Jeremías 33:12 - Qullan Arunaca

¹² Take ch'amani Tatitojj siwa: “Aca marcana, cawqhatejj jichhajj wasararu tucuyatäqui, jan jakeni, jan uywanacani, take marcanacana, wasitatwa pastonacajj utj-jjani, cawqharutejj awatirinacajj wasitat uywanacapa anaquipjjani.

Aymar Bibliia 1986

¹² Take ch'amani Tatitojj siwa: “Aca marcana, cawqhatejj jichhajj wasararu tucuyatäqui, jan jakeni, jan uywanacani, take marcanacana, wasitatwa pastonacajj utj-jjani, cawqharutejj awatirinacajj wasitat uywanacapa anaquipjjani.

Qullan Arunaka DC

¹² Taqi ch'amani Tatitux siwa: “Aka markana, kawkhatix jichhax ch'usa wasarar tukuyatäki, jan jaqini, jan uywanakani ukhama, taqi uka markanakapanxa, wasitat chhuxllanakax utjxani, ukan awatirinakax uywanakapar manq'arayasipxani.

Jeremías 33:12 Jak'a apnaqawi uñst'ayäwi

Cantar de los cantares 1:7

Munatajjay sitaya, ¿cawqhansa tamanacam awattajja? ¿Cawqharusa cheka urojja samart'ayirejj anaktajja? Yatiyitaya yakha awatirinac taypin jumar jan thakhascañajjataqui.

Isaías 65:10

Sarón sat vallesti uywanacampi phokt'atäniwa, Acor sat vallensti uywanacajj wali mank'arapjjaraquini, uca uywanacasti nayar thakeri marcancaniwa.

Jeremías 17:26

Judá orakena, Jerusalén marca muytata utjqui uca marcanacatsti jakenacajj jutapjjapuniniwa, Benjamín oraketsa, kota irama token utjirinacasa, kollu tokenacatsa, Néguev tokenacatsa. Templorusti apanipjjaraquiniwa animalanaca sacrificiot loktañataqui, yakha sacrificionacataqui cuna, granonacatsa, inciensonacatsa ofrenda churapjjaraquiniwa, yuspagaraña ofrendanacsa churapjjaraquiniwa.

Jeremías 31:12

“Jutapjjaniwa, ucatsti Sión kollu patan cusisiñat k'ochupjjani, cuna asquinactejj Tatitojj jupanacaru lurcani ucanacatwa cusisipjjaraquini: trigo, vino, aceite, ovejanaca, uqhamaraqui vacanacsa. Suma karpata fruta yapunacar uñtatäpjjaniwa, ch'amanacapasti janiraquiw mayampsa tucuscjjaniti.

Jeremías 31:24

Judá orakenquiri jakenacasti, uqhamaraqui marcanacanquir jakenacasa, yapuchirinacasa, uywa awatirinacasa ucanwa jacapjjani.

Jeremías 32:15

“Take ch'amani Tatitusti, cawquïritejj Israelan Diosapäcaraqui ucasti siwa: ‘Aca orakenwa wasitat utanacsa, yapunacsa alasipjjani’ sasa.

Jeremías 36:29

Ucatsti nayan sutejjaru saraquim: ‘Jumaw uca rollo ninaru phichhanttajja, ucatsti Jeremiasarus juchañcharactawa, uca rolloru Babilonianquir reyin jutañapjjata kellkatätap laycu, aca marcarusti k'alwa t'unjaraquini, jan jakenacani, jan uywanacanwa jaytaraquëjja sasa.

Jeremías 50:6

“Marcajjasti chhakat ovejanacjamaw sarani, jan wali awatirinacapan irpata, uca awatirinacasti monte tokenacanwa ananucupjjänjja. Mä kollut mä kolluruw sarapjjänjja, pachpa uyunacapatsa armasjjapjjaraquïnwa.

Jeremías 51:62

Ucat saraquïta: ‘Tata, jumajj sistawa aca cheka t'unjañjjatjja, uqhamat jan qhitis aca chekan juc'ampi jacjjañapataqui, janiraqui jakenacasa, uywanacasa, jumajj aca cheka wiñay wasararu tucuyjjatam laycu.’

Ezequiel 36:35

Ucatsti sapjjaraquiniwa: ‘Aca orakejj wasararu tucuyatänwa, ucampis jichhajj Edén huertöcaspas uqhamäjjewa; cawquïri marcanacatejj t'unjatäpcäna ucanacasti, uqhamaraqui cawquïri marcanacatejj ninampi naqhayatäpcän ucanacasa, jichhajj wali suma marcanacäjjapjjewa, suma wasitata sayt'ayatäjjapjjaraquiwa, walja jakenacanëjjapjjaraquiwa,’ sasa.

Hageo 1:4

¿Asquiti jumanacataquisti suma c'ajquiri utanacan utjasipjjañamasti, nayan utajjasti k'ala tucjatäquipansti?