Jeremías 25:16 - Qullan Arunaca

¹⁶ Cunapachatejj umantapjjani ucapachasti wak'akeñwa kalltapjjani, ucatsti lokhe jakenacjamaw sarnakapjjaraquini, cuna guerranactejj nayajj jupanacjjaru apayancä uca laycu” sasa.

Aymar Bibliia 1986

¹⁶ Cunapachatejj umantapjjani ucapachasti wak'akeñwa kalltapjjani, ucatsti lokhe jakenacjamaw sarnakapjjaraquini, cuna guerranactejj nayajj jupanacjjaru apayancä uca laycu” sasa.

Qullan Arunaka DC

¹⁶ Kunapachatix umantapkani ukapachasti waq'aqiñ qalltapxani, ukatsti luqhi jaqinakjamaw sarnaqapxarakini, kuna nuwasiñanaktix nayax jupanakxar apayankä uka layku” sasa.

Jeremías 25:16 Jak'a apnaqawi uñst'ayäwi

Jeremías 13:12

“Jupanacarusti saraquim: ‘Israelan Tatitu Diosapajj siwa: Cawquïri sañurus vinjja phokhantacsnawa’ sasa. Israelitanacasti ucjjarojj sapjjaraquïtamwa: ‘¿Janit nanacasti yatipctsti cawquïri sañurus vino phokhantataquïspa ucjja?’ sasa.

Jeremías 13:14

Ucatsti sañunacjamwa p'aquiraraquëjja, maynejj maynimpi, awquimpi yokampsa mayaqui p'aquiraraquï. Janiw jupanacatjja qhuyapt'ayascäti, jupanacarusti jan sintt'asisa, jan qhuyapt'ayasisaraquiw t'unjäjja. Naya Tatituw ucjja arsta’ ” siw Tatitojja.

Jeremías 25:27

Ucatsti Tatitojj saraquituwa: “Jupanacarusti saraquim, naya, take ch'amani Tatitu, Israelan Diosapaw arsta, machjasiñcama, wak'jasiñcama, jan mayampi sartcjjañataqui oraker liwirtapjjañapcama umapjjpan, janiraquiw mayampisa sartcjjapjjaniti cuna guerranactejj nayajj jupanacaru apayancä uca laycu.

Jeremías 45:5

¿Cuncha jumataqui mayisiñ munta? ¡Jan cunsa mayimti! Nayasti take jakenacjjarojj jach'a t'akhesiñanacwa apayanëjja, ucampisa jumarojj jacayascaraquïmawa cawquirutejj sarcät ucana. Naya Tatituw ucjja arsta’ ” sasa.

Jeremías 48:26

Moab marcarojj machjayapjjam, Tatitutaqui sayt'asitap laycu. Ucapachaw Moab marcajj pachpa wak'sutapar korumnakani, takeniw jupatjja larusipjjaraquini.

Jeremías 51:39

Cunapachatejj jupanacaru calorajj khatt'ani ucapachasti nayaw machjayiri umanac churaraquï, ucasti jupanacarojj p'eke muytayaraquini. Uqhamat jupanacajj mä wiñaya samcaru puripjjaraquini, janiraquiw ucatjja mayampsa sartcjjapjjaniti. Naya Tatituw ucjja arsta.

Jeremías 51:7

Babiloniasti nayan amparajjanjja mä kori copjamänwa, take aca orakpacharu umjayiriraquïnwa. Marcanacasti uca vino umapjjänjja, k'alwa p'eksa muytayaraquïnjja.

Lamentaciones 3:15

Tatitusti jachañanacampiw phokhantitu, c'allc'u uma umañwa churaraquitu.

Lamentaciones 4:21

¡Edom marca, jichhajj larusim, cusisiraquim; Uz sat oraken apnakeri! ¡Jumarojj t'akhesiña umañajj wact'araquïtamwa, ucatsti k'alala, machjataw uñjasiraquïta!

Abdías 1:16

cunjäma c'allc'ücäntejj jumanacan umañamajj nayan kollana kollojjanjja, uqhama c'allc'uraquïniw yakha marcanacan umañapajja, jupanacasti juc'at juc'atwa umantapjjani; ucatsti takeniraquiw tucusipjjani.

Nahúm 3:11

Jumarusti umjayapjjaraquïtamwa; ipiptataw imantasjjaraquïta, uñisirimat jaltañ munasinjja.

Apocalipsis 14:10

Diosat jutcani uca jach'a mutüwi catokani, Diosan uca colerasiñapasti waquichatawa; asufrempi ninampi t'akhesiyatäpjjaniwa, Diosan angelanacapana, uqhamarac Corderon nayrakatapan t'akhesiyatäpjjaniwa.

Apocalipsis 14:8

Ucatsti yakha angelaraquiw uñsti aqham sasa: “Aynacht'jjewa, aynacht'jjewa jach'a Babiloniajja, marcanacarusti vinompjamawa macharayi jan wali sarnakäwipampi” sasa.

Apocalipsis 18:3

Take marcanacasti uca Babilonian wachoka jucha luratanacapampejj vinompjamaw macharapjje. Acapach reyinacasti uca Babiloniampiraquiw wachoka juchan jacapjjänjja, alaquipa luriri jakenacasti jupan jan wali sarnakatapampejj waliraqui kamiriptapjjänjja” sasa.