Jeremías 21:14 - Qullan Arunaca

¹⁴ Nayasti luratanacamarjamaw mutuyapjjäma; ch'uminacamarusti ninampiw wiycataraquëjja, uca ninasti take ucsa tokenacwa naqhantaraquini. Naya Tatituw ucjja arsta.’ ”

Aymar Bibliia 1986

¹⁴ Nayasti luratanacamarjamaw mutuyapjjäma; ch'uminacamarusti ninampiw wiycataraquëjja, uca ninasti take ucsa tokenacwa naqhantaraquini. Naya Tatituw ucjja arsta.’ ”

Qullan Arunaka DC

¹⁴ Nayasti luratanakamarjamaw mutuyapxäma; ch'uminakamarusti ninampiw phichhkatä, uka ninasti taqi uksa tuqinak nakhantani. Naya, Tatituw uk arsta.’ ”

Jeremías 21:14 Jak'a apnaqawi uñst'ayäwi

2 Crónicas 36:19

Ucjjarusti Diosan templopjja phichhantapjjänwa, Jerusalenan perkanacapsa tincjayapjjänwa, palacionacaparusa ninampiw phichhantapjjäna, ucatsti takwa tucjapjjäna cunatejj wali jila alanïcänsa ucana.

Proverbios 1:31

¡Ucatsti jumanacajj jan wali sarnakapjjatanacamatjja t'akhesiñwa catokapjjäta! Ñankha amtatanacamampisti amjayasipjjätamwa.

Proverbios 12:14

Sapakata jakewa apthapi parlatapatjama, luratapatjamaw catokaraquini.

Isaías 10:12

Cunapachatejj Tatitojj take lurañanacap phokhani, Sión kolluna, Jerusalenansa ucqhajja, Asirianquir reyirojj mutuyaniwa jach'a jach'a tucutapata, wali jach'a chuymäña jach'a amtañampiraqui luratanacapatsa.

Isaías 10:16

Ucatpï jichhajj take ch'amani Tatitojj, jan ch'amani jaytanejja uca liq'i jakenacarojja, ucatsti janchinacapjja calentura usumpiraquiw naqhantayani.

Isaías 24:21

Uca urunsti Tatitojj mutuyaniwa, alajjpachan utjir ch'amaninacarojja, uqhamaraqui aca orakenquir reyinacarusa;

Isaías 37:24

Juman yanapirinacamampiraquiw Tatiturojj jisc'achtajja, saractawa: ‘Guerrar sarir walja carronacajjampiraquiw wali alto kollunacaru maqhatjjä, Líbano jach'a kollu ilaymiparus maqhataractwa, ucansti cedro maderanacapsa suma pinonacapsa, qhuchhuraractwa. Wali alto kollunacapcamapuniwa purtjja, pankar yapur uñtat ch'uminacaparusa.

Jeremías 11:16

Mä pachanjja naya, Tatitu, juparojj sayätwa: Suma ch'ojjña olivo ali, uqhamaraqui suma achunacani phokhantata sasa. Ucampisa jichhajj jach'a k'ejjok'ejjonac taypinwa laphinacapjja naqhantayä, alinacapsa khakhararaquï.

Jeremías 11:22

Ucanacatsti take ch'amani Tatitojj siwa: “Jumanacampejja parlascañäniwa. Yokall wawanacamajj guerran jiwarapjjani, imill wawanacamasti mank'atjamaw jiwarapjjaraquini.

Jeremías 17:10

Naya Tatituwa, jaken chuymapjja uñjta, chuyma mankhapan amtatanacapsa yatiractwa; sapa maynirusa waquisitaparjamaw churaractjja, luratanacaparjamaraqui.”

Jeremías 17:27

Ucampisa, jumanacatejj nayan arunacajja jan ist'apquitäta, nayan samarañ urojja jan nayar loktasa, uqhamaraqui uca urojj carganacamsa Jerusalén marcan puncunacap cheka apantapcäta ucapachajj nayajj nina uscü Jerusalén puncunacarojja, uca ninasti Jerusalenanquir palacionacjja k'alwa naqhantani, janiraquiw qhitis jiwaraycaspati.’ ”

Jeremías 22:1

Tatitusti saraquituwa: “Reyin palacioparu saram, ucatsti aca arunaca yatiyaraquim,

Jeremías 22:7

Jumataquisti wali armantata jakenac qhitanï, jumaru t'unjañapataqui. Cedrot lurata suma pilaranacamsa qhuchhunucupjjaniwa, ninaruw liwintapjjaraquini.

Jeremías 32:19

Jumajj amtäwinacamanjja jach'ätawa, luräwinacamansti ch'amaniraquïtawa. Jumaw sapa mayni jakeru luratanacap uñjtajja, ucatsti luratanacaparjamaraquiw cunsa churtajja.

Jeremías 46:23

¡Uca jach'a ch'uminacapsti phat'arapjjaraquiniwa! Naya Tatituw ucjja arsta. T'ijut'ijunacat sipansa juc'ampi waljanïpjjewa, janiraquiw qhitis jupanacarojj jact'añataquejj ch'amanïcänti.

Jeremías 50:32

Ñankha marca, lanctasisinjja liwisiraquïtawa, janiw qhitis waytcaraquïtamti. Take marcanacamsti ninampiw phichcataraquï, uca ninasti take uca jumar muytata chekanacwa k'ala naqhantaraquini.”

Jeremías 52:13

Ninampiw templo phichhantaraquïna, reyin palaciopsa, uqhamarac marcan take utanacsa, nayrakatjja jach'a jilïri jakenacan utanacapjja k'alwa naqhantayaraquïna.

Jeremías 6:19

Jumas, orake ist'araquim: Aca marcarusti mä jach'a jan walt'añwa apayani, jan wali lurañanacaqui amtasipcatapata; arunacajjarusti janiw ist'apcaraquitänti, jan ucasti yatichäwinacajj-jja jisc'achapjjewa.

Jeremías 6:29

Cunapachatejj fuellejj ch'amampi phust'i ucqhajja, ninajj umatatayiw plomo metalarojja. Ucampisa jupanacaru k'omachatajj inamayawa, ñankha jakenacasti janiw chhaktquiti.

Jeremías 9:25

Tatitusti siwa: “Purininiw mä urojja, cunürutejj take janchin circuncidasiri marcanacaru mutuycä uca urojja;

Lamentaciones 2:3

Colerasiñapajj ninjama aktasinsti, Israelan ch'amapjja mayacwa k'allunucuwayi. Jupan arjjatiri ch'amapsti apakjjaraquistuwa, uñisirinacasaru catuyasajja. ¡Jacobon orakepansti mä nina nactayawayaraqui, uca ninasti take cunwa naqhantawayaraqui!

Ezequiel 21:3

aqham sasa: ‘Aqham siw Tatitojja: Nayajj jumanacan uñisirimaw tucuracta. Espadajj apsusisaw asqui jakerusa, ñankha jakerusa jiwarayäjja.

Miqueas 7:13

Aca orakejj ch'usa wasararu tucuyatäniwa, jakenac laycu, jan walinac lurapjjatap laycu.

Zacarías 11:1

¡Líbano kollunaca, puncum jist'arasim, cedro kokanacamjja nina naqhantpan!