Jeremías 31:8 - Qullan Arunaca

⁸ Amsta tokenquir marcatsti cuttayanjjapjjämawa, aca orake thiyatpacharacwa jumanacarojj tantachjjapjjäma. Jupanacampi chicasti juyqhunaca, cojonacaraquiw cuttanjjapjjani, usuri warminacasti, cawquïrinacatejj wawachasjjapjje, ucanacas ¡waljanipuniw cuttanjjapjjani!

Aymar Bibliia 1986

⁸ Amsta tokenquir marcatsti cuttayanjjapjjämawa, aca orake thiyatpacharacwa jumanacarojj tantachjjapjjäma. Jupanacampi chicasti juyqhunaca, cojonacaraquiw cuttanjjapjjani, usuri warminacasti, cawquïrinacatejj wawachasjjapjje, ucanacas ¡waljanipuniw cuttanjjapjjani!

Qullan Arunaka DC

⁸ Nayaw Babilonia markat kuttayanxapxäma, aka uraqi tukusitpach jumanakarux tantachxapxäma. Jumanakampi chikasti juykhunaka, kayu wixchunakaw kuttanxapxani, usur warminakasa, wawachasxapxi ukanakasa, ¡waljanipuniw kuttanxapxani!

Jeremías 31:8 Jak'a apnaqawi uñst'ayäwi

Salmos 107:3

marcanac taypit tantachthapitanaca, amsta toketa, aynach toketa, inti jalsu toketa, inti jalanta toketa.

Salmos 65:5

Khespiyir Diosajjay, muspharcañ asqui cancañampiw jaysapjjestajja; take orakpachaw jumarojj alcatapjjtam, jayanquir kotas alcataractamwa;

Salmos 98:3

Israel marca laycusti, qhuyapayasiñapampita, arsutap phokherïtapampit amtasi. Takpach oraken jaquirinacaw Diosasan atipjatap uñjapjje.

Isaías 40:11

Cunjämatejj mä awatirejj ovejanacap ant'ata jutejja, uqhamaraquiw jupajj juti, amparapar ovejanac icht'ata, ichjjarusiwa ovejanacaparojja, uqha wawachat ovej kallunacarusti sum uñjaraqui.

Isaías 42:16

Juyqhunacarusti jan uñt'at thaquinacanjamwa irparaquëjja. Jupanacan nayrakatapansti ch'amacjja khanaruw tucuyäjja, kollunacsti pampa orakeruw tucuyaraquëjja. Take ucanacsti lurapunïwa.

Isaías 43:6

Amstarojj saraquïwa: ‘Cuttayanjjam’ sasa, aynacharusti saraquïwa: ‘Jan jupanacampi kheparamti. Wawanacajjarojj cuttayanirapjjeta jayatpacha, orake tucusitpacha,

Isaías 45:22

“Nayan ucar jutapjjam, nayaw khespiyapjjäma, orake tucusin utjir marcanaca, nayaquïtpï Diosajja, janiw yakhajj utjquiti.

Isaías 52:10

Tatitojj take marcanacan uñjcataw jach'a ch'amap uñacht'ayi. Take aca orakpacharaquiw yatini, jiwasan Diosasajj khespiyquistu ucjja.

Jeremías 16:15

jan ucasti sapjjätawa: ‘Israelitanacaru amsta marcata uqhamaraqui yakha marcanacaru ananacutat cuttayanquistu uca Tatitojj jacasquiwa’ sasa. Nayaw jumanacarojj orakemaru cuttayanjjapjjäma, cawquïri oraktejj nayra awquinacamaru churcta ucaru.

Jeremías 23:3

Naya quipcaraquiw ovejanacajj-jja anthapisinjja cawquïri marcanacarutejj chhuqhunucuycta ucata, tantacht'asinsti pastonacaparuw cuttayanjjä, uqhamata walja kallunacanïpjjañapataqui.

Jeremías 23:8

jan ucasti aqham sasaw juramento lurapjjani: ‘Israelitanacaru amsta tokenquir marcanacata, cawqui marcanacarutejj ananuccatayna ucanacat cuttayanjjiri Tatitojj jacasquiwa’ sasa. Ucatsti pachpa utanacapan jacasipjjaraquini.”

Jeremías 29:14

Jïsa, nayaw jumanacarojj, nayrakatajjaru puriyanipjjäma, ucatsti sarnakäwinacamjja nayaw uñj-jjaraquï. Take marcanacatwa jumanacarojj apsunjjapjjäma, uqhamaraqui take chekanacatwa apsunjjapjjäma, cawqhanacarutejj nayajj jumanacaru ananucupcsma uca chekanacata, ucatsti tantacht'asinjja, aca pachpa chekaruw jawsthapjjapjjaraquïma cawqhattejj ananucupcsma uca pachpa chekaru. Naya Tatituw ucjja arsta.’

Jeremías 3:12

Jichhajj saram, ucatsti aca arunac saraquim amsta tokeru uñtasa: ‘Tatitojj siwa: ¡Nayatac sayt'asir Israel, cuttanjjam nayan ucaru! Janiw nayajj jumarojj colerata catokcämati, janiraquiw wiñayataquisa coleratäcäti, qhuyapayasirïtajj laycu. Naya Tatituw ucjja arsta.

Jeremías 3:18

“Uca uru purincani ucapachasti Judá marcajj Israel marcaruw jakcattjjani, ucatsti mayaquiw amsta tokenquir marcanacat cutt'anjjapjjani, cawquïri oraktejj nayajj mä herenciäcaspas uqhama nayrapacha awquinacapar churta uca orakeru” sasaw Tatitojj arsu.

Ezequiel 20:34

Nayaw jupanacarojj tantachthapiraquï cawquïri marcanac taypintejj ananucuta jicjjatasipqui ucatjja, jach'a ch'amajja uñacht'ayasa uqhamaraqui jach'a colerasiñajjsa mutuyaraquï.

Ezequiel 20:41

Cunapachatejj nayajj uca yakha marcanacata, cawqhanacantejj ananucuta uñjasisipcta ucanacat tantachthapjjapjjäm ucqhasti, uqhamaraqui nayan k'oma cancañajjsa uñacht'ayapjjäma take marcanac nayrakatana, ucapachaw nayajj jumanacan suma k'apquiri ofrenda loktäwinacamjja catokapjjäma.

Ezequiel 34:12

Cunjämtejj mä awatirejj ovejanacapjj anthapisjjejja ovejanacapajj aywitatatäpjje ucapachajja, uqhamaraquiw nayajj anthapisjjäjja, ucatsti cunjämtejj jupanacajj mä urojj mä ch'amaca taypin maysaru saranucupcänjja ucanacatsti khespiyjjaraquïwa.

Ezequiel 34:13

Jaya marcanacatsti ansusinjjaraquïwa, mayjaru anthapisinsti pachpa marcaparuw anacjjaraquëjja. Israel kollunacar mank'erwa anacjjaraquëjja, uca jawir thiyanacaru, utjaña marcanquir chekanacaru.

Ezequiel 34:16

Chhaktat ovejanacjja thaktasjjäwa, saranucutanacsti cuttayanjjaraquïwa, cawquïrinacatejj cayu p'aquita sarnakapjjani ucanacarusti uca p'aquit cayunacapjja kolljjatt'araquïwa, usutanacarusti yanapt'araquïwa, liq'i ovejanacarusa, t'uqhanacarusa sumwa uñjasiraquëjja. Cunjämatejj uñjañajj waquisqui uqhamarjamaw nayajj uñjasiraquëjja.

Miqueas 4:6

Tatitojj acwa arsu: “Qhaya urunsti mutuyat ovejanacajjarojj anthapisjjäwa, cojo, karjata, uqhamarac ananucuta ovejanacajjaru. Jupanacampi, uqhamarac cawquïrinacatejj kheparapcän ucanacampisti, mä jach'a chamani marcwa tucuyaraquï. Naya Tatituraquiw marcajjarojj Sión kollutpach apnakäjja, jichhata wiñaycama.

Sofonías 3:19

Qhä tiemponjja nayaraquiwa t'akhesiyir jakenacat arjjatäma. Cojo ovejanacarusa yanaparaquïwa, saranucutarus cuttayaniraquïwa, t'akhesitanacamsa, jan walt'atanacamsa asquiruw tucuyaraquï, take acapachan jach'ar aptatäpjjañamataqui.

Zacarías 2:6

Naya Tatitojj, arsusajj arsupuntwa: “Jaltjjapjjam janc'aqui amsta tokenquir marcatjja. Nayaw waquicharacta jumanacan take tokeru tucjatäñanacamjja.

Mateo 12:20

Janiraquiw p'aquit sokosarus p'acjcaniti, janiraquiw phust'canisa niya jiwirjam akasquir mecharusa, cunürutejj jupajj cheka cancañan apnakaña utt'aycani ucürcama.

Juan 21:15

Mank'añ tucuyatatsti Jesusajj Simón Pedroruw jisct'äna: —Simón, Jonasan yokapa, ¿acanacat sipansa juc'ampit munista? —sasa. Pedrosti sänwa: —Jïsa, Tata, jumaw yatta nayajj jumar munatajja —sasa. Jesusasti saraquïnwa: —Uqhamajj ovejanacajja awatim —sasa.

1 Corintios 8:10

Amuyt'apjjam. Jumatejj uca yakha diosanacan altarapan kont'asisin mank'asmajja, ucatsti mä pisi iyawsañani jilatajj uñjiristam ucan mank'asquirjja, uca pisi iyawsañan jilatajj mank'araquispawa uca c'ari diosanacar loktat mank'jja.

Deuteronomio 30:4

cawqha jaya orakenacansa jumanacan jakonucut jakenacajj jicjjataspan, Tatitu Diosamajj uca jaya chekatpachwa cuttayanjjani, uqhamaraquiw uca chekacamasa thakher sararaquini.

1 Tesalonicenses 5:14

Sapjjaracsmawa, jilatanaca, jan irnakañ munirinacarojja ewjjt'apjjam, mayjt'atanacarojj ch'amañcht'apjjam, t'uqhanacarusti yanapt'apjjaraquim, takenimpis llamp'u chuymanïpjjaraquim.

Hebreos 12:12

Uqhamajj machak ch'amay churapjjamjja uca karjata amparanacarojja, uqhamarac t'uqha konkorinacamarusa.

Hebreos 4:15

Jiwasan uca jach'a jilïr sacerdotesasti qhuyapt'ayasistaspawa t'uqha cancañasanjja, jupa quicparaquiw take casta yant'anaca jiwasjama t'akhesiwayi, ucampis jan juchar purisa.