Jeremías 34:16 - Qullan Arunaca

¹⁶ Ucampisa ucanac pasatatjja uca arust'äwirojj janiw phokcjjapjjeti jan ucasti nayan sutejj-jja taquisjjapjjänwa, cawquïri esclavonacatejj utjcäna ucanacarusti wasitatwa sirviyasipjjaraqui esclavo tucuyasa.

Aymar Bibliia 1986

¹⁶ Ucampisa ucanac pasatatjja uca arust'äwirojj janiw phokcjjapjjeti jan ucasti nayan sutejj-jja taquisjjapjjänwa, cawquïri esclavonacatejj utjcäna ucanacarusti wasitatwa sirviyasipjjaraqui esclavo tucuyasa.

Qullan Arunaka DC

¹⁶ Ukampis jichhax qhiparuw kuttasipxtaxa, janiw uka arust'äwirux phuqhapktati, jan ukasti nayan sutixsa takisipxtawa, kawkïr t'aqhisiyatanakarutix jumanakax antutnukupkta ukanakarux wasitat t'aqhisitar tukuyas taqi kun lurayasipxtaxa.

Jeremías 34:16 Jak'a apnaqawi uñst'ayäwi

Éxodo 20:7

“Janiwa Tatitu Diosaman sutipjja inamayataqui aytasïtati, jupasti inamay sutip aytasirirojj mutuyaquipuniniwa.

Jeremías 34:11

Ucampisa jupanacajj uqham esclavonacaparu antutnucjjatatsti pesayasipjjaraquïnwa, ucatwa wasitat uca esclavonacaru jawsayasin sirviyasipjjaraquïna.

Ezequiel 13:22

Jumanacajj c'arisiñanacamampejj asqui jakenacarojj llajlla tucuyapjjtajja, uca lurañsti janiw nayajj muncäyätti, ucampisa ñankha lurir jakenacarojj juc'ampi ch'amañcht'apjjaractajja juc'ampi jan wali luräwinaca lurapjjañanacapataqui, uqhamat nayajj jan jupanacaru jacañ churañajjataqui.

Ezequiel 18:24

“Ucampisa, asqui jaketejj asqui luräwinacapa apanucuni, ucatsti cuntejj ñankha jakejj ajjtañanac lurqui ucanaca luraraquini, ucatsti ¿jumanacajj amuyapjjtati ucan jacascañapjja? Nayasti janiw amtascjjäti cuna asquinactejj jupajj lurcän ucanacatjja, jan take chuymampi arcatap laycu jucha luratanacap laycuw jiwani.

Ezequiel 20:39

“Israel marca, acjja Tatituw arsu: ¡C'ari diosanacamar yupaychiri sarapjjam! Uca pasatatsti jumanacajj nayaruw jaysapjjetäta, janiraquiw nayan kollan sutejjsa taquiscjjapjjätati, uca c'ari diosanacamaru ofrendanac churasa uqhamaraqui ucanacaru yupaychasa.

Ezequiel 3:20

Uqhamaraquiw utjaspa asqui jakejj uca asqui cancañapa apanucjjaspa, ucatsti jan walinaca lurañaru uscusjjaspa, nayasa juparojj liwisiyañaru uscuraquirista; ucampisa jumatejj jan uca jakerojj amuyt'aycäta ucapachajj jupajj jiwaniwa. Nayataquisti uca asqui luratapajj janiw cunäcanisa, juchap laycuw jiwascaraquini, ucampisa jiwatapatjja jumaruw wayt'araquïma.

Ezequiel 39:7

Nayaw Israel marcanjja kollan sutejja uñacht'ayaraquï, janiraquiw juc'ampi uca sutejj-jja taquisiycjjäti. Ucatwa yakha marcanacajj yatipjjaraquini nayajj Israel marcan kollan cancañajj uñacht'ayatajja.

Levítico 19:12

“Jan c'ari arsüwinac nayan sutejjaru luramti, uqham lurasajj Tatitu Diosaman sutipwa ñankhachtajja. Nayätwa Tatitojja.

Malaquías 1:12

Ucampisa jumanacajj ñankhachapjjestawa. Altarajjajj mesajjäcaspas uqhamwa amuyapjjtajja; ‘Uchatäqui uca mank'anacas k'añuwa’ sasaw jisc'achapjjtajja.

Malaquías 1:7

Jumanacasti nayan altarajjarojj k'añu t'ant'anaca apanipjjtajja, ucatsti sasipcactawa: ‘¿Cunanarac jumarusti ñankhachapjjsma?’ sasa. Jumanacasti nayarojj ñankhachapjjestawa cunapachatï amuyapcta altarajjajj janis cuna yäkañäcaspa uqhama, ucapacha.

1 Samuel 15:11

“Saúl chachar reyit utt'ayatajjatsti walpun amtta, nayatsti jithektituwa, arsutanacajjsti janiraquiw phokquiti” sasa. Samuelosti uca ist'asajj wali mayjt'ataw kheparäna, ucat uca aruma pakariraquiw Tatituru mayïna.