Jeremías 32:20 - Qullan Arunaca

²⁰ Jumaw Egipto marcan milagronacsa uñacht'äwinacsa lurtajja, jichhas Israel marcanjja uca pachpa luräwinac lurascaractawa, uqhamaraqui yakha marcanac taypinsa, uqhamat sutimajj jach'añchatäñapataqui.

Aymar Bibliia 1986

²⁰ Jumaw Egipto marcan milagronacsa uñacht'äwinacsa lurtajja, jichhas Israel marcanjja uca pachpa luräwinac lurascaractawa, uqhamaraqui yakha marcanac taypinsa, uqhamat sutimajj jach'añchatäñapataqui.

Qullan Arunaka DC

²⁰ Jumaw Egipto markan muspharkañanak lurtaxa, jichhas Israel markana, yaqha markanak taypinsa uka pachpa luräwinak luraskaraktaxa, ukhamat sutiman jach'añchatäñapataki.

Jeremías 32:20 Jak'a apnaqawi uñst'ayäwi

2 Samuel 7:23

Israel marcama toketsti, ¡janiw yakha marcajj jupjamajj utjquiti, marcamasti maya sapaquiw aca orakenjja! Jumaraquiw, Dios, khespiytajja juman marcamäñapataqui, ucatsti jach'aruraquiw apttajja, jupataquisti jach'a muspharcañanacwa luraractajja. Egiptot khespiyanita marcam nayrakatatsti jumaw apanucuractajja, yakha marcanacarusa, uqhamaraqui diosanacaparusa.

1 Crónicas 17:21

Ucampis Israel marcamatjja, ¡janiw yakhajj utjquiti, aca orakenjja aca marcaquiw utjejja! Jumaraquiw, Dios, khespiytajja juman marcamäñapataqui, ucatsti jach'aruraquiw uñt'ayastajja, muspharcaña jach'a luräwinaca lurasina. Marcama nayrakatanjja jumawa apanuctajja yakha marcanacaru, Egiptot cutsuyascta uca marcamarojja,

Nehemías 9:10

Jumasti wali muspharcaya jach'a luräwinacwa Faraonataquejj lurtajja, uqhamarac sirvirinacapataquisa, marcapanquiri take jakenacapataquisa, jumajj amuyastawa cunja jach'a jach'a tucuñampisa israelita jakenacarojj apnakapjjäna uca laycu. Uqhamatwa jach'ar aytatätajja cunjämatejj jichhürunjama.

Nehemías 9:11

Jupanacan nayrakatapanjja kotsa payaruwa jaljtaytajja, ucatsti jupanacajj uca chekjja waña orakenjam maqhatapjjäna; ucatsti jupanacar arctirinacarojja kota mankheruraquiw utjantaytajja, cunjämatï mä kalajj uma mankheru utjantqui uqhama.

Salmos 135:9

Muspharcañ uñacht'äwinac Egipto marcar apayanïna, faraón chachar uñacht'ayañataqui, jilïr jakenacapar uñacht'ayañataqui.

Éxodo 10:2

Uqhamaraqui jumajja wawanacamaru, allchhinacamaru cuntejj nayajj Egipton lurcta, uqhamarac cuna jach'a muspharcañ unanchanactejj egipcionac taypin lurcta ucanaca yatiyañamataqui. Uqhamata jumanacajj yatipjjañamataqui nayajj Tatitütajja.

Éxodo 3:20

Uca laycusti, nayajj ch'amajja uñacht'ayasawa Egipto marcarojj azot'ëjja cunayman jach'a muspharcañanacwa jupampi luräjja, ucatwa antutapjjätam sarjjapjjañanacamataqui.

Éxodo 7:3

Ucampis nayawa faraonarojj chuymap kalarayäjja jan munañapataqui, uqhamarac Egiptonjja nayaraquiwa walja muspharcañ uñacht'äwi milagronacjja luraraquëjja.

Éxodo 9:16

Ucampis nayajj ch'amajja uñjañamataquiw jacaysma, uqhamata nayan sutejjajja take orakena uñt'atäñapataqui.

Isaías 63:12

qhititejj uca jach'a ch'amapsa Moisesar churcaraqui; marcap nayrakatansa jach'a kotjja payar jaljaraqui, uqhamat wiñayataqui aytatäñapataqui;

Isaías 63:14

jan ucajj uywanacas pampanacaru sarakcaspa uqhama, cawquincaraqui jichhasti?” Pachpa Tatitun Ajayupaw jupanacarojj irpänjja. Uqhamwa marcaparojj irpänjja, ucatsti wali jach'a cancaña jicjjataraqui.

Jeremías 13:11

Cunjämatejj mä cinturonajj cinturaru muyuntayasitajja, uqhamaraquiw Israel marcasa, Judá marcasa nayan jac'ajjanjja, nayan marcajjäñapataqui, sutejja yatiyapjjañapataqui, jach'a cancañajja, jach'ar aptatäña. Ucampisa janiw ist'apquituti. Naya Tatituw ucjja arsta.

Daniel (hebreo) 6:28

Daniel chachasti Darío reyin take marcanac apnakañapcamajj mä jach'a jilïri jaket uñt'ataquipunïscänwa, uqhamaraqui Ciro reyejj Persia orake apnakcän ucapachasa.

Daniel (hebreo) 9:15

“Nanacan Diosajja, jumaw jach'a ch'amam uñacht'ayapjjesta, marcamaru Egiptot apsusajja, uqhamat juman jach'a sutimjja uca urunacatpachwa wali jach'aru tucuyaractajja, jichhürcama; ucampisa nanacajj juchanacaqui lurasipctjja, jan walinacaqui lurasipcaractjja.

Hechos 7:36

Uca Moisesapï jiwasanacan awquinacasarojj Egipto marcatjja apsunïnjja, milagronacampi uñacht'äwinacamp uca oraken lurasa, uqhamarac Mar Rojo sat kotansa. Wasaransti pusi tunc mararaquiw milagronacampi uñacht'äwinacamps luraraquïna.

Deuteronomio 11:3

Cawquïri unanchanactï, jach'a uñacht'äwinacampi lurqui Egipto marcana faraón rey contra uqhamaraqui take jakenacapataqui,

Deuteronomio 4:34

¿Utjaracpachati mä diosasa marcaparu ajlliri yakha marcanac taypita, wali yant'anacampi, unanchanacampi, milagronacampi, guerranacampi, ucatsti wali ch'aman amparampi catuntasaraqui, uqhamaraqui wali ajjsarcaña luräwinac lurasaraqui, cunjämatï Tatitu Diosajj jumanacataqui lurqui Egipto marcan uqhama?

Deuteronomio 6:22

Jiwasasti uñjtanwa Diosan jach'a uñacht'äwinacapa, jach'a milagronacapsa, Egipto marcan luratapa faraón contra, uqhamaraqui take utapanquiri jakenac contra.

Deuteronomio 7:19

Amuyt'asjjapjjaraquim cawquïri jach'a yant'anactï jumanacpacha uñjapcta ucanacata, uqhamaraqui uca unanchanacata, jach'a milagronacata, ucatsti cunja jach'a ch'amampisa Tatitu Diosajj Egipto marcat irpsunipjjtam ucanacata. Uca quipcaraquiwa Tatitu Diosajj lurani cawquïri marcanacarutï jumanacajj ajjsarapcta ucanacarojja.