Jeremías 22:26 - Qullan Arunaca

²⁶ Ucatsti jumarusa uqhamaraqui taycamarusa cawquïri oraketejj jumanacaru nacirjja jan uñjapctamti uca orakeruw apanucupjjäma, ucanwa panpacha jiwarapjjaraquïta.

Aymar Bibliia 1986

²⁶ Ucatsti jumarusa uqhamaraqui taycamarusa cawquïri oraketejj jumanacaru nacirjja jan uñjapctamti uca orakeruw apanucupjjäma, ucanwa panpacha jiwarapjjaraquïta.

Qullan Arunaka DC

²⁶ Ukatsti jumarusa, taykamarusa yaqha jaya markaruw apanukupxäma, ukan panpachani jiwapxarakïta.”

Jeremías 22:26 Jak'a apnaqawi uñst'ayäwi

2 Reyes 24:15

Nabucodonosor reyisti presjja aparaquïnwa Joaquín reyiru, taycaparu, warminacaparu, oficialanacaparu, uqhamarac uca orakenquir wali aytata jakenacaruraqui. Jupasti presjja apänwa Jerusalenata, Babilonia marcaru.

2 Reyes 24:8

Cunapachatï Joaquín chachajj tunca quimsakallkoni maranïna ucqhawa apnakañ kalltäna, ucatsti Jerusalenanjja quimsa phajjsiwa apnakäna. Taycapasti Nehusta sat sutinïnwa, jupasti Elnatán sat chachan phuchapänwa, Jerusalén marcanquiriraqui.

2 Reyes 25:27

Cunapachatï Joaquín chachajj jayan apanucuta jacascäna quimsa tunca pakallkoni mara, tunca payani phajjsita pä tunca pakallkon uru sarakata, ucqhawa Evil-merodac reyejj Babilonia marcana reyïña kalltäna; jupasti suma jakew tucüna Joaquín chachampi, ucatsti carcelatjja apsjjänwa.

2 Reyes 25:29

Uqhamatwa Joaquín chachajj presoscäna uca isipa apsusjjäna, ucat ucjjar jacäwipansti reyimp chicawa mank'asïna.

2 Reyes 25:30

Ucjjarusti Joaquín chachajj take jacäwipanwa Babilonianquir reyita sapüru mank'ana catokäna.

Isaías 22:17

Tatitojj jayaruw apanucütam, liwtaraquïtam cunjämtejj mä ch'amani jakejj liwti uqhama. Ch'amampiw jumarojj catuntätam,

Jeremías 10:18

Tatitusti siwa: “Jichhamänjja jayaruw jaktä, aca marcan utjir jakenacarojja. Jan walt'añanacaruw jupanacarojj uscuntä, uqhamatcha nayaru jicjjatjjapjjetani.” Marca:

Jeremías 13:18

“Reyirusa, reina taycarusa saraquim: ‘Uca reyin konuñapat sarakanipjjam, orakeru kont'asipjjaraquim, p'ekepatsti cawquïri coronatejj suma c'achachcäna ucajj jalaktjjewa.’

Jeremías 16:13

Ucatpï jichhajj aca marcatjja jaya marcaru apayapjjämajja cawquïr marctejj jumanacasa ni awquinacamasa uñjqui ucaru, ucansti uruy arumawa yakha diosanacaru yupaychapjjäta, jumanacatsti janiw qhuyapt'ayascaraquïti.’

Jeremías 22:27

Cawquïri orakerutejj walpun cuttaniñjja munapcäta uca orakerusti janipuniw cuttanipcätati.”

Jeremías 28:4

Uca quipcaraquiwa, Joacim jaken yokapa, Judá oraken Jeconías reyiparusa cuttayanjjaraquïwa aca pachpa chekaru, uqhamaraqui take jakenacasa Judá oraketa Babilonia orakeru apatäpcäna ucanacasa cuttanjjapjjaraquiniwa. Jïsa, nayaw Babilonia orakenquiri reyipan yugopjja p'acjä. Naya Tatituw ucjja arsta.’ ”

Jeremías 44:14

Uca mä kawkhani Egiptoru sarjjer jakenacatjja janiw maynis jilt'caniti. Judá orakeru cuttaniñjja munasipcaniwa, ucampis janiw cuttanipcaniti inas mä kawkha imantat jakenaca cuttanipjjchispa’ ” sasa.