Jeremías 31:11 - Qullan Arunaca

¹¹ Tatitusti Jacobon marcaparojj khespiyiwa; mä jach'a ch'aman marcatwa khespiyaniraqui.

Aymar Bibliia 1986

¹¹ Tatitusti Jacobon marcaparojj khespiyiwa; mä jach'a ch'aman marcatwa khespiyaniraqui.

Qullan Arunaka DC

¹¹ Tatituw israelitanakarux qhispiyi; mä jach'a ch'aman markat qhispiyaniraki.

Jeremías 31:11 Jak'a apnaqawi uñst'ayäwi

Salmos 142:6

Arnakasitanacajjarojj ist'aquimaya, ch'ama thayjtataw uñjasta. Nayar arcnakerinacat khespiyita, jupanacajj nayat sipan juc'amp ch'amanïpjjewa.

Éxodo 15:16

Tatitu, ¡jupanacasti sustjasipjjpan, ajjsarayasipjjaracpan! ¡Ch'amam uñjasinsti kalanacjama amuturac tucupjjaracpan, aca jumatac khespiyat marcamajj maqhatañapcama! Cawquïr marctejj jumatac alascta ucajja.

Isaías 44:23

¡Alajjpacha, cusisiñat arnakasim cuntejj Tatitojj lurqui ucata! ¡Orak mankhanaca, cusisiñat arnakasipjjam! ¡Kollunaca, uqhamaraqui ch'uminaca take kokanacamampi, cusisiñat arnakasipjjam! Tatitojj jach'a cancañap uñacht'ayatap laycu, Israelar, Jacobon marcaparu khespiyatap laycu.

Isaías 48:20

Babiloniat mistjjapjjam, caldeonacatsti jaltjjapjjaraquim; aca yatiyäwsti cusisiñampi arnakt'asis yatiyapjjam, aca orake tucuscamaraqui yatiyapjjam. Sapjjaraquim: “Tatituwa khespiyi Jacob sirviriparojja” sasa.

Isaías 49:24

¿Mä ch'amani jakerojj aparatäspati cuntejj jupajj guerran aparanqui ucjja? ¿Jan ucajj mä presojj jaltaspacha jupar uñjiri khoru jaketjja?

Isaías 49:25

Tatitusti uqhamäspaw siwa: “Ch'amani jakerojj aparapjjaniwa cuntejj guerran aparanqui ucjja, khoru jakerusti cuntejj jicjjatasqui ucjja apakapjjaraquiniwa. Naya quipcaw jumampi ch'ajjwqui uca jakempejj catjasëjja; naya quipcaraquiw wawanacamarus khespiyäjja.

Isaías 51:11

Uqhamaraquiw Tatitun khespiyatanacapajj cuttanipjjani, Sión marcarusti cusisiñat arnakt'asisaw mantanipjjani, ajanunacapasti wiñayataquiw c'uchiquïni; cusisiñampi, sumancañampwa jicjjatapjjani, t'akhesiñasa, jachañasa tucusjjaraquiniwa.

Jeremías 15:21

Ñankha jakenacan amparapatjja khespiyämawa, ¡Khoru jakenacan amparapatsa khespiyaraquïmawa!”

Jeremías 50:33

Take ch'amani Tatitojj siwa: “Israel marcampi, Judá marcampejja t'akhesiyataw t'akhesisipqui. Uñisirinacapasti jupanacarojj preso catjjäsipjjaraqui janiraquiw antutañ munapquiti.

Jeremías 50:34

Ucampisa khespiyiripajj ch'amaniwa, sutipasti ‘Take Ch'amani Tatitu’ sataraquiwa. Jupaw take cunsa chekaparu uñjaraquini; marcarusti sumancañwa apanini, ucampisa Babilonianquiri jakenacataquejj jach'a ajjsarcañanacwa apaniraquini” sasa.

Lamentaciones 3:58

Ch'ama tucuñajjansti arjjataraquita, nayarusti khespiyaraquita.

Oseas 13:14

¿Sepulturatjja jupanacar khespiyaraquïti? ¿Jiwañatsa khespiyaraquïti? ¿Jiwaña, cawquincarac t'unjiri jach'a ch'amamasti? ¿Sepulcro, cawquincaraqui jan wali lurañanacamasti? ¡Janiw aca jakenacatjja juc'ampi qhuyapayascjjäti!”

Zacarías 9:16

Qhä urunwa, Tatitu Diosamajj khespiyani marcaparojj mä ovej tamjama, jupanquirinacasti c'ajapjjaniwa quipca marcapana, mä coronan suma kalanacapar uñtata.

Mateo 12:29

“Amuyapjjamaya, ¿jasaquit mä jakejj mantaspa mä ch'aman jaken utaparojja? ¿Jan ucajj waquisicha nayrakata utaniru wali chinuntaña, ucat take cunatejj jupan utjqui uc apasjjañataquejja?

Mateo 20:28

Jaken Yokapajj janiw sirviyasiñatac jutquiti jan ucasti sirviriw juti, uqhamarac jacañap churiri walja jakenacar khespiyañataqui —sasa.

Mateo 22:29

Jesusasti jupanacarojj sänwa: —Jumanacajj wali pantjatäpjjtawa, Kellkatanacsa uqhamarac Diosan ch'amapsa jan uñt'apjjatam laycu.

Tito 2:14

Jupawa jiwas laycu jiwawayi jan walinacat jiwasar khespiyañataqui, k'omachañataqui, uqhamata jupancañataqui jan karjasisa asqui lurañasataqui.