Jeremías 30:20 - Qullan Arunaca

²⁰ Israelitanacajj cunjämäpcäntejj nayrajj uqhamäpjjaraquiniwa, jakenacapasti naya nayrakatanjja sumpinwa sayt'asipjjaraquini, jupar t'akhesiyirinacarusti nayaw mutuyaraquï.

Aymar Bibliia 1986

²⁰ Israelitanacajj cunjämäpcäntejj nayrajj uqhamäpjjaraquiniwa, jakenacapasti naya nayrakatanjja sumpinwa sayt'asipjjaraquini, jupar t'akhesiyirinacarusti nayaw mutuyaraquï.

Qullan Arunaka DC

²⁰ Israel markankirinaka, jumanakax aytat markat uñt'atäxapxätawa, nayaw jumanakarux ch'ama kuttayxapxäma. ¡Taqi uñisirinakamarusti mutuyarakïwa!

Jeremías 30:20 Jak'a apnaqawi uñst'ayäwi

Salmos 102:18

Acanacajj jutir mita jakenacatac kellkatäpan, machakat utt'ayat marcan Tatitur jach'añchañapataqui.

Salmos 102:28

Uywatanacaman wawanacapajj suma uñjataw jacapjjani, allchhinacapajj nayrakataman wiñayaw jacapjjani.

Isaías 49:26

Jumar t'akhesiyirinacarusti pachpa janchip mank'asiyä, wilapampisti vinompjamaraquiw macharapjjani. Uqhamatwa take jakenacajj yatipjjani naya Tatitojj juman khespiyirimätajja, nayätwa Jacobon ch'amanipajja, khespiyirimasa.”

Isaías 51:22

Tatitu Diosamajja, qhititejj marcaparu arjjatqui ucajj siwa: “Uca copa amparamat asakäma, cunampitejj jumajj machjascta uca; janiw jichhajj juc'ampi nayan colerasiñ copatjja umcjjätati.

Isaías 54:14

Cheka cancañaw jumarojj ch'amani tucuyätam, t'akhesiyatäñatsa ajjsarañatsa khespitaw uñjasiraquïta, jach'a ajjsarañas janiraquiw mayampsa jumarojj llaquisiycjjätamti.

Jeremías 2:3

Israelajj nayar catuyatapunïnwa, mä suma cosechäcaspas uqhamaraquïnwa. Maynitejj juparu cuna ñankhsa lurani ucapachasti nayaw ucarojj t'akhesiña apayaniraquïyätjja, jan walinac apayanisa.’ Ucsti naya Tatituw arsta” sasa.

Jeremías 30:16

Ucampisa, take qhititejj jumaru mank'antcätam ucajj mank'antataraquïniwa, take uñisirinacamasti jayaru apanucutaraquïniwa. Jumaru saqueyjirinacasti saqueyjataraquïniwa, jumar lunthatirinacasti lunthatjataraquïniwa.

Jeremías 32:39

Jupanacarusti take urunacapana nayaru jach'añchquirwa tucuyaraquëjja, pachpa jupanacan asquipataqui uqhamaraqui wawanacapan asquipataqui.

Lamentaciones 5:21

¡Tatay, juman ucaru cuttayanjjapjjeta, nanacasti cuttanjjapjjäwa! ¡Cunjämtejj nayrajj jacapcäyätjja uqhamac jacayjjapjjeta!

Zacarías 10:6

Tatitojj siwa: “Nayaw ch'am churäjja Judá familiat jutirinacarojja, José familiat jutirinacarusti khispiyaraquïwa. Wasitatwa orakeparojj irpjjaraquëjja, qhuyapayasiñajjajj jupanacatac utjatap laycu. Janipunis nayajj jan ist'iri tucuriscäyäta uqhamaw tucjjapjjanejja, nayajj Tatitu Diosapätap laycu, ist'aractwa mayisitanacaparusa.

Zacarías 10:8

“Nayasti jupanacaru jawsasajja, tantacht'araquïwa, jupanacaru khespiyatajj laycu. Waljaniruwa tucupjjaraquinejja cunjämäpcäntejj nayrapachajj uqhama.

Zacarías 8:5

Yokall wawanaca, imill wawanacaraquiw phokt'apjjani marcan plasanacaparojja, ucansti anatasipjjaraquiniwa.