Jeremías 31:10 - Qullan Arunaca

¹⁰ “Marcanaca, Diosan arunacapa ist'apjjam, jaya tokenacana jach'a kota thiyanacan yatiyapjjam. Sapjjaraquim: ‘Tatitojj Israel marcarojj ananucünwa, ucampisa jichhajj tantachthapjjaraquiniwa, ucatsti juparaquiw uñjani, cunjämatejj awatirejj tamaparojj uñjejja uqhama.’

Aymar Bibliia 1986

¹⁰ “Marcanaca, Diosan arunacapa ist'apjjam, jaya tokenacana jach'a kota thiyanacan yatiyapjjam. Sapjjaraquim: ‘Tatitojj Israel marcarojj ananucünwa, ucampisa jichhajj tantachthapjjaraquiniwa, ucatsti juparaquiw uñjani, cunjämatejj awatirejj tamaparojj uñjejja uqhama.’

Qullan Arunaka DC

¹⁰ “Markanaka, Tatitun arunakap ist'apxam, jach'a quta jaya thiyanakan yatiyapxam: ‘Tatitux Israel markarux ananukünwa, ukampis jichhax tantachthapxaniwa, ukatsti sumarak uñjani, awatirir uñtataw ovejanakap sum uñjasxani” sasa.

Jeremías 31:10 Jak'a apnaqawi uñst'ayäwi

Génesis 10:5

Acanacänwa Jafetan wawanacapajja, jupanacasti jach'a kota thiyanwa jacapjjäna, take marcanacasa, jach'a familiasa orakencama, uqhamarac pachpa parlancamaraqui.

Salmos 147:2

Tatituw Jerusalenarojj wasitat sayt'ayi, Israel marcat ananucutanacarusti tantachthapiraqui.

Salmos 23:1

Tatituw awatirejjajja, janiw cunats t'akhescäti:

Salmos 72:10

Tarsis marcanquir reyinacasa, kota tokenquir reyinacasa, jupataquejj kollk apsupjjpan, Sabá orakenquiri, Seba orakenquir reyinacajj churäwinacap loktapjjpan.

Proverbios 27:23

Ovejanacamjja suma uñjasim, ovej tamanacamatjja llaquisipunim,

Isaías 24:14

Kheparirinacasti cusisiñat arnakasipjjani, inti jalanta toketpachwa arnakasinipjjani Tatitun jach'a cancañap uñjasajja.

Isaías 27:12

Uca urunjja Tatitojj Eufrates sat Egiptcamaraquiwa lurañanacapjja lurani, trigo jawk'sur jakjama, ucampisa jumanacajj israelitanaca, mayat mayat apthapitäjjapjjätawa.

Isaías 40:1

Jumanacan Diosamajj aqham siwa; “Chuymachapjjam, chuymachapjjam marcajjaru,

Isaías 40:11

Cunjämatejj mä awatirejj ovejanacap ant'ata jutejja, uqhamaraquiw jupajj juti, amparapar ovejanac icht'ata, ichjjarusiwa ovejanacaparojja, uqha wawachat ovej kallunacarusti sum uñjaraqui.

Isaías 41:1

“Kota tokenquir marcanaca, nayan nayrakatajjan amuct'apjjam; marcanaca, wal ch'am catjjatapjjam. Jutapjjam jichhajj cunatejj parlañasäqui uca toket parliri, tantacht'asipjjañäni uca toket parlañataqui.

Isaías 42:10

Tatitur k'ochupjjam mä machak k'ochu, wali jaya oraketpach juparojj yupaychapjjam, kotan tuyurinaca, uqhamarac uca kotan utjiri animalanaca, kota toke marcan jaquirinacasa.

Isaías 42:4

Janiw samarcaniti, ch'amsa jiwt'ayascaniti, aca oraken cheka cancaña uscuñapcama. Kota tokenquir marcanacasti yatichäwinacapjja suma ist'apjjani.”

Isaías 48:20

Babiloniat mistjjapjjam, caldeonacatsti jaltjjapjjaraquim; aca yatiyäwsti cusisiñampi arnakt'asis yatiyapjjam, aca orake tucuscamaraqui yatiyapjjam. Sapjjaraquim: “Tatituwa khespiyi Jacob sirviriparojja” sasa.

Isaías 54:7

“Ma juc'a pachataquiquiw nayajj apanucsma, ucampisa jach'a qhuyapayasiñajjampiw wasitat nayampejj chicjjäta.

Isaías 60:9

Ucanacasti kotanjam jutir barconacawa, mayaquiw jutapjjaraqui Tarsisanquir barconacampi irpata, jayatpachwa wawanacamjja irpanjjapjjaraqui, koripas kollkepas apt'ata, Tatitumar jach'añchäwi churasa, Israelan Kollan Diosaparu, qhititejj jumarojj wali suma tucuyctam ucaru.

Isaías 66:19

Nayajj mä chimpu churä: yakhepanacarusti jaltayaraquïwa, marcanacaruw qhitaraquï, Tarsis, Libia, Lidia, ucanacaru cawqhantejj flecha sum apnakañ yatipqui uca marcaru, Tubal, uqhamaraqui Grecia, kota tokenquir jaya marcanacar cuna, uca marcanacasti janipuniw nayjjat parlirjja ist'apjjerïcänti, janiraquiw nayan jach'a cancañajjsa uñjapjjerïcänti; jupanacaraquiw nayan jach'a cancañajjat marcanacar yatiyapjjani.

Jeremías 23:4

Awatirinacwa jupanacaru awatiñapataqui uscurapï, jan cunsa ajjsarapjjañapataqui, ni maynisa chhakhañapataqui. Naya Tatituw ucjja arsta.”

Jeremías 25:22

Tiro, Sidón sisqui uca marcanacan take reyinacaparusa; Mediterráneo sisqui uca jach'a kota tokenquir reyinacarusa;

Jeremías 3:15

Cawquïri marca apnakerinacatejj nayatacjamäcani ucanacwa churaraquï, ucanacasti jumanacarojj ch'iqhi cancañampiw apnakapjjätam uqhamaraqui suma amuyt'a chuymampi.

Jeremías 50:17

“Israel marcasti mä chhakat ovej-jamänwa, leonanacana arcnakata. Asirianquir reyiwa nayrakatjja mank'anti, ucjjarusti Babilonianquir Nabucodonosor reyiraquiw ch'aqhanacapamppachsa t'unjaraqui.

Jeremías 50:19

Israel marcarusti cutt'ayanjjaraquïwa orakeparojja. Carmelo orakensa, Basán, Efraín kollunacansa, uqhamarac Galaad oraken walja pastonacani ovejar uñtatäniwa.

Ezequiel 11:16

Jichhajj jupanacarojj saraquim: ‘Naya Tatitojj jayaruw jupanacjja apanucta, yakha jaya marcanac taypiruw willitataracta, ucampisa ucajj mä juc'a pachanacataquiquiraquïniwa. Naya quipcaraquiw jupanacataquejj mä santuario tucuraquï uca cawqui marcanacarutejj sarapcani ucanjja.’

Ezequiel 20:34

Nayaw jupanacarojj tantachthapiraquï cawquïri marcanac taypintejj ananucuta jicjjatasipqui ucatjja, jach'a ch'amajja uñacht'ayasa uqhamaraqui jach'a colerasiñajjsa mutuyaraquï.

Ezequiel 34:12

Cunjämtejj mä awatirejj ovejanacapjj anthapisjjejja ovejanacapajj aywitatatäpjje ucapachajja, uqhamaraquiw nayajj anthapisjjäjja, ucatsti cunjämtejj jupanacajj mä urojj mä ch'amaca taypin maysaru saranucupcänjja ucanacatsti khespiyjjaraquïwa.

Ezequiel 37:24

David sirvirejjaw jupanacataquejj reyïni, jupa sapaquiw jupanacan awatiriparaquïni. Nayar ist'asaw sarnakapjjaraquini, leyinacajjsa, arsutanacajjsa phokhapjjaraquiniwa.

Ezequiel 5:10

Jumanac taypinsti yakhepa jakenacajj pachpa wawanacaparuw mank'antasjjapjjani, uqhamaraqui yakhepa wawanacajj awquinacaparuw mank'antjjapjjani. Cuntejj juma toke arscta ucsti phokhapunïwa, qhitinacatejj jilt'apcani ucanacsti take tokeruw ananucuraquï.

Ezequiel 5:2

Cunapachatejj marcaru nuwantañajj tucusjjani ucqhasti uca quimsatjja maynïri naqhantayam, marca taypina; ucat mä espada caturaquim, ucatsti uca quimsatjja mä chicata ñic'utanaca qhuchhunokaraquim, uca ñic'utanacjja marca muytata uscuraquim. Jilt'äqui ucsti thayaru willjjaruyam. Nayaw uca jakenacan khepapa sararaquï mä espada ayt'ata.

Daniel (hebreo) 11:18

Uca khepatsti kota tokenquiri marcanacaruwa nuwantaraquini, uca marcanacatsti waljaniw amparaparu jalt'apjjaraquini; ucampisa mä generalaw uca p'enkachäwirojj tucjani, amstanquir reyirusti mä p'enkwa tucjaraquini.

Levítico 26:33

Jumanacarusti marcanac taypiruwa ananucupjjaraquïma, espadampiw arcnakayapjjaraquïma, jumanacan orakenacamasti nayataquejj wasararu tucutaw uñjasiraquini, marcanacamasti k'ala t'unjataw uñjasiraquini, ajjsarcaña t'unjataraquïniwa.

Miqueas 2:12

“Jacob marcarusti takpachaniruw tantacht'ä Israel marcat mä kawkha jilt'irinacarusti apthapjjaraquïwa. Ovejanacjamwa mayaru anthapjjä, suma pasto chekanacaruw ananokaraquï; ucatsti waljanïpcaspas uqhamwa ojjopjjaraquini.

Miqueas 4:6

Tatitojj acwa arsu: “Qhaya urunsti mutuyat ovejanacajjarojj anthapisjjäwa, cojo, karjata, uqhamarac ananucuta ovejanacajjaru. Jupanacampi, uqhamarac cawquïrinacatejj kheparapcän ucanacampisti, mä jach'a chamani marcwa tucuyaraquï. Naya Tatituraquiw marcajjarojj Sión kollutpach apnakäjja, jichhata wiñaycama.

Miqueas 5:4

Reyisti marcapar awatiñataquiw sartani, Dios Tatitupan ch'amapampi, jach'a cancañapampiraquiw awatini. Jupanacasti samarataquiraquiwa jacasipjjani, Tatitun take acapachana jach'aru aptatätap laycu.

Sofonías 2:11

Diosasti jupanacampejj wali ajjsarcañäniwa. Take marcanacan diosanacaparusa t'unjaraquiniwa, jupaquiraquiw take chekansa yupaychatäni, uqhamaraqui islanacan jaquir jakenacansa.

Sofonías 3:19

Qhä tiemponjja nayaraquiwa t'akhesiyir jakenacat arjjatäma. Cojo ovejanacarusa yanaparaquïwa, saranucutarus cuttayaniraquïwa, t'akhesitanacamsa, jan walt'atanacamsa asquiruw tucuyaraquï, take acapachan jach'ar aptatäpjjañamataqui.

Zacarías 10:8

“Nayasti jupanacaru jawsasajja, tantacht'araquïwa, jupanacaru khespiyatajj laycu. Waljaniruwa tucupjjaraquinejja cunjämäpcäntejj nayrapachajj uqhama.

Zacarías 2:6

Naya Tatitojj, arsusajj arsupuntwa: “Jaltjjapjjam janc'aqui amsta tokenquir marcatjja. Nayaw waquicharacta jumanacan take tokeru tucjatäñanacamjja.

Zacarías 9:16

Qhä urunwa, Tatitu Diosamajj khespiyani marcaparojj mä ovej tamjama, jupanquirinacasti c'ajapjjaniwa quipca marcapana, mä coronan suma kalanacapar uñtata.

Lucas 12:32

“Jan ajjsarapjjamti, jisc'a tama ovejanacajja, ucampis alajjpach Awquimajj qhuyapayasiñapana reinop churaña munapjjtam.

Juan 10:27

Nayan ovejanacajjajj arojj uñt'iwa, nayasti uñt'aractwa, jupanacasti arcapjjaraquituwa.

Juan 11:52

Janiw aca marcatacti, jan ucasti Diosan wawanacapajj yakha marcanacancquis ucanac mayar jawsthapiñapataqui.

Deuteronomio 30:4

cawqha jaya orakenacansa jumanacan jakonucut jakenacajj jicjjataspan, Tatitu Diosamajj uca jaya chekatpachwa cuttayanjjani, uqhamaraquiw uca chekacamasa thakher sararaquini.

Deuteronomio 32:26

‘Nayasti take toker ananucuñwa amtäyäta, aca oraketsa k'al chhaktayaña, jan qhitinsa amtasiñapataqui.