Jeremías 23:30 - Qullan Arunaca

³⁰ “Ucatwa nayajj uca c'ari profetanacataquejj sayt'tjja, cawquïrinacatejj jupanaccama nayan arunacajja lunthatasipjje ucanac toke. Naya Tatituw ucjja arsta.

Aymar Bibliia 1986

³⁰ “Ucatwa nayajj uca c'ari profetanacataquejj sayt'tjja, cawquïrinacatejj jupanaccama nayan arunacajja lunthatasipjje ucanac toke. Naya Tatituw ucjja arsta.

Qullan Arunaka DC

³⁰ “Ukat nayax jupanakkam nayan arunakax lunthatasipki uka k'ari profetanakatakix phiñasitätxa. Naya, Tatituw uk arsta.

Jeremías 23:30 Jak'a apnaqawi uñst'ayäwi

Salmos 34:16

Tatitojj ñankha luririnacataquiw sayt'i, aca oraket jupanacar chhaktayañataqui.

Jeremías 21:13

“Valle uñjjatata marca, pampanjja mä karkaru uñtataraquïtawa, naya Tatitusti, jumataquiw jichhajj sayt'ta. Jumanacasti sapjjtawa: ‘¿Qhitis nuwistaspa? ¿Qhitiraquisa imantasiñascamajja purt'anispa?’ sasa.

Jeremías 23:31

Nayajj cawquïri profetanacatejj jupanacan waquichata arunacapa nayan arunacajjäcaspas uqhama parlapjje ucanac tokew sayt'ta.

Jeremías 44:11

‘Ucatpï naya Israelan take ch'amani Dios Tatitupajj sapjjsmajja: Jumanacjjaru ñankha apaniñwa amtta, Judá orakerusti takpacha t'unjañaraqui.

Jeremías 44:29

Naya Tatitusti jichhajj aca chimpu churapjjäma nayan jumanacaru ajjsaraña churata arunacajj phokhasiñapataqui, uqhamaraqui aca marcan t'akhesiyapcäma ucas phokhasiñapataqui.

Ezequiel 13:20

Ucatpï naya Tatitojj sistjja: Nayajj uca laykasiñ ch'okäñanacarojj uñisipuntwa, cawquïrinactejj jumanacajj lurapcta, ucanacampisti jakenacarojj jamach'inacäcaspas uqhamwa catuntapjjtajja. Nayaw uca jakenacarojj khespiyäjja, ch'amanacamatjja antutjjaraquïwa thoktawayjjapjjañapataqui.

Ezequiel 13:8

Ucatpï naya Tatitojj sistjja: Cunjämatejj jumanacajj c'ari arunaca parlapjjtajja, unañchäwi uñjatanacamas c'ariquiraqui, ucat nayajj jumanacataqui sayt'asëjja. Naya Tatituw ucjja arsta.

Ezequiel 15:7

Nayasti jupanacan uñisiripaw tucuraquï, mä ninatsa jaltasipcpan, ucampisa yakha ninaw jupanacarojj catuntani. Cunapachatejj nayajj jupanacan uñisiripa tucü ucapachaw jumanacajj yatipjjäta nayan Tatitütajja.

Levítico 20:3

Nayasti uca jake contraw sayt'araquëjja, ucatsti take familianacap taypitsa jiwayjjaraquïwa, nayan kollana chekajj k'añuchatap laycu, uqhamarac nayan kollana sutejjarusa taquisitap laycu, mä wawapa uca Moloc sat diosar loktatap laycu.

Levítico 26:17

Nayasti jumanac contraw sayt'araquëjja, uñisirinacamas jumanacarojj atipjapjjaraquïtamwa; qhitinacatejj jumanacarojj wal uñisipctam ucanacampi t'unjataw uñjasipjjäta, jan qhitin arctataw chhuctjjapjjaraquïta.

Deuteronomio 18:20

Ucampis cawquïri profetatejj nayan sutejjar parlañ munani, ucatsti parlaraquini cawquïri arunactejj nayajj jan juparu siscta ucanaca, uqhamaraqui yakha diosanacan sutiparu parlaraquini, uca profetasti juchañchasin jiwayatäniwa’ sasa.

Deuteronomio 29:20

Ucapachajj Tatitu Diosajj janiw janc'aqui perdoncaniti jan ucasti takpach colerasiñapa, uqhamaraqui mayjt'asitapa, uca jakerojj apayani, ucatsti jupa patjjarojj take aca libron kellkat maldicionanacaw jutaraquini, Diosasti wawanacapjja aca oraken k'alwa chhaktayaraquini.

1 Pedro 3:12

Tatitusti asqui jakenacarojj imiwa, mayisitanacapsa ist'araquiwa, ucampis jan wali lurir jakenacarojj janiw ist'quiti.”