Jeremías 30:14 - Qullan Arunaca

¹⁴ Take munirinacamasti apanucuwayjjapjjtamwa, janiw jumat amtascjjapjjaraquiti. Nayaw jumarojj uqham chhojjriñchsmajja, uñisirimäquiristsa uqhama jan qhuyapt'ayasisaw mutuyämajja, walja jach'a juchanac luratam laycuw uqham lursmajja.

Aymar Bibliia 1986

¹⁴ Take munirinacamasti apanucuwayjjapjjtamwa, janiw jumat amtascjjapjjaraquiti. Nayaw jumarojj uqham chhojjriñchsmajja, uñisirimäquiristsa uqhama jan qhuyapt'ayasisaw mutuyämajja, walja jach'a juchanac luratam laycuw uqham lursmajja.

Qullan Arunaka DC

¹⁴ Jumar munir markanakax apanuktamwa; janiw jumat amtaskxapxiti. Nayaw jumarux ukham chhuxriñchsma, uñisirimäkiristsa ukhama, walja jach'a juchanak luratamatxa, jan khuyapt'ayasisaw mutuyäma.

Jeremías 30:14 Jak'a apnaqawi uñst'ayäwi

Job 16:9

Tatitojj arcnaketuwa antutjaraquituwa, mä khoru animaljamaw ajjsarayitu. Uñisirejjäcaspasa uqhamaw uñcatitu.

Job 19:11

Colerasiñapsti nayjjaruw wartani, uñisirirjamaw uñjaraquitu.

Job 30:21

Nayataquisti wali khoruw tucjjtajja, jan qhuyapt'ayasisaw arcnakaraquistajja.

Salmos 107:17

Ñankha luratanacap laycuw usuntapjjäna, juchanacap laycuw t'akhisipjjäna;

Isaías 57:13

Cunapachatejj yanapa mayisa arnakascät uqhajja, c'ari diosanacamajj janiw yanapcätamti, janiraquiw khespiycätamsa. Take ucanacarusti thayaw apasjjani, may phust'asaquiw chhaktayjjani. Ucampisa nayar iyawsirejja marcanwa jacasini, nayan kollan kollojjanwa jacasiraquini.”

Jeremías 14:17

Jakenacarusti saraquim: ‘Nayranacajjatjja, jachanacajj uruy aruma sarpan, jan t'act'asa, marcajjan jach'a aynacht'äwip laycu, jach'a chhojjrip laycuraqui.

Jeremías 2:36

¿Cunatraqui janc'aqui cawquïrinacampitejj arust'ascta ucanacsti trocañ munta? Egiptos apanucuraquiquïtamwa, cunjämatejj Asiriajj apanucctam uqhama.

Jeremías 22:20

“¡Judá, Líbano kollu pataru mistum ucat art'asiraquim! ¡Basán kollunac tokena art'asiraquim! ¡Abarim kollu patanacatpacha art'asim, take munirinacamasti atipjatätap laycu!

Jeremías 22:22

Thayaw take jilïrinacamjja apasjjani, munirinacamasti jayaru apatäpjjaraquiniwa. Jisc'achata, p'enkachataw uñjasiraquïta take ñankhanaca luratam laycu.

Jeremías 30:15

¿Cunatsa chhojjrinacamatjja jan amuct'asta? Usuyasitamasti jan kollkayawa juman walja jach'a juchanacam laycuw uqhama jumarojj lursma.

Jeremías 32:29

Caldeo jakenacasti, cawquïrinacatejj jichhajj marcaru nuwantañataqui waquichasisipqui ucanacasti mantasinjja ninampiw aca marcjja phichcatapjjani. Cawquïri uta patanacantejj Baal diosaru incienso loktasipjjerïcäna, uqhamaraqui vinonacsa yakha jan uñt'ata diosanacaru ch'allasipjjerïcäna ucanacamppachwa naqhantayapjjani, uqham yakha diosanacaru loktasisasti nayaruw ñankhachapjjetänjja.

Jeremías 32:30

Kalltatpachwa Israelampi Judá marcampejj cunatejj nayataquejj jan walïqui ucanac lurapjjerïnjja; israelitanacasti jupanacan lurat c'ari diosanacampiw ñankhachapjjetänjja. Naya, Tatituw, ucjja arsta.

Jeremías 32:34

Nayaru catuyata templsa taquisipjjewa, uca ajjtascañ yakha diosanacap ucar uchasisajja.

Jeremías 32:35

Ben-hinom sisqui uca vallensti Baal diosataquejj altaranacsa lurasipjjaraquiwa, Moloc diosaru imill wawanacapsa, yokall wawanacapsa sacrificiot loktañataqui, uqhamat Judá marcaru juchar puriyasa, uca ajjtascaña lurañanacsti janiw nayajj jupanacarojj ‘Lurapjjam’ siscti ni acch'as amuyojjarojj ucanacajj jutcaraquïnti.

Jeremías 38:22

Judá marcanquiri reyipan palaciopatsti take qhitinacatejj ucan kheparapqui uca warminacasti apsutäniwa, ucatsti Babilonianquiri generalanacaruw catuyataraquïni, ucatsti uca warminacajj jupanacpacharaquiw sapjjani: ‘Reyin suma amigonacapaw juparojj sallkjapjje, ucatsti atipjapjjaraquiwa; cayunacapajj ñek'eru jalantasquipansa janiw waysupcänti, jan ucasti maysa uñtjjapjje’ sasa.

Jeremías 4:30

Jumasti tucjata marca, ¿Cunataquis suma púrpura sat isimpi isthapista? ¿Cunataquis uca kori yänacamp uscusta? ¿Cunataquis nayranacamsa ch'iyara pintasta? Uqham c'achachasitamajj janiw cunataquis asquïquiti, munirinacamas jichhajj apanucupjjtamwa, jiwañamaraqui thakhapjjejja.

Jeremías 44:22

Ucatpï Tatitojj jan juc'ampi jumanacan jan wali luratanacamjja uñjañ muncjjäntejja, uca luräwinacamasti juparojj ñankhachänwa. Ucataracwa jumanacan marcanacamajj k'ala t'unjatajja, janiraquiw ucanacanjja maynis jaccjjeti, takenin uñjcata maldecitaw tucuraqui, ajjsarcañaraquiwa.

Jeremías 5:5

Jilïri jakenacan ucaru sarä, ucatsti jupanacarojj saraquïwa. Jupanacasti amuyt'asipjjapuniniw cuntejj Tatitojj munqui ucatjja, cuntejj Diosajj sisqui ucsa. Ucampisa takeniw Dios toke sayt'asipjje, janiraquiw jupar jaysañsa munapquiti.

Jeremías 5:6

Ucatwa jichhajj leonanacajj ch'umit mistunisin jiwarayapjjani, wasaranquiri kamakenacaw jisc'a jisc'a tucjapjjaraquini, marcat mistusinquirinacarusti jisc'a jisc'a tucjaraquini, walja jach'a juchanac lurapjjatap laycu, maynir aljantapjjatap laycu.

Jeremías 50:42

Arconacampi lanzanacampi armantataw jutapjje; jan qhuyapayasiñani khoru jakenacäpjjaraquiwa, khothutitanacapasti kota khothutinacjamawa, caballonacar lat'jjatatcamaquiw jutantapjjaraqui. Babilonia marcaru nuwantañataquisti janc'aquïpjjaraquiwa.

Jeremías 6:23

Jupanacasti arconacampi, flechanacampi armantatäpjjewa; sinti khoru jakenacäpjjewa, janiw qhuyapt'ayasiñsa yatipcaraquiti; arnakasitanacapasti jach'a kotan khothutitapjamawa, caballonacar lat'jjatatcamaw jutapjjaraqui. Sionampi nuwantasiñataquisti janc'aquïpjjaraquiwa” sasa.

Lamentaciones 1:19

Munirinacajjaruw yanap mayta, jupanacasti nayataquejj mayswa uñtjjapjje. Marcajjanquiri sacerdotenacasa, jilïri chuymani jakenacasa, pachpa marcanwa jiwarata uñjasipjje. ¡Mank'a thakasaw sarnakapjjaraqui; jan mank'atjama jiwascañataqui!

Lamentaciones 1:2

Arumanacasti jachcäwiw tucusiscaraqui; ajanunacapansti jachaquiw jalascaraqui. Take munirinacapasti janiw maynis jupar chuymachirejj utjquiti. Take amigonacapasti mayswa uñtjjapjje, uñisirinacapaw tucjjaraqui.

Lamentaciones 2:1

Tatitun colerasiñapajj sinti jach'apuniwa, ¡ucqha suma Sión marcarusti k'alwa chhaktayaraqui! Israel marcan sumäñapsa pampa t'unjaraqui, alajjpachat acapacharus jakocancaspa uqhama. Colerasiñapansti janiraquiw pachpa cayunacapan utt'äwipatsa amtasquiti.

Ezequiel 23:22

Ucatpï naya Tatitojj sistjja: Uca munirinacamarusti, cawquïrinacattejj jichhajj ajjtascjjta, ucanacarojj juman uñisirinacama tucuyäjja.

Ezequiel 23:9

Ucatpï nayajj munirinacapan amparaparu catuyayätjja, asirio jakenacan amparanacaparu, qhitinacattejj jupajj wali chuyma cawcst'ayascäna ucanacaru.

Daniel (hebreo) 9:11

Take Israel jakenacaw yatichäwinacamjja jan ist'apcti, juman arsutanacamarusa janiw jaysapcaractti, ucatpï nanacjjarojj purinejja take ñankhachäwi arunacajja, uqhamaraqui cuna juramentotejj Moisesan leyipan kellkatäqui ucarjama, nanacasti juma tokew jucha lurapjjta.

Daniel (hebreo) 9:13

Take aca jan walinacaw nanacjjaru jutejja, cunjämatejj Moisesan leyipan kellkatäqui uqhamarjama; ucampisa nanacajj janiw jumarojj thakapcsmati, nanacan Tatitojja, nanacan Diosajja, janiraquiw nanacan ñankha lurañanacajjsa apanucupcti, ni juman chekapa arunacamarus arcapcaractti.

Daniel (hebreo) 9:5

Nanacajj juma nayrakatan jucha lurapjjta, ñankhanacsa lurapjjaracta; cunatejj jan walïqui ucacwa lurapjjtjja, jumaru apanucusaw jacapjjaracta; camachi arunacamsa, arsutanacamsa apanucupjjaractwa.

Oseas 2:5

Taycapajj yakha chachanacampiw sarnake; honrapsa k'al apt'asiraqui, aqham sasa: ‘Munirinacajj thaker sarä, qhitinacatejj churapquitu t'ant'sa, umsa, t'arwsa, linsa, aceitsa, umañanacsa ucanacaru’ sasa.

Oseas 5:14

Cunjämatejj mä leonajj jaljjatejja, uqhamracwa nayajj lurä Efrainampiru Judá marcampirojja; naya pachpaw jupanacarojj jisc'a jisc'a tucjawayasinsti, sarjjaraquïwa; catuntaraquïwa, ucatsti janiraquiw qhitis aparquitaniti.

Abdías 1:7

Take jumampi arust'asir marcanacasti sallkjapjjtamwa; pachpa orakematsa jayaruw apanucupjjaractamjja. Pachpa amigonacamas juma contraquiraquiw sayt'asjjapjje, cawquïri amigonacamarutejj wal confiascäyäta ucanacas sipita waquicharapiractamjja. ¡Edomasti jan amuyt'asiriwa!”