Jeremías 33:17 - Qullan Arunaca

¹⁷ Naya, Tatitusti, saractwa: Davidan wawanacapatjja utjapuniniwa mayni Israelan tronoparu kont'asirejja,

Aymar Bibliia 1986

¹⁷ Naya, Tatitusti, saractwa: Davidan wawanacapatjja utjapuniniwa mayni Israelan tronoparu kont'asirejja,

Qullan Arunaka DC

¹⁷ Naya, Tatitusti, saraktwa: Davidan wawanakapatxa utjapuniniwa Israel markan mayni reyipaxa,

Jeremías 33:17 Jak'a apnaqawi uñst'ayäwi

2 Samuel 3:29

Take juchasti Joab jaken p'ekepjjaru puriscpan, uqhamaraqui take familiapjjarusa, utapansti utjaquipunpan maynisa wila apa usunejja, lepra usunisa, jan ucajj cojosa, jan ucasa jaken jiwayatasa, mank'ata pist'ayasiñasa” sasa.

2 Samuel 7:12

cunapachatejj jacañamajj tucusjjani ucatsti jiwjjaraquïta, ucapachasti nayaw mayni juman wawamaru marcan reinopjjaru utt'ayaraquï.

2 Samuel 7:13

Juparaquiw nayataquejj mä templo utacharapitani, nayasti reinopjja wiñayataquipuniw utt'ayaraquëjja.

1 Reyes 2:4

Uqhamaraqui Tatitojj phokhañapataqui cuna arsüwtejj nayampi lurcäna, cunapachatï wawanacajjajj sum sarnakapjjani, uqhamarac jupan nayrakatapana cheka cancañampi sarnakapjjani, take chuymampi, uqhamarac take jacañapampiraqui ucqhajja, janipuniw familiajj taypita tucuscaniti Israelan trononcañapajja.

1 Reyes 8:25

Jichhasti Israelana Tatit Diosapa, phokharaquimaya cuntejj arscäyäta David awquejja sirvirimaru aqham sasa: ‘Janiw faltcätamti mä wawamasa nayan nayrakatajjanjja Israelan tronoparu kont'asiñataqui, wawanacamatejj thaquejjana sarnakapjjani, uqhamarac nayan nayrakatajjansa asquina sarnakapjjaraquini, cunjämatejj jumajj nayan nayrakatajjana sarnakta uqhama ucajja’ sasa.

2 Reyes 11:2

Ucampis Joram reyin Josaba sat phuchapasti, qhitiraquitejj Ocozías reyin cullacapäcäna ucajja, Ucoziasan Joás sat wawaparuwa imantäna, reyin maynïr wawanacapar jiwaraycäna ucqha. Atalía warmitjja wawjja imakänwa uywiripamppacha mä iquiña utaru. Uqhamatwa jan jiwayapcänti.

1 Crónicas 17:27

Jichhasti jumajj uñtanistawa naya sirvirimana wawanacaparu bendiciña, wiñayataqui utjañapataqui juman yanapamampi. Juma, Tatituwa, bendistajja, ucatsti wiñayataqui bendecitäpan” sasa.

Salmos 132:12

“Juman allchhinacamat mayniruw reyi konuñamar kont'ayä. Wawanacamatejj arust'äw arunacajjar phokhapjjani, yatichäw arunacajjar phokhapjjaraquin ucajja, wawanacaman wawanacapas wiñayaw reyi konuñaman kont'asipjjaraquini” sasa.

Isaías 9:7

Davidan tronopanwa kont'asiraquini, jupan reyïñ ch'amapasti take chekancaraquiniwa, suman sarnakasiñasti janipuniw tucuscaniti. Jupan reinopasti suma utjnokatäniwa, cheka asqui cancañjjaru, uqhamaraqui cunatejj chekapäqui ucjjaru utt'ayataraquïniwa, jichhüruta wiñaycama. Acsti take ch'aman Tatitun sinti jach'a munasiñapaw uqhamjja lurani.

Jeremías 17:25

Uqhamtejj lurapjjäta ucapachasti, Davidan tronoparu kont'asiri reyinacajj utjascapuniniwa, aca marcan puncunacap cheksti carrosanacata, caballonacata mantapjjaraquini, take jilïrinacampi chict'ata uqhamaraqui Judá orakenquiri, Jerusalén, marcan utjiri take jakenacapampi. Jerusalén marcansti jakenacajj utjascapuniniwa.

Jeremías 35:19

janipuniw Jonadab chachan wawanacapajj tucuscaniti, jan ucasti nayaru sirviriw jutapjjani. Naya Israelan Diosapa take ch'amani Tatituw ucjja arsta’ ” sasa.