Jeremías 23:19 - Qullan Arunaca

¹⁹ Tatitun colerasiñapajj mä jach'a jawir umar uñtatawa, jach'a tutuca thayar uñtatawa, ucatsti ñankha jakenacjjaruw muytaraqui.

Aymar Bibliia 1986

¹⁹ Tatitun colerasiñapajj mä jach'a jawir umar uñtatawa, jach'a tutuca thayar uñtatawa, ucatsti ñankha jakenacjjaruw muytaraqui.

Qullan Arunaka DC

¹⁹ Tatitun phiñasiñapax mä jach'a jawir umar uñtatawa, jach'a tutuka thayar uñtatawa, ñanqha jaqinakaruw mutuyarakini.

Jeremías 23:19 Jak'a apnaqawi uñst'ayäwi

Salmos 58:9

Janïr sum alintquipan ch'aphinacjam naqhantapjjpan, ch'ojjña korar uñtat jiq'inucutäpjjaracpan.

Proverbios 1:27

uqhamarac cunapachatï jumanacar jutcani ajjsarañanacasa, jan walt'añanacasa, llaquisiñanacasa, aykoñanacasa, mä take tucjiri jach'a tutucjama ucqhajja!

Proverbios 10:25

Cunjämatejj jach'a tutucajja mäqui pasawayejja, uqhamawa jucharar jakejj mäqui chhaktawayjje, ucampis asqui jakejj wiñayataquiwa jacasqui.

Isaías 21:1

Wasarata profecía arunaca: Tutuca thayjamaw aynachat jutantapjje, wasaratwa jutapjje, ajjsarcañ chekata.

Isaías 40:24

Ucqha horasa ayruntata chhuyu alinacampi sasiwa, jichhaquis saphintasipcaspa uqhama. Diosatejj jupanacjjaru phust'anchejja, jupanacajj ancuntjjapjjaquiwa, tutuca thayasti jupanacarojj mä t'unäcaspas uqhamwa apasjjaraqui.

Jeremías 25:31

Jupan jach'at arnakasitapasti acapach tucuscamaw ist'asi, Tatitusti jichhajj take marcanacampiw luratanacapatjama wayt'añ kallti, take jakenacarusti chekaparjamaw uñjaraquini, juchaninacarusti jiwañataquiw catuyaraquini. Tatituw ucjja arsu.’ ”

Jeremías 25:32

Take ch'amani Tatitusti siwa: “T'akhesiñajj purinipuniniwa, mä marcat mä marcaru; mä jach'a thayaw sarti aca orake tucusitjja.”

Jeremías 30:23

Tatitun colerasiñapajj mä jach'a thayaru uñtatawa, mä jach'a tutuca thayjama, khoru jakenacjjaruw muyjjattaraquejja.

Jeremías 30:24

Tatitun colerasiñapajj janiw tucuscaniti, jupajj take amtäwinacapa phokhañapcama. Mä uruw puriniraquini cunapachatejj jumanacajj take acanaca amuyt'apcäta ucapachajja.

Jeremías 4:11

Cunapachatejj uca horasajj purincani ucapachasti Jerusalén marcarojj sataraquïniwa: “Wasar toket mä junt'u thayaw thayt'ani, ucasti marcajj tokeruw thayt'aniraqui. Uca thayasti janiw trigo qhuyuñataqui uqham thayäquiti.

Jeremías 51:1

Tatitojj siwa: “Caldeonacataqui, uqhamaraqui Babilonianquirinacataquisa, mä t'unjir thaywa apayaniraquï.

Ezequiel 1:4

Ucatsti uñjaractwa amsta toket mä jach'a tutuca thayar uñtata jutasquiri; mä jach'a kenayatsti ninaraquiw mistuscäna llijullijur uñtata, ucaru muytatasti mä jach'a khanaw khanascaraquïna. Uca nina taypinsti mayaw c'ajascaraquïna mä suma metaläcaspas uqhamaw llijunïna,

Ezequiel 13:13

Ucatpï naya Tatitojj sistjja: Colerasiñajjanjja nayajj mä jach'a thaya thayt'ayanï, jach'a colerasiñajjansti, walpunwa jalljja puriyanëjja, uqhamaraqui chhijchhis kalanacjamaw puriniraquini, take cunsa wali colerasiñampi t'unjañapataqui.

Amós 1:14

Ucatwa ninampi phichcatäjja Rabá marcan uyunacapjja, uca ninasti k'alwa palacionacapsa, guerran arnakasitanacapampi naqhantani mä thaya uruna.

Zacarías 7:14

Ucatpï ucsar acsar tucjtjja mä jach'a tutuca thayampjama jan uñt'apcänti uca marcanac taypiru, uca pasatatjja orakepajj mä wasararu tucutaw kheparawayi, ucansti janiw qhitis jaccjjeti. ¡Mä suma marcjja jupanacajj k'alwa tucjawayapjje!”

Zacarías 9:14

Tatituw marcapjjaru uñacht'ayasinejja; flechanacapsti rayonacjam antutt'araquini. Dios Tatituw trompeta toct'anejja, aynach jach'a thayamp chicaw sarantaraquinejja.