Jeremías 22:20 - Qullan Arunaca

²⁰ “¡Judá, Líbano kollu pataru mistum ucat art'asiraquim! ¡Basán kollunac tokena art'asiraquim! ¡Abarim kollu patanacatpacha art'asim, take munirinacamasti atipjatätap laycu!

Aymar Bibliia 1986

²⁰ “¡Judá, Líbano kollu pataru mistum ucat art'asiraquim! ¡Basán kollunac tokena art'asiraquim! ¡Abarim kollu patanacatpacha art'asim, take munirinacamasti atipjatätap laycu!

Qullan Arunaka DC

²⁰ Tatitux Jerusalén markankirinakaruw akham saraki: “¡Aka markpachar sarapxam; jach'a qullunak patar makhatapxam, jan chuymachkay jachapxarakim! Yanapapxayätam uka markanakax q'ala tukjatäxiwa.

Jeremías 22:20 Jak'a apnaqawi uñst'ayäwi

2 Reyes 24:7

Ucat ucsarusti Egiptonquir reyejj janiw wastatampi orakepata mistuncjjänti, Babilonianquir reyiwa take orake catuntasjjäna, Egipto jawirata, Eufrates jawircama uca laycu.

Isaías 57:13

Cunapachatejj yanapa mayisa arnakascät uqhajja, c'ari diosanacamajj janiw yanapcätamti, janiraquiw khespiycätamsa. Take ucanacarusti thayaw apasjjani, may phust'asaquiw chhaktayjjani. Ucampisa nayar iyawsirejja marcanwa jacasini, nayan kollan kollojjanwa jacasiraquini.”

Jeremías 2:25

“¡Israel, jan cayunacamjja chhojjriñchjasimti k'ara cayu jalnakasajja, janirac mallk'amsa wañantayasimti! Ucampis jumajj sistawa: ‘Janiwa. Janipuniw sayt'quiristti, jayanquirinacaruw wal muntjja, jupanacampiraquiw sarjjä’ sasa.

Jeremías 2:36

¿Cunatraqui janc'aqui cawquïrinacampitejj arust'ascta ucanacsti trocañ munta? Egiptos apanucuraquiquïtamwa, cunjämatejj Asiriajj apanucctam uqhama.

Jeremías 2:37

Ucatsti Egiptotjja mä p'enka cuttaniraquïta, nayasti qhitinacatejj jumar arjjatirjamäqui ucanacarojj apanuctwa, sumancatamampisti janiw cunsa jicjjatcaraquïtati.”

Jeremías 22:22

Thayaw take jilïrinacamjja apasjjani, munirinacamasti jayaru apatäpjjaraquiniwa. Jisc'achata, p'enkachataw uñjasiraquïta take ñankhanaca luratam laycu.

Jeremías 25:9

Jichhajj amsta tokenquir take marcanacaruw jawsayä, uqhamaraqui Nabucodonosor sirvirejjarusa, jupasti Babilonia oraken reyipawa, jupanacajj jutasin aca marcaru nuwjapjjañapataqui, take jakenacaru uqhamaraqui take jac'anquir marcanacarusa. Ucanacarusti k'alpunwa t'unjäjja. Jupanacarusti wiñayataqui t'unjataruw tucuyä, sustjascaña, ajjsarcañwa tucuyaraquëjja.

Jeremías 3:1

Tatitojj siwa: “Mä jaketejj warmipampi jaljti ucapachasti, warmejj uca chachampi jaljtasajj yakhampiw casarasjje, nayra chachapasti janiw uca warmirojj jac'jjaniti. Wasitattejj chicjjapjjaspan ucasti, ¡marcataquejj janiw ucajj walïcaspati! Ucampisa, jumajj Israel, walja chachanacampiw sarnaktajja, ¡jichhasti nayan ucaruw cuttanjjañ munaractajja! Naya Tatituw, ucjja arsta, sasa.

Jeremías 4:30

Jumasti tucjata marca, ¿Cunataquis suma púrpura sat isimpi isthapista? ¿Cunataquis uca kori yänacamp uscusta? ¿Cunataquis nayranacamsa ch'iyara pintasta? Uqham c'achachasitamajj janiw cunataquis asquïquiti, munirinacamas jichhajj apanucupjjtamwa, jiwañamaraqui thakhapjjejja.

Lamentaciones 1:19

Munirinacajjaruw yanap mayta, jupanacasti nayataquejj mayswa uñtjjapjje. Marcajjanquiri sacerdotenacasa, jilïri chuymani jakenacasa, pachpa marcanwa jiwarata uñjasipjje. ¡Mank'a thakasaw sarnakapjjaraqui; jan mank'atjama jiwascañataqui!

Lamentaciones 1:2

Arumanacasti jachcäwiw tucusiscaraqui; ajanunacapansti jachaquiw jalascaraqui. Take munirinacapasti janiw maynis jupar chuymachirejj utjquiti. Take amigonacapasti mayswa uñtjjapjje, uñisirinacapaw tucjjaraqui.

Ezequiel 23:22

Ucatpï naya Tatitojj sistjja: Uca munirinacamarusti, cawquïrinacattejj jichhajj ajjtascjjta, ucanacarojj juman uñisirinacama tucuyäjja.

Ezequiel 23:9

Ucatpï nayajj munirinacapan amparaparu catuyayätjja, asirio jakenacan amparanacaparu, qhitinacattejj jupajj wali chuyma cawcst'ayascäna ucanacaru.

Ezequiel 27:6

barconacaman remonacapsa Basán chekata apanit roblenacatwa lurarapipjjaractam. Patjja maderanacamsa Chipre tokenquiri ciprés sat maderanacatwa lurarapipjjaractam, marfilanacampisa q'iñaquipataraqui.

Números 27:12

Tatitu Diosasti Moisesarojj sänwa: —Maqhatanim aca Abarim sat kolluru, ucatsti uñatatam cawquïri oraktejj israelitanacaru churcta ucanaca.

Deuteronomio 32:49

“Saram Abarim sat kollunacaru, ucatsti maqhatam Nebo sat kolluru, cawquïritejj Moab orakena jicjjatasqui ucaru, Jericó marca uñcatasina, ucatsti uñtam Canaán sat orakenaca, cawquïri oraktejj nayajj israelitanacar churcä ucanaca.