Jeremías 31:7 - Qullan Arunaca

⁷ Tatitojj siwa: “Cusisiñat k'ochupjjam, Jacobon marcapatjja, jupasti take marcanacan jilïripawa. K'ochusitanacamsti ist'ayapjjaraquim, sapjjaraquim: ‘Tatitojj marcaparojj khespiyiwa, Israelat jilt'irirojja’ sasa.

Aymar Bibliia 1986

⁷ Tatitojj siwa: “Cusisiñat k'ochupjjam, Jacobon marcapatjja, jupasti take marcanacan jilïripawa. K'ochusitanacamsti ist'ayapjjaraquim, sapjjaraquim: ‘Tatitojj marcaparojj khespiyiwa, Israelat jilt'irirojja’ sasa.

Qullan Arunaka DC

⁷ Tatitux siwa: “Israelitanaka, kusisiñat q'uchupxam, jumanakax taqi markanakat sipansa aytat markäpxtawa. Q'uchutanakamsti ist'ayapxam, sapxarakim: ‘Tatitux Israel markan jilt'irinakaparux qhispiyiwa’ sasa.

Jeremías 31:7 Jak'a apnaqawi uñst'ayäwi

Salmos 106:47

Tatit Diosajjay, khespiyapjjaquitaya, Diosar jan uñt'ir jakenac taypit irpthapjjapjjeta: kollan sutim jach'añchañataqui, cusisiñamp jumar yupaychañataqui.

Salmos 126:2

Lacajj larusiñampiw atipjayasïna, lajjrasti cusisiñ k'ochunacampiw phokhantasiraquïna. Ucapachasti Diosar jan uñt'irinacajj sapjjänwa: “Tatitojj jach'a luräwinac jupanacataquejj luri” sasa.

Salmos 14:7

¡Israel marcan khespiyasiñapajj Sión marcatpach jutaquispa! Tatitojj t'akhesiyat marcapar cusisiycan ucapachajja, Jacobon wawanacapajj cusisiniwa, Israel marcasti cusisiraquiniwa.

Salmos 28:9

Tatay, marcamarojj khespiyaquimaya, jumar iyawsirinacar asquinac churam; awatirir uñtat jupanacar uñjam, ¡wiñayapun amparamampejj irpam!

Salmos 67:1

Diosay, nanacat qhuyapayasipjjeta, nayranacamampiy uñtanipjjeta:

Salmos 69:35

Diosaw Sión marcarojj khespiyani, Judá orakenquir marcanac wasitat sayt'ayani, uywatanacapan wawanacapaw ucanac catokasjjapjjani, sutipar munirinacajj ucan jacasjjapjjani.

Isaías 1:9

Take ch'amani Tatitutejj mä kawkhani jiwasanacat jan jilt'aycasapänjja, jichhajj Sodoma, uqhamaraqui Gomorra marcar uñtatäsänwa.

Isaías 11:11

Uca urunacanjja Tatitojj wasitatwa ch'amap uñacht'ayani, marcapat jilt'irinacaru wasitat jicjjatjjasa, Asiriatsa, Egiptotsa, Patrosatsa, Etiopiatsa, Elamatsa, Sinaratsa, Hamatatsa, kota tokenquir marcanacatsa cuttayanjjaraquiniwa marcaparojja.

Isaías 37:31

Judá marcan jilt'ir jakenacasti suma saphintata alinacar uñtatäniwa, suma achunaca achupjjaraquini.

Isaías 37:4

Añchaquit Tatitu Diosamajj asirio oficialan jan wali arunacapjja ist'qui, jupasti jan wali arunacwa Dios toke arsuraqui. Inach Diosajj mutuyaspa cuna arunactejj arsqui uca arunacata. Jichhajj jumajj Diosata mayt'am qhitinacatejj kheparasipqui ucanacataqui” sasa.

Isaías 44:23

¡Alajjpacha, cusisiñat arnakasim cuntejj Tatitojj lurqui ucata! ¡Orak mankhanaca, cusisiñat arnakasipjjam! ¡Kollunaca, uqhamaraqui ch'uminaca take kokanacamampi, cusisiñat arnakasipjjam! Tatitojj jach'a cancañap uñacht'ayatap laycu, Israelar, Jacobon marcaparu khespiyatap laycu.

Isaías 52:8

Ist'am, perka patan uñjirinacamajj art'asipjjewa, atipjaña toketsti mayaquiraquiw art'asipjje, pachpa nayranacapampiraquiw uñjapjje, Tatitun Sión marcar cuttanitapjja.

Isaías 61:9

Wawanacapasti take marcanac taypinjja wali jach'at uñt'atäniwa; take jupanacar uñjirinacasti aca marcajj Tatitun bendecita marcätapa uñt'apjjaraquini.

Jeremías 20:13

Tatitur k'ochupjjam, Tatitur yupaychapjjam, jupaw llaquitarojj ñankha jakenacan amparapatjja khespiyi.

Jeremías 23:3

Naya quipcaraquiw ovejanacajj-jja anthapisinjja cawquïri marcanacarutejj chhuqhunucuycta ucata, tantacht'asinsti pastonacaparuw cuttayanjjä, uqhamata walja kallunacanïpjjañapataqui.

Jeremías 3:23

Kollunac pataru sarapjjatajjajj inamayaquiwa, uca kollunac patan arnakasitanacajjas inamayawa, khespiyiri Tatit Dios sapanacwa, Israelajj khespiyasiñjja jicjjatani.

Jeremías 31:12

“Jutapjjaniwa, ucatsti Sión kollu patan cusisiñat k'ochupjjani, cuna asquinactejj Tatitojj jupanacaru lurcani ucanacatwa cusisipjjaraquini: trigo, vino, aceite, ovejanaca, uqhamaraqui vacanacsa. Suma karpata fruta yapunacar uñtatäpjjaniwa, ch'amanacapasti janiraquiw mayampsa tucuscjjaniti.

Lamentaciones 1:1

¡Walja jakenacani marcajj cunja sapaquis uñjasjje! Marcanacan jilïripa marcajja mä ijma warmir uñtataquëjjewa. Ch'ama irnacañanacampi t'akhesiyataw jichhajj uñjasi, uñtcañ suma marcajja.

Ezequiel 6:8

Ucampisa nayajj jumanacatjja mä kawkhaniru jiwañat khespiyaraquïwa, ucanacasti yakha marcanac taypin willitatataw jacapjjani.

Oseas 1:7

Ucampisa, Judá marcatjja qhuyapt'ayasïwa, naya quipca, Tatitu Diosaparaquiw khespiyä. Janiw guerrampiti khespiycäjja; jan ucasti, jan armampi, jan espadampi, jan caballeriampiquiw khespiyäjja.”

Joel 2:32

Ucampis take qhitinacatï Tatitun sutipar art'ascani ucanacajja, jiwañatjja khespipjjaniwa, Sión kollunwa, uqhamaraqui Jerusalenanwa khespiyasiñajj utjani, cunjämtejj Tatitojj arscatayna uqhama. ‘Cawquïrinacarutejj jupajj ajllcatayna ucanacajj jacasipcaniwa’ ”

Amós 5:15

¡Jan walïqui ucjja uñisipjjam! ¡Sumäquis ucjja munapjjam! Tribunalanacansti chekapar uñjañajj utjpan; inach uqhamat take ch'amani Tatitu Diosajj qhuyapayasispa Israel marcan jilt'irinacaru.

Miqueas 2:12

“Jacob marcarusti takpachaniruw tantacht'ä Israel marcat mä kawkha jilt'irinacarusti apthapjjaraquïwa. Ovejanacjamwa mayaru anthapjjä, suma pasto chekanacaruw ananokaraquï; ucatsti waljanïpcaspas uqhamwa ojjopjjaraquini.

Miqueas 7:18

“Janiw yakha Diosajj jumjam utjquiti, jumasti pampachtawa ñankha luratanacapjja, juma contra sayt'asitanacapsa armaractawa, qhitinacatï marcamatjja jilt'apqui uca juc'aniru. Jumaw munasiñamjja uñacht'ayapjjesta, colerasiñamsti janiraquiw wiñayatac catjjäsctati.

Sofonías 2:9

Ucatwa naya jacquiri Diosajj arsta: Moab marcasti Sodoma marcjamaw tucuni, Amón marcasti Gomorra marcjamaraquiw tucuni, orakenacapansa ch'aphinacaquiw jiljjani, jayu orakeruraquiw tucuyaraquï, wasararuw wiñayatac tucuyaraquï. Ucatsti marcajjat jilt'ir jakenacaw saqueyapjjani, orakenacapsa catuntasipjjaraquini.

Romanos 11:5

Uca quipcaraquipï jichhajj jupanacatjja mä juc'ajj jilt'asquejja, ucsti Diosaquiw qhuyapayasiñapan ajllisejja.

Romanos 9:27

Ucampis israelitanacatjja Isaías profetajj sänwa: “Israelan wawanacapajj kota thiya ch'alljam waljanïcanisa, jupanacatjja mä juc'a jilt'aquiw khespiyatäpjjani.

Deuteronomio 28:13

Diosaraquiw mä jach'a jilïrit utt'ayaraquïtam, janiw khepanccätati, wiñayapuniw nayrancäta, janiw aynacht'cätati jan ucasti amstancapunïtawa, jumaqui Diosaman camachi arunacapar jichhürun churcsma ucar phokhascamjja, take ajjsart'añamampi, ucanacarjam sarnakasaraqui,

Deuteronomio 32:43

“¡Cusisipjjam marcanaca, Diosan marcapampi chica! ¡Jupaw wawanacapan jiwatapatjja phoksusini, uqhamaraquiw uñisirinacapatsa phoksusini, ucatsti orakeparusa marcaparusa khespiyaraquiniwa!”