Jeremías 25:34 - Qullan Arunaca

³⁴ ¡Awatirinaca, wararipjjam, usuyasiñat wararipjjam! ¡Jumanaca, tamaru irpirinacasti, oraken korumnakapjjam! Jumanacaru qhariraña horasajj purinjjewa, jumanacarusti liq'i ovejanacarjamaw qharirapjjätpan.

Aymar Bibliia 1986

³⁴ ¡Awatirinaca, wararipjjam, usuyasiñat wararipjjam! ¡Jumanaca, tamaru irpirinacasti, oraken korumnakapjjam! Jumanacaru qhariraña horasajj purinjjewa, jumanacarusti liq'i ovejanacarjamaw qharirapjjätpan.

Qullan Arunaka DC

³⁴ ¡Awatirinaka, wararipxam, usuyasiñat wararipxam! ¡Jumanaka, tamar irpirinaka, uraqin qurumnaqapxam! Jumanakar khariraña pachax purinxiwa, jumanakarusti lik'i ovejanakarjamaw kharirapxätam.

Jeremías 25:34 Jak'a apnaqawi uñst'ayäwi

2 Crónicas 36:10

Nabucodonosor reyisti uca pachpa marana jallupachawa qhitanïna Babiloniaru jupar apañapataqui, Tatitun templopan jila alani yänacampi chica. Ucatsti Judá, Jerusalén ucanacjjarusti Sedequías chacharuw reyit utt'äyawayäna, jupasti Joaquín reyin familiapänwa.

Salmos 2:9

Hierro thujrumpiw jupanacarojj apnakäta, ¡ñek'e phuqhunacarjamaw t'unjaraquïta!” sasa.

Isaías 10:12

Cunapachatejj Tatitojj take lurañanacap phokhani, Sión kolluna, Jerusalenansa ucqhajja, Asirianquir reyirojj mutuyaniwa jach'a jach'a tucutapata, wali jach'a chuymäña jach'a amtañampiraqui luratanacapatsa.

Isaías 2:16

take qhitinacatejj Tarsis barcöpcaspa jan ucajj suma barconacäpcaspas ucanacataqui.

Isaías 30:14

ñek'et lurat chatjama t'unjatäpjjätawa, uca chatusti k'alaw p'acthaptaraqui, uca jiq'illitanac taypinsti janiw mayas utjquiti kherit nina sanc'a apsuñataquisa, jan ucajj mä phuch'ut uma kechst'añataquisa” sasa.

Isaías 33:1

¡Ay, cunaquïcan jumataquejj marcanac t'unjiri, ucampis janiw t'unjatäctati, ch'ojjña luriri, ucampis janiw ch'ojjña luratäctati! Jumajj t'unjañ tucuycäta, ucspacharaquiw jumarojj t'unjapjjätam, ch'ojjña lurañ tucuyascäta, ucspacharaquiw jumarojj ch'ojjña lurapjjätam.

Isaías 34:6

Tatitun espadapajj wilarara, liq'inacampi chhaktayatäniwa, cunjämatejj ovejanacas cabritonacas sacrificiotaqui qharsutajj uqhama. Tatitusti Bosra sisqui uca chekanjja mä sacrificio lurani, Edom sisqui uca chekansti mä jach'a jiwarayäwi.

Isaías 34:7

Vaca kallunacasa, toro vacanacasa, búfalo sisqui uca uywanacjamaw liwirtapjjaraquini; orakepasti wilampi jurichjatäniwa, lak'asti liq'inacampi k'ala lluch'sutaraquïniwa.

Jeremías 18:22

Jupanacan ucarusti acatjamata mä tama lunthata jakenaca qhitaniraquim; ¡sustjasiñata wararitanacapasti ist'asiracpan! Nayataquisti mä p'iya allipjjäna, sarnakañanacajjarusti sipitanac uscupjjaraquïna.

Jeremías 22:28

“¿Jeconiasajj mä p'acjata chatumpi sasiti, jan cunataqui inamaya jan qhitin munata jaktatati? ¿Cunatraqui jupasa, wawanacapasa jan uñt'ata jaya orakeru apanucuta uñjasipjjesti?

Jeremías 23:1

Tatitusti siwa: “¡Ay, cunaquïcani awatirinacatjja, cawquïrinacatejj ovejanacajj-jja chhakhayapjje, uqhamaraqui ananucupjje ucanacataquejja!”

Jeremías 25:12

Cunapachatejj uca pakallko tunca maranacajj phokhasjjani ucapachasti, Babilonianquir reyerojja, marcaparusa, luratanacapa wayt'araquï juchanacapatjja, uqhamaraqui caldeonacan marcaparusa, wiñayataquiw t'unjaraquï. Naya Tatituw arsta.

Jeremías 25:23

Dedán, Buz, cawquïri marcanacatejj p'ekenacapan ñic'utanacapsa mururasipqui ucanacarusa;

Jeremías 25:36

Awatirinacajj arnakasipjjewa; usuyasiñat arnakasipjje tama irpirinacajja, Tatitojj pastonacapa pharsuyatap laycu.

Jeremías 27:7

Take marcanacasti juparu catuyatawa, jupaw apnakaraquini, wawapampi, allchhipampi, cunürutejj marcaparu yakha jach'a marcanacampi apnakatäñajj wact'cani uca urcama.

Jeremías 3:19

“Israel, nayajj jumarojj wawajjat catokañataquiw amtasta, mä suma muncañ orake churañaraqui amtta, take aca orakenacat sipansa juc'ampi suma orake. Nayasti saraquïyätwa: ‘Jichhajj awqui sisjjchitanïya’ sasa. Ucatsti janiraquiy nayatjja jayar sarcjjchiniti saraquïyätwa.

Jeremías 48:26

Moab marcarojj machjayapjjam, Tatitutaqui sayt'asitap laycu. Ucapachaw Moab marcajj pachpa wak'sutapar korumnakani, takeniw jupatjja larusipjjaraquini.

Jeremías 48:38

“Moab marcana take terraza patanacana, callenacansa, jakenacan wararitapaquiw ist'asisqui, nayan Moab marcaru jisc'a jisc'a t'unjatajj laycu, jan cunatac inamaya sañücaspas uqhama t'unjatajj laycu. Naya Tatituw ucjja arsta.”

Jeremías 50:27

¡Take soldadonacaparusti thiyat jan mayani jiwarayapjjam! ¡Mataderoru anaquipjjaraquim! ¡Ay, jupanacata! ¡Jupanacan urupajj puriniwa!. ¡Mutuyäwi catokaña urupas puriniraquiwa!

Jeremías 6:26

¡Marcajja, jichhajj chhanqha isinacampi isthapisim t'akhesitam uñacht'ayañ laycu; khellaru sunt'suraquim, luto isinacampi isthapisim, wal jacharaquim, cunapachatejj mä sapa yokall wawajj jiwquis uqhama; jiwasaru t'unjiristi janc'aquiw jutaraquini jiwasanacar t'unjañataqui!

Lamentaciones 4:21

¡Edom marca, jichhajj larusim, cusisiraquim; Uz sat oraken apnakeri! ¡Jumarojj t'akhesiña umañajj wact'araquïtamwa, ucatsti k'alala, machjataw uñjasiraquïta!

Ezequiel 34:20

Ucatpï naya Tatitojj arstjja: Liq'i ovejanacampiru, t'uqha ovejanacampirojj chekaparuw uñjä.

Daniel (hebreo) 11:8

Uqhamarusa, diosanacaparojj Egiptoruw apasjjani, metalat lurat diosanacapa, cunanacatejj korita, kollketa, wali jila alani yänacapas utjqui ucanacampi chica.

Oseas 8:8

¡Israelasti jichhajj mank'antatawa! Yakha marcanacasti jan cunatac asquïcaspas uqhamwa uñjapjje,

Amós 5:11

Janiw kalat lurasipcta uca suma utanacan jacapcätati, janiraquiw uca suma uva yapunac yapuchasipcta ucats vino umapcätati. Pobrenacar taquichasipjjatamata, uqhamarac trigotsa impuesto apsupjjatamampitjja.

Zacarías 10:3

Ucatwa Tatitojj sejja: “Colerajjasti aktiwa awatirinac contra, marcajj irpirinacarusti mutuyaraquïwa” sasa. Take ch'amani Tatituw tamap uñjasquejja, Judá familiat jutirinacjja. Guerransti jupanacarojj ch'amani caballo tucuyanejja.

Zacarías 11:3

Awatirinacasa jach'ata wararipjje, ucqha suma pastonacajj tucjata kheparatapata. Leonan wararitapasti ist'asiraquiwa, Jordán jawira thiyan alinacajja tucjata kheparatapata.

Santiago 5:5

Aca orakenjja jumanacajj take phokt'ata cusisiñanwa sarnakapjjtajja, animalanacjamaw pokopjjtajja, jichhasti jumanacar jiwarayañ urojj puriniwa.