Jeremías 25:12 - Qullan Arunaca

¹² Cunapachatejj uca pakallko tunca maranacajj phokhasjjani ucapachasti, Babilonianquir reyerojja, marcaparusa, luratanacapa wayt'araquï juchanacapatjja, uqhamaraqui caldeonacan marcaparusa, wiñayataquiw t'unjaraquï. Naya Tatituw arsta.

Aymar Bibliia 1986

¹² Cunapachatejj uca pakallko tunca maranacajj phokhasjjani ucapachasti, Babilonianquir reyerojja, marcaparusa, luratanacapa wayt'araquï juchanacapatjja, uqhamaraqui caldeonacan marcaparusa, wiñayataquiw t'unjaraquï. Naya Tatituw arsta.

Qullan Arunaka DC

¹² Uka paqallqu tunka maranaka phuqhasxipansti, Babiloniankir reyiru, markapampirusa juchanak luratanakapat wayt'arakï, ukatsti wiñayatakiw t'unjarakï. Naya, Tatituw uk arsta.

Jeremías 25:12 Jak'a apnaqawi uñst'ayäwi

2 Reyes 24:1

Joacim reyejj apnakascäna ucqhajja, Babilonianquiri Nabucodonosor reyiwa Judá orakeru catuntir mantanïna. Ucatsti Joacim reyejj quimsa marawa jupar jaysäna. Ucatjja janiw jaysañ muncjjänti, jan ucasti jupataquiw sayt'asjjäna.

2 Crónicas 36:22

Persia marcanquiri Ciro reyina kallta marana, Tatitun arupajj Jeremías toke parlatäcäna uca phokhasiñapataquejja, Tatitojj Ciro reyiruwa amtayäna take reinopana yatiyasiñapataqui, aru tokesa, kellkata tokesa, aca arsüwi arunaca:

Salmos 137:8

¡Jumasti Babilonia marca, t'unjataw uñjasïta! ¡Qhitic nanacar jan walinac luratamat apscätamjja!

Isaías 13:19

Marcanacataqui mä perlasjamäqui uca Babiloniasti, caldeo jakenacataqui korir uñtatäcaraqui uca marcajja, Sodoma, uqhamaraqui Gomorra marcjamaw tucusini, cunapachatejj nayajj uca marcanacar t'unjcäyätjja uqhama.

Isaías 14:23

Mä ñek'e mic'ayaruw tucuyaraquï, ucansti jucunacaraquiw utjapjjani. Pichañampjamaraquiw tucjasin pichanucü.” Uqham siw take ch'amani Tatitojja.

Isaías 15:6

Nimrim sisqui uca chekan utjir uma phuch'unacas wañt'jjewa, koranacas ancuntawayjjewa, take pastonacas jiwsjjaraquiwa, janiraquiw mä ch'ojjña laphis utjcjjeti.

Isaías 20:1

Mä cutejj, Asirianquir Sargón reyejj mä qhitwa qhitäna, uca qhitasti mä jach'a jilïrïnwa, Asdod sat marcacamaraquiw purïna, ucatsti uca marcar nuwjasajj atipjänwa.

Isaías 33:1

¡Ay, cunaquïcan jumataquejj marcanac t'unjiri, ucampis janiw t'unjatäctati, ch'ojjña luriri, ucampis janiw ch'ojjña luratäctati! Jumajj t'unjañ tucuycäta, ucspacharaquiw jumarojj t'unjapjjätam, ch'ojjña lurañ tucuyascäta, ucspacharaquiw jumarojj ch'ojjña lurapjjätam.

Isaías 46:1

Bel diosajj aynacht'iwa, Nebo diosasti orakeruw liwnoktaraqui. Uca diosanacajj uywanacjjaru qhumutawa, karjat uywanacataquisti mä jathi cargawa.

Jeremías 23:2

Israelan Dios Tatitupasti siwa; cawquïri awatirinacatejj marcapa apnakapqui ucanacarojja: “Jumanacajj ovejanacajj-jja ananucupjjtawa, jaltayapjjtawa, janiraquiw sum awatipctati. Jichhajj waliquiwa, nayajj take jan wali luräwinacamatjja walpunracwa mutuyapjjäma. Naya Tatituw ucjja arsta.

Jeremías 25:14

Jupanacarusti jach'a marcanaca uqhamaraqui ch'amani reyinacaw apnakapjjaraquini t'akhesiyapjjaraquinisa, uqhamatwa cunatejj juchanacapat churañajj waquisqui ucjja churäjja.’ ”

Jeremías 27:22

‘Take uca yänacjja Babiloniaruw apasjjapjjani, ucatsti ucancaraquiniwa cunapachatejj nayajj wasitat aca chekaru cuttayanjjañ munä ucqhacama. Naya Tatituw uca arunacjja arsta.’ ”

Jeremías 27:7

Take marcanacasti juparu catuyatawa, jupaw apnakaraquini, wawapampi, allchhipampi, cunürutejj marcaparu yakha jach'a marcanacampi apnakatäñajj wact'cani uca urcama.

Jeremías 29:10

“Naya Tatituw sista: ‘Cunapachatejj Babiloniaru pakallko tunca marajj phokhasjjani, ucapachasti nayajj jumanacatjja amtasjjäwa, cuntejj jumanacataqui arscta uca arsutajjsti phokharaquïwa, jumanacarusti cuttayanjjapjjaraquïmawa aca pachpa chekaru.

Ezequiel 35:9

Wiñayataqui wasararuw tucuyaraquïma, janipuniw qhitisa marcanacamanjja jaccjjapjjaniti. Ucapachaw jumanacajj yatipjjäta nayan Tatitütajja.

Daniel (hebreo) 9:2

Cunapachatejj jupajj mä mara apnakcän ucapachaw naya Daniel Jeremías profetan libropa leescaraquïyäta, pakallko tunca mara pasañapäquis uca toketa, Jerusalén marcan t'unjatäñapataqui, cunjämtejj Tatitojj profetaru siscatayna uqhamarjama.

Habacuc 1:17

Uqhamasti, ¿caldeonacajj känampjam caturascaquistaniti? ¿Jan jaket qhuyapt'ayasisa jiwarayasipcacpachäniti?”