Jeremías 30:7 - Qullan Arunaca

⁷ ¡Mä ajjsarcañ uruw jac'achasini, uca urjamasti janiw yakha urojj utjquiti! Uca urusti Jacobon marcapataquejj mä llaquiscañ urüniwa, ucampisa, nayaw jupanacarojj khespiyaraquï.

Aymar Bibliia 1986

⁷ ¡Mä ajjsarcañ uruw jac'achasini, uca urjamasti janiw yakha urojj utjquiti! Uca urusti Jacobon marcapataquejj mä llaquiscañ urüniwa, ucampisa, nayaw jupanacarojj khespiyaraquï.

Qullan Arunaka DC

⁷ ¡Mä axsarkañ uruw jak'achasini, uka urjamasti janiw yaqha urux utjkiti! Uka urusti Jacobun markapatakix mä llakiskañ urüniwa, ukampis nayaw jupanakarux qhispiyä.

Jeremías 30:7 Jak'a apnaqawi uñst'ayäwi

Génesis 32:7

Jacobosti uc ist'asinjja, wal ajjsaräna, wali mayjt'ataraquiw suyt'äna. Ucatsti jupampïpcäna uca jakenacsa, ovejanacsa, vacanacsa, camellonacsa payaruw jaljtayäna,

Salmos 25:22

Diosajjay, Israel marcarojj take t'akhesiñanacapat khespiyaquimaya.

Salmos 34:19

Asqui jakejj jan walinacamp t'akhescchi ucasa, Tatituw take ucanacat waysu;

Isaías 20:6

Uca urunacansti take uca kota iraman jaquirinacajj sapjjaraquiniwa: ‘Uñtapjjam, cunarac jichhasti tucu cawquïri marcarutejj jiwasajj alcatascayätan Asirianquir reyit arjjatañapataquejja. ¿Cunjämrac jichhasti khespiñänisti?’ ” sasa.

Jeremías 14:8

Israelan suyt'äwipa, jan walt'aña horasanacan nanacar khespiyiri, ¿cunatsa nanacataquejj mä jaya jakëcasmas uqham tucta, thaqui sarir jakejj mä jayp'u ict'awayi uqhama?

Jeremías 2:27

Jupanacasti mä kokaruquiw: ‘Jumaw awquejjätajja’ sasa sapjje. Mä kalarusti: ‘Jumaw taycajjätajja’ sasaw sapjjaractajja, nayataquisti maysa uñtapjjtajja, janiw khana uñcatapquistati; ucampisa cunapachatejj jan walt'añan jicjjatasjjapjjta ucapachasti sapjjaraquistawa: ‘¡Jutam khespiyapjjeta!’ sasa.

Jeremías 2:28

Judá, ¿cawquincaraqui jumajj lurascta uca diosanacamasti? ¡Uca diosanacamajj marcanacar uñtata waljanipuniwa! ¡Jichhajj jupanacajj jutapjjpanaya, inacha khespiyapjjeristam, cunapachatejj jan walt'añajj purincätam ucapachajja!

Jeremías 30:10

“Naya Tatituw arsta: Jacobon marcapa, nayan sirvirejja, jan ajjsaramti; Israel marca, jan ajjsaramti. Jumampiru, uqhamaraqui wawanacamarusa, jichhajj nayaw khespiyapjjäma, uca jaya marcaru apanucuyatäpcta ucatjja. Uqhamaraqui samarata sarnakasiriw cuttanjjäta, janiraquiw qhitis sustjcjjätamti.

Lamentaciones 1:12

Jumanaca, thaqui saririnacasti amuyapjjaraquimaya, ¡nayan t'akhesitaj-jjamajj utjpachati, nayarojj acatake t'akhesiyjjetu! ¡Tatituw nayarojj aca t'akhesiñ apayanitu, colerasiñapa nayataqui sartayasitap laycu!

Lamentaciones 2:13

Suma muncaña Jerusalén marca, ¿cunampiraqui jumarusti chicachasiyirisma? Suma muncaña Sión marca, ¿cunampiraqui jumarusti chuymachirisma? Juman t'unjäwimasti jach'a kotar uñtata jach'araquiwa; ¿qhitirac jichhasti jumaru chuymachiristamsti?

Lamentaciones 4:6

Orakejjanquiri marcan juchapasti Sodoma marcan juchapat sipansa juc'ampiwa, uca marcasti janc'aqui t'unjataquëjjänwa, jan qhitin nuwata t'unjataquiraquïnwa.

Daniel (hebreo) 12:1

“Ucapachaw Miguel angelajj uñstaniraquini, cawquïri jach'a arjjatasiri angelatejj marcamarojj arjjatqui uca: “Ucasti mä llaquisiña horasäniwa, uca horasjamasti janipuniw cunapachas utjcänti, cunapachattejj marcanacajj uñsti ucat acsarojja. Cunapachatejj uca horasajj purinini ucapachasti, marcamanquirinacajja takeniw khespipjjani, cawquïrinacantejj sutinacapajj libron kellkatäqui ucanacajja.

Daniel (hebreo) 9:12

Jumasti, nanacjjaru aca jach'a jan walt'äwi apayanisajja, cuna ajjsarañanactejj nanacaru churapquista ucjja phoktawa, uqhamaraqui qhitinacatejj marca apnakapqui ucanacampisa; aca orakensti janipuniw utjcänti mä mutuyäwejja cawquïri mutuyäwtejj jumajj nanacjjaru apayanipquista uqhamajja.

Oseas 1:11

Ucapachawa Israel marcanquir jakenacampi, Judá marcanquir jakenacampejj mayacht'asjjapjjani, ucatsti mä sapa jilïriruwa utt'ayasjjapjjani, take toketsti Jerusalén marcarcamaraquiw cuttanjjapjjani. ¡Jezreelan urupasti wali jach'apunïniwa!

Joel 1:15

¡Ay cunaquïcani, Tatitun urupajj jac'achasinjjewa! ¡Ajjsarcañ uruwa, take ch'amani Diosasti t'unjatäñaswa apaniraqui!

Joel 1:2

“Sum ist'apjjam aca arunaca, jilïri jakenaca, uqhamarac jumanacasa, aca marcan utjir jakenaca. ¿Jumanacajj uñjapjjëritati cuntejj jichhajj uñjapcta ucjja? ¿Take acanacajj janit awquinacaman urunacapanjja uñjasirïcänjja?

Joel 2:11

Tatitusti, ejercitop nayrakatanjja jach'a arupwa ist'asiyaraqui. Ejercitopasti waljaniwa, jan jact'cayaraquiwa jupan arsutap phokherinacajja. ¡Cunja jach'asa, ajjsarcañaraquis Tatitun urupajja! Janiw qhitis jupa nayrakatanjja sayt'ascaspati.

Joel 2:31

Intejj ch'amact'aniwa, phajjsis wilaw tucuraquini, janïra Tatitun urupajj purincan ucqhajja, uca urusti jach'a urüniwa, ajjsarcañaraqui.

Miqueas 4:9

Jichhasti, ¿cunatrac uqham warartasti parto usumpi k'ewisir warmjama? ¿Janiti reyimajj juman utjcjjejja? ¿Jan ucajj amuyt'irinacamacha jiwarjje ucatch jachta?

Habacuc 3:16

Take ucanac ist'asajja ajjsarayastwa: janiw cunas arsuñjamäquiti; cayunacajjas janiw sayt'asiñataquejj ch'amanïcjjeti, take cuerpojjas janiraquiw ch'amanïcjjeti. Uqhamäquipansa, jan ajjsarañampiw suyt'äjja, cuna urutï Diosajj llaquisiñaru uchcani, jiwasanacaru t'akhesiyiri ejercitonacaparu.

Zacarías 14:7

Uca mä sapa urutsti Dios sapaquiw yatejja. Uca urunsti janiw amuyascaniti urütapasa arumätapasa, arumäcanisa khanaquïscaniwa.

Malaquías 4:1

Take ch'aman Diosasti siwa: “Cunürutejj hornjama naccani uca urojj jac'achasinquiwa, uca urusti take jach'a jach'a tucuri jakenacajja, uqhamaraqui ñankha luriri jakenacasa jichhu t'unaru uñtataw naqhantapjjani. Uca uru purincani ucapachasti take jupanacaw saphitpacha nacsutäpjjani, janiraquiw cunas jupanacatjja jilt'caniti.

Marcos 13:19

Ucürunacajj sinti t'akhesiñ urunacäniwa. Uqham t'akhesiñanacajj janiw utjcänti Diosajj acapach lurcäna ucqhat jichhürcamajja, janiraquiw cunapachas uqhamanacajj utjcaraquiniti.

Hechos 2:20

Intis ch'amact'aniwa, phajjsis wilaruw tucuni, janïr taripañ uru purinquipanjja. Ucürojj mä jach'a cusiscañ c'ajquir urüniwa.

Romanos 11:26

Cunapachatejj take ucanacajj pasjjani ucqhajja, take israelitanacaraquiw khespiyatäjjani. Kellkatansti aqham siwa: “Khespiyirejj Sionat jutani, Jacobon juchapsa apakaraquiniwa.

Apocalipsis 6:17

Jach'a t'akhesiñ urojj purinjjewa, ¿qhitirac jichhasti sayt'asispa?”