Jeremías 33:22 - Qullan Arunaca

²² David sirvirejjan wawanacaparusti uqhamaraqui nayaru sirviri Leví tribunquirinacarusa waljaptayäwa, alajjpacha warawaranacjama, uqhamaraqui kota iramanquiri ch'allanacar uñtata jan qhitinsa jact'cayaraquïniwa” sasa.

Aymar Bibliia 1986

²² David sirvirejjan wawanacaparusti uqhamaraqui nayaru sirviri Leví tribunquirinacarusa waljaptayäwa, alajjpacha warawaranacjama, uqhamaraqui kota iramanquiri ch'allanacar uñtata jan qhitinsa jact'cayaraquïniwa” sasa.

Qullan Arunaka DC

²² David luqtirixan wawanakaparu, nayar luqtiri Leví ayllunkirinakarusa waljaptayäwa, alaxpacha warawaranakjama, quta iramankir ch'allanakar uñtata jan khitinsa jakt'kayäpxaniwa” sasa.

Jeremías 33:22 Jak'a apnaqawi uñst'ayäwi

Génesis 13:16

Nayaw jupanacarojj waljani tucuyä orake lak'ar uñtata. Cunjämatejj lak'anacajj jan jact'atäcaspajja, uqhamaraquiw wawanacamajj jan jact'cayäni.

Génesis 15:5

Ucatsti Tatitojj Abramarojj ankaruw irpsu, saraquiwa: —Alajjpach sum uñtam, ucatsti take warawaranac jact'am jact'añjamächi ucqhajja. Jïsa, uqhamäniw juman wawanacamajja —sasa.

Génesis 22:17

jumar wali bendiciñataqui. Wawanacamarusti waljanirupuniw tucuyäjja alajjpacha warawaranacjama, kota thiyanquir ch'allanacar uñtata. Uqhamarus jupanacajj uñisirinacaparojj atipjapjjapuniniwa,

Génesis 28:14

Wawanacamasti lak'a polvor uñtata sinti waljapunïniwa, ucatsti amstaru, aynacharu, inti jalanta tokeru, inti jalsu tokeruw saratatapjjaraquini, aca oraken take familianacasti juma toke, uqhamarac wawanacam tokew bendición catokapjjani.

Salmos 22:30

Wawanacajjajj Tatituruw yupaychapjjani, jupjjatsti wiñayaw parlapjjani;

Salmos 89:29

Allchhinacapajj jupa lantiw marcarojj wiñay apnakapjjani, alajjpachan utjañapcamaw reyi konuñancapjjani.

Isaías 48:19

wawanacamasti ch'allar uñtata jan jact'cayaraquïsapänwa, uca ch'allanacjam sinti waljapunïsapänwa jan jact'cayaraqui; janiraquiw nayajj cunäquipansa tucjquiriscätti, nayrakatajjatsa janiraquiw jayar apanuccaraquiriscätti.”

Isaías 66:21

“Jupanacatsti yakhepanacarojj sacerdotenacäpjjañapataqui, levitanacäpjjañapataquiw ajllï. Naya Tatituw ucanac arsta.”

Jeremías 30:19

Ucanacatsti yuspagarañ k'ochunacaw mistunini, uqhamaraqui cusisiñat larusiñanacampi. Janiraquiw jupanacajj aynacht'cjjapjjaniti, nayaw jupanacarojj juc'ampi jiljjatayaraquï. Janiraquiw juparojj jisc'achcjjapjjaniti, nayaw jupanacarojj jach'aru aptaraquï.

Jeremías 31:37

Mä urutejj alajjpachanaca tupt'apjjaspa aca orake cimientotpacha uñjapjjaraquispa, uca urusti nayajj Israelarojj apanucjjeristwa take ucanac luratapata. Naya Tatituw ucjja arsta.”

Jeremías 33:18

uqhamaraqui Leví tribut jutiri sacerdotenacas utjapuniniwa, sapa uru nayaru loktäwinaca loktañataquejja, grano loktäwinaca nayan sutejj-jjaru naqhayañataqui, uqhamaraqui yakha loktäwinaca nayaru loktañataquisa.”

Jeremías 33:23

Tatitusti Jeremiasarojj parljjayascaquïnwa, aqham sasa:

Ezequiel 37:10

Nayasti Tatitun sutipjjaruw parlta, cunjämatejj jupajj sisquitu uqhamarjama, ucatsti jacañ samanajj jutänwa, uca janchinacaruw mantjjaraquïna, ucatsti uca janchinacajj jacjjapjjänwa, saythapjjapjjaraquïnwa. Jupanacasti aljanipunïpjjänwa, mä jach'a tamar uñtata.

Ezequiel 44:15

“Levita sacerdotenacasti, cawquïrinacatejj Sadoc sat chachan wawanacapäqui ucanacasti, jupanacajj cunapachatejj israelita jakenacajj nayan thaquejjata maysaru saranucupcäna, ucapachasti uca sacerdotenacajj nayarojj templonjja sirvisipcaquitänwa, uca sacerdotenacajja jac'achasinipjjaspawa, uqhamat nayaru sirvipjjañanacapataqui. Jupanacasti nayan nayrakatajjarojj uñstapjjetaspawa liq'inacampi, uqhamaraqui wilanacampi sacrificio loktapjjañapataqui. Naya Tatituw ucjja arsta.

Oseas 1:10

Mä urojj israelita jakenacajj jach'a kota iramanquir ch'alljamäpjjaniwa, janiraquiw qhitis jact'añataqui ch'amanïcaniti: “Jumanacajj janiw nayan marcajjäjjapjjtati” siscamayasti, Diosajj jupanacarojj saniwa: “Jumanacajj jacquir Diosan wawanacapäpjjtawa” sasa.

Zacarías 10:8

“Nayasti jupanacaru jawsasajja, tantacht'araquïwa, jupanacaru khespiyatajj laycu. Waljaniruwa tucupjjaraquinejja cunjämäpcäntejj nayrapachajj uqhama.

Zacarías 12:8

Naya Tatituw imaraquëjja Jerusalenan jaquirinacarojja. Jupanacatjja wali t'uqhäpquis ucanacas rey Davidjam wali ch'amaniw tucupjjanejja, Tatitun angelapjama, qhititejj sarantascaraqui jupanacan nayrakatapa.

Zacarías 2:4

Juparusti saraquiwa: “T'ijum, cinta tupuñataqui apt'atäquis uca waynaru yatiyiri: ‘Jerusalenajj machakatwa jakenacanëjjani, waljapunïniwa jakenacapas uywanacapasa, janiraquiw uyunacanïñapas waquisquiti.

Hebreos 11:12

Uqhamajj Abrahamajj tucuy urunacapancchïnsa, walja jan jact'cay wawanacaniw uñjasiwayi, alajjpach warawaranacjama, kota thiy ch'alljamaraqui.