Jeremías 28:14 - Qullan Arunaca

¹⁴ Naya, Israelan Diosapa take ch'amani Tatituw arsta: Take marcanacan cuncanacapjjarusti nayaw mä hierrot lurat yugo uchta, uqhamat jupanacajj esclavot Babilonianquiri Nabucodonosor reyiru sirvipjjañapataqui. Montenquiri animalanacsa jupan amparaparuw catuyta’ ” sasa.

Aymar Bibliia 1986

¹⁴ Naya, Israelan Diosapa take ch'amani Tatituw arsta: Take marcanacan cuncanacapjjarusti nayaw mä hierrot lurat yugo uchta, uqhamat jupanacajj esclavot Babilonianquiri Nabucodonosor reyiru sirvipjjañapataqui. Montenquiri animalanacsa jupan amparaparuw catuyta’ ” sasa.

Qullan Arunaka DC

¹⁴ Naya, Israelan Diosapa taqi ch'amani Tatituw arsta: Taqi aka markanakan kunkanakapxarusti nayaw hierrot lurat mä yuku uchta, ukhamat jupanakan Babiloniankir Nabucodonosor reyir t'aqhisit luqtapxañapataki. Ch'uminkir animalanaksa jupan amparaparuw katuyta’ ” sasa.

Jeremías 28:14 Jak'a apnaqawi uñst'ayäwi

Jeremías 15:12

“¿Qhitisa amsta toket jutir fierrompiru, broncempirojj p'acjaspa?

Jeremías 27:4

Jupanacarusti reyinacaparu yatiyapjjañapataqui saraquim; naya take ch'amani Tatitu Israelan Diosapaw arsta.

Jeremías 27:8

Yakhepa marcanacatejj jan ucajj reyinacasa jan Nabucodonosor reyimpi apnakatäñ muncani ucanacarojja nayaw guerrampi, mach'anacampi cunayman casta usunacampi, mutuyaraquëjja takenisa jupana apnakatäñapcama. Naya Tatituw ucjja arsta.

Jeremías 40:4

Jichhajj uñtam, jichhpachaw aca cadenanaca jararjjäma. Jumatejj nayampi chica Babiloniaru sarañ munsta ucqhajj sarätawa; nayaw jumarojj sum uñjascaraquïma. Jan sarañ muncsta ucapachasti acaruqui kheparjjam. Take aca marcpachajj jumanquiwa, cawquirus munta ucaru sarascam jichhajja.

Lamentaciones 1:14

Juchanacajjsti Tatituw yatisqui, jupa quipcaraquiw uca juchanacjja chincatitu. Uca juchanacasti mä yugöcaspasa uqhamaw jatjjattaraquitu; ch'amas janiquiw utjcaraquituti. Pachpa Tatituw jupanacan amparaparu catuyaraquitu, janiw jichhajj uca juchat jaltcaraquiristti.

Daniel (hebreo) 2:38

cawqha chekanacantejj jakenacajj jacapqui uca chekanacsa jumaruw catuyaractamjja, animalanacsa, jamach'inacsa; jupaw juma, jach'a reyiru, take ucanacjja catuyaractam, juma reyisti uca kori p'ekëtawa.

Oseas 10:11

“Efrainajj mä suma manso vaca kalljamänwa, trigo jawk'suñas jupataquejj sumänwa. Jichhasti nayajj ucqha suma cuncapjjarojj mä yugo ayjjataracta, uqhamat carro katatiñapataqui, Judästi arado jiyt'araquini, Jacobosti rastrillo jiyt'araquini.

Deuteronomio 28:48

Jumaraquiw sirvïta cawquïri uñisirinacamtejj Diosajj jumjjaru apayanïtam ucanacarojja; umatsa, mank'atsa t'akhesiraquïtawa, isitsa jalstasa take pist'ayasiñanaca uñt'araquïta. Diosaw esclavot t'akhesiyätam jumaru t'unjañcama.

Deuteronomio 4:20

Ucasti jumanacarojj Tatituw irpsunipjjtam qhä Egipto hierro umatatayañ hornota, uqhamarac jupan marcapa tucuyapjjtam, cunjämatejj jichhajj jicjjatasipjjta uqhama.