Jeremías 29:12 - Qullan Arunaca

¹² Ucapachaw jumanacajj nayaru art'asipjjetäta, ucatsti nayan ucaruw jutapjjaraquïta, nayaru mayisisa, nayasti mayisitanacamjja ist'apjjaraquïmawa.

Aymar Bibliia 1986

¹² Ucapachaw jumanacajj nayaru art'asipjjetäta, ucatsti nayan ucaruw jutapjjaraquïta, nayaru mayisisa, nayasti mayisitanacamjja ist'apjjaraquïmawa.

Qullan Arunaka DC

¹² Ukapachaw jumanakax nayar art'asipxitäta, ukatsti nayan ukaruw jutapxarakïta, nayaru mayisisa, nayasti mayisitanakamxa ist'apxarakïmawa.

Jeremías 29:12 Jak'a apnaqawi uñst'ayäwi

2 Crónicas 33:13

Ucatjja cunapachatï Diosat uracionan mayisïna ucqhajja, Diosajj juparojj ist'änwa, uqhamarac achict'asitanacapsa, ucatsti Jerusalenaruwa cuttayanjjäna, reinopata wastat apnakjjañapataqui. Ucatwa Manasés reyejj amuyäna Tatitojj Diosatapa.

2 Crónicas 6:38

take chuymaraqui, take amtañapampiraqui jumar cutcatjjätam, cawqha orakerutejj preso apatäpqui ucqhana, ucatsti jupanacajj oración lurapjjani nayra awquinacaparu aca orake churcta ucar uñtanisa, uqhamarac ajllit marcamar uñtanisa, templo jumataqui luraycta ucar uñtanisaraqui ucajja.

Job 22:27

Cuntejj mayïta ucarusti ist'ätamwa, ucatsti cuntejj jumajj juparu phokhañataqui arscäta ucanacsa phokharaquïtawa.

Salmos 10:17

Tatay, jumaw jan yäkat jakenacan mayisitap ist'asctajja, jumaw chuymachasctajja, ch'amañchascaractajja.

Salmos 145:19

Jupar arquirinacan munataparjamaw phokhe, arnakasitanacap ist'i, khespiyaraqui.

Salmos 50:15

llaquincasin jawsanita; nayajj khespiyämawa, jumasti jach'aruw aptitäta” sasa.

Isaías 26:16

Tata, t'akhesiñanjja jumaruw thakhapjjsma, cunapachatejj jumajj may tokenokasaqui asquichapjjetäta ucqha.

Isaías 30:19

Jerusalenan jaquir Sión marca, jan juc'ampi jachcjjapjjamti. Tatituw jumatjja qhuyapt'ayasïtam yanap mayisisa arnakasitamata, ist'asinsti jaysaraquïtamwa.

Isaías 65:24

Janïraw jupanacajj jawsapquitaniti, ucapachaw nayajj jupanacar jaysä; janïraw parlañsa tucuyapcaniti ucapachaw nayajj jupanacar ist'ä.

Jeremías 31:9

Tatitur yuspagarasa, jacht'asisaraquiw cuttanjjapjjani. Nayasti jupanacarojj jaliri uma thiyanacaruw irparaquï, mä suma pampa thaquinjam irparaquï jan liwisipjjañapataqui. Nayasti Israelan awquipätwa, Efrainasti jilïri yokall wawajjaraquiwa.

Jeremías 33:3

Nayar art'asita, nayasti ist'araquïmawa, ucatsti cunanactejj jumajj jan yatcta, uñjcaracta ucanacwa uñacht'ayaraquïma.

Jeremías 50:4

Tatitojj siwa: “Qha urunacanjja Israelanquiri jakenacajja, Judá orakenquiri jakenacasa jacht'asisaw naya Tatitu Diosaparu thakeri jutapjjetani.

Jeremías 51:50

Jumanacasti, qhitinacatejj jiwatäñat khespinipjjta ucanacasti jan sayt'asa jaltjjapjjam, jayanccasasa Tatitutjja amtasipjjapunim, Jerusalén marcatsa amtasipjjaraquim.

Ezequiel 36:37

Tatitusti aqham sascaquiwa: “Mä juc'ampi lurascaquïwa. Cuntejj Israel marcajj mayquitani jupanac laycu lurañajj-jja ucanacsti phokharaquïwa; jakenacapsti mä jach'a tamaruw tucuyjjaraquëjja.

Oseas 14:9

Yatiñani, uqhamaraqui ch'iqhi jakenacajj aca arunacjja amuyt'apjjpan: Tatitun thaquipajj chekapawa, cheka jakenacaquiraquiw ucanjamjja sarapjje; ucampis ñankha jakenacajj uca thaquinjja liwisipjjewa.

Zacarías 13:9

Uca jilt'iri parterusti nina tokeracwa pasayäjja, cunjämatejj kollkejj k'omachañäqui uqhamaracwa k'omachäjja, Cunjämatejj korejj k'oma tucuyañäqui uqhamaracwa k'oma tucuyäjja. Ucqhaw jupanacajj nayar art'asipjjetanejja, nayasti jaysaraquïwa. Saraquïwa: ‘Nayan marcajja’ sasa. Jupanacasti sapjjaraquiniwa: ‘Tatituw jiwasan Diosasajja’ sasa. Naya Tatituw ucjja arsta.”