti jumanakarux taqi aka markanakatakis wali axsarkañ tukuyapxätam. Naya, Tatituw uk arsta.

Jeremías 34:17 Jak'a apnaqawi uñst'ayäwi

Ester (hebreo) 7:10

Uqhamaw Amán chacharojj warccatapjjäna, cawquïr jaychcatañtejj Mardoqueotaqui waquichaycäna ucaru. Uqham lurayasinwa reyejj colerapa apjtayasïna.

Jeremías 15:2

Ucattejj jisct'apjjätam: ‘¿Cawquirus sarapjjä?’ sasa, ucapachasti aqham saraquim: ‘Usumpi jiwarañataqui waquichatanacajja, usumpi jiwarapjjpan; guerran jiwarañataqui waquichatanacasti, guerran jiwarapjjpan; mank'atjama jiwaratäñataqui waquichatanacasti, mank'atjam jiwarapjjpan; jayaru apatäñataqui waquichatanacasti, jayaru apataraquïpan’ sasa.

Jeremías 15:4

Take cunanactejj jupanacaru lurcä ucanacatsti yakha marcanacampejj ajjtasiyäwa, Judá orakenquir reyina, cawquïritejj Manasés satäqui, Ezequiasan yokapäcaraqui ucan Jerusalén marcan jan wali luratanacap laycu.

Jeremías 21:7

Uca khepatsti, Judá orakenquiri Sedequías reyerojj Nabucodonosoran amparaparuw catuyaraquï, uqhamaraqui yakha uñisirinacapan amparaparusa, take jilïri oficialanacapampi soldadonacapampi chica, cawquïri jakenacatejj marcan jilt'asipcaquini; usunacatsa, guerranacatsa uqhamaraqui mach'anacatsa. Nayaw jupanacarojj espadampcama jiwarayayäjja jan arjjatasisa ni qhuyapt'ayasisa. Naya Tatituw ucjja arsta.’

Jeremías 29:17

‘Take ch'amani Tatitusti siwa: Jumanacarojj guerranacampi, mach'ampi, cunayman usunacampwa apayanipjjäma. Jumanacarojj ñusantata higonacjamwa tucuyapjjäma, uqham ñusantatätapatjja jan mank'cañjamaraqui tucuyapjjäma.

Jeremías 29:18

Jumanacarusti guerrampi, mach'ampi, cunayman usunacampiraquiw arcnakapjjäma. Take aca orakenquiri marcanacampisti ajjtasiyapjjaraquïmawa, jumanacarusti takenin uñjcañwa maldecipjjaraquïma, mä p'enkwa tucjapjjaraquïma, cawquïri marcanacarutï apanucuta uñjasipcäta ucansti jumanacajj ajjsarcaña, sustjascañäpjjaraquïtawa.

Jeremías 32:24

‘Jichhajj caldeo jakenacajj marcaru nuwantañataquiw wali waquichrantasipjje; guerrampi, mach'ampi, cunaymani usunacampiraquiw marcajj uñisirinacan amparaparu purini. Tata, cuntejj jumajj siscäyät uca arunacajj phokhasipuniwa.

Jeremías 32:25

Uqhamäquipansa, Tata, jumajj uca orakjja “Alam” sascaquistawa, pagjjañataquiraqui take testigonac nayrakatana, marcajj caldeo uñisirinacan amparaparu purirjamäcchi ucasa.’ ”

Jeremías 32:36

“Naya Tatitu, Israelan Diosapaw arsta, aca marca toketa cawquïri marcattejj jumajj siscta Babilonia reyin amparaparuw puripjjani, guerrampi, mach'ampi, cunayman usunacampi utjatap laycu.

Jeremías 34:8

Tatitusti wasitatwa Jeremiasarojj parljjayaraquïna, cunapachatejj Sedequías reyejj mä arust'äwi lurcatayna take Jerusalén marcan jaquiri jakenacampi take esclavonacaru antutjjañataqui, uca khepata.

Jeremías 38:2

“Tatitojj siwa: ‘Qhititejj aca marcaru kheparcani ucajj guerran jiwani, jan ucajj mank'atjamasa, cunayman casta usumpisa. Ucampisa qhititejj aca marcat mistuwayjjani ucatsti caldeonacaru catuyasjjaraquini ucajj janiw jiwayatäcaraquiniti.’

Lamentaciones 1:8

Jerusalenajj sintpunwa juchañchjasiraqui, jisc'achayasiñcamaw juchañchjasiraqui. Qhitinacatejj nayrajj jach'aru aptapcän ucanacasti jichhajj jisc'achjjapjjaraquiwa, juparojj k'alala uñjapjjatap laycu. Ucatpï jichhajj jachasquejja, p'enkapatsti maysa uñtjjaraqui.

Daniel (hebreo) 6:24

Uca khipatsti reyin arsutapatwa, cawquïri jakenacatejj Daniel toke jan wali amtapcatayna ucanac jawsayanitayna, warminacapa, wawanacapamppacha, jupanacasti leonanacan putunacaparu jakontatäpjjänwa; janïraw leonanacan putunacapa mankharu puripcänti ucapachaw jupanacjjaru leonanacajj jaljjatasin jisc'a jisc'a wicanokapjjäna.

Mateo 7:2

Cunjämtï jumanacajj jake masimarojj juchañchapctas uqhamaracwa Diosajj jumanacarojj juchañchapjjätam; cunjämtejj jumanacajj jakenacar lurapcäta uqhamaracwa jumanacarojj Diosajj lurapjjätam.

Gálatas 6:7

Jan sallkjasipjjamti; janiw qhitis Diosatjja sawcascaspati. Cuntejj jakejj yapuchqui ucracwa apthapini.

Deuteronomio 19:19

pachpa arsüwimpiw juparojj t'akhesiyani, cunjämtejj jupajj maynitaqui muncän uqhama.

Deuteronomio 28:25

uqhamaraqui uñisirinacaman tucjatäñamcama. Jumasti uñisirimarojj suma formt'ataw nuwantascäta, ucampis janiw amtascätati cunjäm jaltjjatamsa, ucatsti take acapachan jaquir jakenacataquejj ajjsarañjamaraquïyätawa.

Deuteronomio 28:64

Diosasti take marcanacaruw ananucütam mä thiyat mä thiycama, ucansti yakha diosanacaruw yupaychäta, lawata, kalata, lurat diosanacaru, cawquïrtejj ni awquimasa ni jumasa uñt'apcta ucanacaru.

Santiago 2:13

Qhitinacatejj jan qhuyapt'ayasis mayniru uñjapjjchejja, jan qhuyapt'ayasiñampi juchañchataraquïniwa, ucampis qhuyapayasirinacajja taripäwi urunjja take cuna atipjasaw mistupjjani.

Apocalipsis 16:6

Aca jakenacasti jumar catuyat jakenacarojja, uqhamarac profetanacarus jiwarayapjjaraquïnwa. Jichhasti jumajj jupanacarojj wila umayaractajja. ¡Jupanacasti uca mutuñjja catokapjjañapapuniwa!” sasa.