Jeremías 25:6 - Qullan Arunaca

⁶ Jan yakha diosanacaru arcapjjamti, janiraqui jupanacarusa yupaychapjjamti ni quillt'asipjjaraquimsa. Jan Tatiturojj colerayapjjamti jumanac pachpan lurasit diosanacaru yupaychasajja, jupasti janiraquiw cuna jan walt'añsa apayanipcätamti.

Aymar Bibliia 1986

⁶ Jan yakha diosanacaru arcapjjamti, janiraqui jupanacarusa yupaychapjjamti ni quillt'asipjjaraquimsa. Jan Tatiturojj colerayapjjamti jumanac pachpan lurasit diosanacaru yupaychasajja, jupasti janiraquiw cuna jan walt'añsa apayanipcätamti.

Qullan Arunaka DC

⁶ Jan yaqha diosanakar arkapxamti; janirak jupanakarus yupaychapxamti. Tatiturux jan q'apisiyapxamti jumanak pachpan lurasit diosanakar yupaychasa, jupasti janirakiw kuna jan walt'añsa apayanipkätamti’ sasa.

Jeremías 25:6 Jak'a apnaqawi uñst'ayäwi

1 Reyes 14:22

Ucampis Roboaman luratanacapajj janiw walïcänti Tatitun nayrakatapana, ucatsti juc'ampwa colerayäna nayra awquinacapana jucha luratanacapata sipansa.

2 Reyes 17:35

Cunapachatï Tatitojj jupanacampi suma parlt'äwiru mantcäna ucqhajja sänwa: “Janiw yakha diosanacar yupaychapjjätati, sirvipjjätasa sacrificionaca loktasina.

Éxodo 20:23

Jumanacajj janiw yakha diosanaca lurasipjjätati koritsa ni kollketsa nayarjama yupaychapjjañamataquejja.

Éxodo 20:3

“Janiw jumajja nayat sipana yakha diosanacjja uscusïtati.

Jeremías 32:30

Kalltatpachwa Israelampi Judá marcampejj cunatejj nayataquejj jan walïqui ucanac lurapjjerïnjja; israelitanacasti jupanacan lurat c'ari diosanacampiw ñankhachapjjetänjja. Naya, Tatituw, ucjja arsta.

Jeremías 35:15

Nayar sirviri profetanacajjarusti mayampi mayampwa qhitanipjjsma jumanacaru aqham sañapataqui: Uca jan wali sarnakäwinacamsa uqhamaraqui jan wali luräwinacamsa apanucupjjam. Janiraqui yakha diosanacan khepapsa sarjjapjjamti ni ucanacarusa yupaychapjjaraquimti, uqhamatwa cuna oraktejj nayajj jumanacarusa uqhamaraqui nayra awquinacamarus churcäyät ucan jacasipjjätajja sasa. Ucampisa janiw jumanacajj nayan arunacajjarojj jaysapcäyätati ni ist'apcaraquïyätasa.

Jeremías 44:7

‘Uqhamapï naya take ch'amani Israelan Diosapajj sistjja: ¿Cunatsa jumanacpacha uca jach'a ñankha apasinipjjta? ¿Cunatsa jumanacajj jiwarañaru apt'apjjtajja take Judá orakenquiri jakenacjja, chacha, warmi, wawanaca, uqhamaraqui asu wawanacsa, jan maynini jiwarañapataquejja?

Jeremías 44:8

¿Cunatsa jumanacajj nayaru ñankhachapjjesta aca Egiptor jaquiri jutasinjja incienso yakha diosanacaru loktasisajja? Uca luratanacamampejj jumanacpachaquiw ñankha lurasisipctajja, take marcanacan uñjcañaraquiw jumanacajj t'unjatäpjjäta, mä p'enkaw tucupjjaraquïta take marcanac nayrakatana.

Jeremías 7:6

janiraqui yakha marcat jutirinacarus sinti irnakayapjjätati, ni wajchanacarusa, ni ijmanacarusa, ni jan juchani jakenacarusa aca chekanjja jiwayapjjätati, ni yakha diosanacarusa yupaychapjjaraquïtati, ucanacampisti jumanacpachaquiw aynacht'apjjasmajja.

Jeremías 7:9

Lunthatapjjta, jake jiwayapjjta, wachok juchan sarnakapjjta, c'ari juramentonac lurapjjta, Baal diosarusti inciensonaca loktasipjjta, ucatsti yakha diosanacarusa yupaychapjjaracta, ucanacampejj janiw cuna lurañanacamas utjquiti,

Oseas 1:7

Ucampisa, Judá marcatjja qhuyapt'ayasïwa, naya quipca, Tatitu Diosaparaquiw khespiyä. Janiw guerrampiti khespiycäjja; jan ucasti, jan armampi, jan espadampi, jan caballeriampiquiw khespiyäjja.”

Deuteronomio 13:2

cuntejj parlapcätam ucanacatejj phokhasini, ucatsti sapjjaraquïtam: ‘Sarapjjañäni, jan uñt'apcta uca yakha diosanacaru arcapjjañäni, yupaychapjjaraquiñäni’ sasa,

Deuteronomio 28:14

jan maysarus ucanacat jithektasa yakha diosanacar arcaña ni yupaychaña munasasa.

Deuteronomio 6:14

Janiraqui yakha marcanacan diosanacaparus yupaychapjjamti.

Deuteronomio 8:19

“Ucatsti jumanacatï Tatitu Diosamat armasipjjäta, yakha diosanacan khepaparaqui arcapjjäta, ucanacarus quillt'asipjjaraquïta ucqhajj nayajj chekpachanwa sapjjsma, take jumanacajj t'unjatäpjjätawa.

Josué 24:20

Jumanacatï Diosaru apanucupjjäta yakha diosanacar sirviñataqui, ucqhajj Diosajj jan walt'añanacwa apayanipjjätam, ucatsti t'unjapjjaraquïtamwa jumanacar walja asquinac lurcasasa.