Jeremías 3:18 - Qullan Arunaca

¹⁸ “Uca uru purincani ucapachasti Judá marcajj Israel marcaruw jakcattjjani, ucatsti mayaquiw amsta tokenquir marcanacat cutt'anjjapjjani, cawquïri oraktejj nayajj mä herenciäcaspas uqhama nayrapacha awquinacapar churta uca orakeru” sasaw Tatitojj arsu.

Aymar Bibliia 1986

¹⁸ “Uca uru purincani ucapachasti Judá marcajj Israel marcaruw jakcattjjani, ucatsti mayaquiw amsta tokenquir marcanacat cutt'anjjapjjani, cawquïri oraktejj nayajj mä herenciäcaspas uqhama nayrapacha awquinacapar churta uca orakeru” sasaw Tatitojj arsu.

Qullan Arunaka DC

¹⁸ “Uka uru purinkani ukapachasti, Judá markax Israel markaruw jaqkattxani, ukatsti mayakiw amsta tuqinkir markat kutt'anxapxani, kawkïr uraqtix nayax mä tutïkaspa ukhama nayra pacha awkinakapar churkta uka uraqiru” sasa.

Jeremías 3:18 Jak'a apnaqawi uñst'ayäwi

Génesis 12:7

Ucanwa Tatitojj uñstäna, ucatsti saraquïnwa: “Aca orakjja wawanacamaruw churä” sasa. Ucatsti Abramajj uca chekanjja mä altar Tatitutaqui waquichäna, uca chekan Tatitojj uñstatap laycu.

Isaías 43:5

Jan ajjsaramti, nayaw jumampïscta. Inti jalsu toketsa, inti jalanta toketsa, nayaw jakenacamjja anthapinjjä.

Isaías 43:6

Amstarojj saraquïwa: ‘Cuttayanjjam’ sasa, aynacharusti saraquïwa: ‘Jan jupanacampi kheparamti. Wawanacajjarojj cuttayanirapjjeta jayatpacha, orake tucusitpacha,

Jeremías 16:15

jan ucasti sapjjätawa: ‘Israelitanacaru amsta marcata uqhamaraqui yakha marcanacaru ananacutat cuttayanquistu uca Tatitojj jacasquiwa’ sasa. Nayaw jumanacarojj orakemaru cuttayanjjapjjäma, cawquïri oraktejj nayra awquinacamaru churcta ucaru.

Jeremías 23:8

jan ucasti aqham sasaw juramento lurapjjani: ‘Israelitanacaru amsta tokenquir marcanacata, cawqui marcanacarutejj ananuccatayna ucanacat cuttayanjjiri Tatitojj jacasquiwa’ sasa. Ucatsti pachpa utanacapan jacasipjjaraquini.”

Jeremías 3:12

Jichhajj saram, ucatsti aca arunac saraquim amsta tokeru uñtasa: ‘Tatitojj siwa: ¡Nayatac sayt'asir Israel, cuttanjjam nayan ucaru! Janiw nayajj jumarojj colerata catokcämati, janiraquiw wiñayataquisa coleratäcäti, qhuyapayasirïtajj laycu. Naya Tatituw ucjja arsta.

Jeremías 30:3

mä uruw purinini, cunapachatejj nayan Israel marcajjasa uqhamaraqui Judá marcajjasa mayjt'ayatäjjani ucajja. Naya, Tatituw, arsta. Cawquïri oraktejj nayajj nayra awquinacaparu churcta uca orakeruw jupanacarojj cuttayjjä” sasa.

Jeremías 31:8

Amsta tokenquir marcatsti cuttayanjjapjjämawa, aca orake thiyatpacharacwa jumanacarojj tantachjjapjjäma. Jupanacampi chicasti juyqhunaca, cojonacaraquiw cuttanjjapjjani, usuri warminacasti, cawquïrinacatejj wawachasjjapjje, ucanacas ¡waljanipuniw cuttanjjapjjani!

Jeremías 50:20

Naya Tatituw ucjja arsta: Uca urunacanjja Israel, uqhamaraqui Judá marcasa, take juchanacapatjja khespiyatäjjapjjaniwa, nayaw perdonaraquï, qhitinacarutejj jacañani jaytapcän ucanacaru.

Jeremías 50:4

Tatitojj siwa: “Qha urunacanjja Israelanquiri jakenacajja, Judá orakenquiri jakenacasa jacht'asisaw naya Tatitu Diosaparu thakeri jutapjjetani.

Jeremías 50:5

Sión thaqui toketwa jisct'asipjjaraquini, ucatsti ucsaruw aqham sasa sarapjjaraquini: ‘Tatitun ucaru sarjjañäni, jupampisti mä wiñayataqui arust'äwi luraraquiñäni, jan mayampitaqui armasquiri’ sasa.

Jeremías 7:7

Nayajj aca orakeruw jaytasipcäma jacasipjjañamataqui, cawquïri oraktï nayrapacha awquinacamaru churcäyäta wiñayataqui ucaru.

Ezequiel 11:17

Nayan sutejj-jjarusti jupanacarojj saraquim: ‘Naya Tatituw jupanacarojj uca jaya marcanacat cuttayanjjaraquï, cawquïri marcanaca taypirutejj nayajj jupanacaru willitatcta ucanacata, jupanacaru tantacht'asinsti Israel marca jupanacarojj churjjaraquï.

Oseas 1:11

Ucapachawa Israel marcanquir jakenacampi, Judá marcanquir jakenacampejj mayacht'asjjapjjani, ucatsti mä sapa jilïriruwa utt'ayasjjapjjani, take toketsti Jerusalén marcarcamaraquiw cuttanjjapjjani. ¡Jezreelan urupasti wali jach'apunïniwa!

Oseas 11:12

“Efrainajj c'arimpiw muyuntitu; Israel marcasti sallkjañampiraqui. Judästi Diosatjja jithekjjaraquiwa, jichhasti yakha diosanacaruw take chuyma arcaraqui.”

Oseas 2:2

Tatitojj siwa: “¡Taycamar juchañchapjjam, juchañchapjjam, jupasti janiw jichhajj warmejjäcjjeti, janiraquiw nayas chachapäcjjti! ¡Yakha chachanacampi sarnakañapjja apanucjjpan!

Amós 9:15

Uqhamajj jupanacarojj quipca orakeparuw ayruntaraquëjja, ucatsti janipuniw wasitat jiq'sutäcjjapjjaniti, nayajj jupanacar churcta uca oraketjja.” Tatitu Diosaw ucjja arsu.

Zacarías 10:6

Tatitojj siwa: “Nayaw ch'am churäjja Judá familiat jutirinacarojja, José familiat jutirinacarusti khispiyaraquïwa. Wasitatwa orakeparojj irpjjaraquëjja, qhuyapayasiñajjajj jupanacatac utjatap laycu. Janipunis nayajj jan ist'iri tucuriscäyäta uqhamaw tucjjapjjanejja, nayajj Tatitu Diosapätap laycu, ist'aractwa mayisitanacaparusa.

Zacarías 2:6

Naya Tatitojj, arsusajj arsupuntwa: “Jaltjjapjjam janc'aqui amsta tokenquir marcatjja. Nayaw waquicharacta jumanacan take tokeru tucjatäñanacamjja.