Jeremías 18:16 - Qullan Arunaca

¹⁶ Uqhamatwa marcapjja mä wasararu tucuyjjapjje, muspharcaña, sustjascaña tucuyapjjaraqui. Qhitinacatejj uca cheka pasapcani ucanacasti, takeniw mayjt'asiñata p'eke qhiwipjjani.

Aymar Bibliia 1986

¹⁶ Uqhamatwa marcapjja mä wasararu tucuyjjapjje, muspharcaña, sustjascaña tucuyapjjaraqui. Qhitinacatejj uca cheka pasapcani ucanacasti, takeniw mayjt'asiñata p'eke qhiwipjjani.

Qullan Arunaka DC

¹⁶ Ukhamat markapxa mä ch'usa wasarar tukuyxapxi, muspharkaña, mulljaskaña tukuyapxaraki. Uka chiqa sarakipirinakasti, taqiniw mayjt'asiñat p'iqi khiwipxani.

Jeremías 18:16 Jak'a apnaqawi uñst'ayäwi

1 Reyes 9:8

Aca templosti tucjat lakayanacaru tucuyatäniwa, ucatsti qhititejj uca chekanjama pasani ucataquisti sustjasiñäniwa, uqhamaraquiw larusiraquini, ucatsti sapjjaniwa: ‘¿Cunataraqui Tatitusti aca marcampi uqham lurpacha, uqhamarac aca templompisa?’ sasa.

2 Crónicas 29:8

Ucatwa Tatitojj Judá, Jerusalén ucanacampi colerasïna, ucatsti wali sustjascaña, uqhamaraqui ajjsarcañaruwa tucuyäna cunjämtï jumanacajj ujapjjtajja uqhama.

Salmos 109:25

Jaken larusiñaquiw sarnakta, nayar uñjasajj p'eke qhiwisipjje.

Salmos 22:7

nayar uñjirinacajj larusipjjetuwa, cunayman nayataquejj uñanakapjje, p'ekep qhiwisipjje,

Salmos 44:14

Diosar jan uñt'irinacampiw larusiyapjjesta, marcanacasti nanac uñjasajj p'ekep qhiwisipjje.

Isaías 37:22

Tatitusti Asirianquir reyitjja aqham saraquiwa: “Senaquerib, Sión marcajj mä tawakjamaw jumatjja larusi. Cunapachatejj jumajj sarjjta ucqhajj Jerusalén marcajj p'eke qhiwisisaw larusi.

Isaías 6:11

Nayasti jisct'aractwa: —¿Cunapachcamaraquïni ucasti, Tata? —sasa. Jupasti saraquituwa: —Cunapachatejj marcanacajj k'ala t'unjatäni, uca marcanacansti janiraqui mä jakes utjcaniti ucqhacamäniwa. Utanacas jan jakeni uñjasini, pampanacas ch'usa wasarar tucuyata,

Jeremías 19:8

Aca marcsti mä wasararuw tucuyaraquï, wali sustjascañaraquïniwa. Take aca marca cheka pasirinacasti wali sustjata mayjt'ataw uñjasipjjani uqhama k'ala t'unjata uñjasajja.

Jeremías 25:9

Jichhajj amsta tokenquir take marcanacaruw jawsayä, uqhamaraqui Nabucodonosor sirvirejjarusa, jupasti Babilonia oraken reyipawa, jupanacajj jutasin aca marcaru nuwjapjjañapataqui, take jakenacaru uqhamaraqui take jac'anquir marcanacarusa. Ucanacarusti k'alpunwa t'unjäjja. Jupanacarusti wiñayataqui t'unjataruw tucuyä, sustjascaña, ajjsarcañwa tucuyaraquëjja.

Jeremías 29:18

Jumanacarusti guerrampi, mach'ampi, cunayman usunacampiraquiw arcnakapjjäma. Take aca orakenquiri marcanacampisti ajjtasiyapjjaraquïmawa, jumanacarusti takenin uñjcañwa maldecipjjaraquïma, mä p'enkwa tucjapjjaraquïma, cawquïri marcanacarutï apanucuta uñjasipcäta ucansti jumanacajj ajjsarcaña, sustjascañäpjjaraquïtawa.

Jeremías 42:18

“Israelana Diosapa take ch'amani Tatitusti siwa: ‘Cunjämatejj colerasiñajjampi khoruchasiñajjampejja ninjam jumanacataqui aktänjja, take qhitinacatejj Jerusalén marcan jacapcäna take ucanac toke, uqhamaraquiw jumanac tokejj colerasiñajjajj aktani, jumanacatejj Egiptor sarapjjäta ucapachajja. Jumanacajj jakensa uñtcaña maldecitäpjjätawa, ajjsarcaña tucjataw uñjasipjjaraquïta, janiraquiw mayampsa aca orakjja uñjapcjjätati’ sasa.

Jeremías 44:12

Qhitinacatejj Judá orakeru kheparapqui, ucatsti Egipto tokeru jacasiri sarjjapjjaraqui ucanacarojj pachpanwa k'al tucusiyäjja. Takeniwa, jisc'at kalltasina jach'acama, guerran jiwarapjjani, mank'atjamaw jiwarapjjaraquini, ucatsti mayninacan uñtcañäniw, maldecita jisc'achjataraqui uñjasipjjani, ajjsarcañäpjjaraquiniwa.

Jeremías 48:27

Moab, ¿janit jumajj Israel marcat laruscaraquïyätajja? ¿Uqhamaraqui uca marcatjja jisc'achañampi parlcäyätajja, lunthatäcaspas uqhama?

Jeremías 49:13

Naya Tatituw juramentompi ucjja arsta. Bosra marcasti wasararu tucuyataw uñjasiraquini, k'ala t'unjataraqui, jakensa uñtcaña jisc'achjata, maldecitaraquiw uñjasini, yakha marcanacasti wiñayataqui t'unjataw uñjasiraquini” sasa.

Jeremías 49:17

Tatitojj siwa: “Edom marcan t'unjatäñapajj wali jach'äniwa, ajjsarcañaraquïniwa. Take qhitinacatejj uca cheka pasapcani ucanacasti wali sustjasipjjani uca mutuyäwip uñjasajja, Sodoma, Gomorra sat marcanacjamaraquïniwa, uca jac'anacanquiri marcanacjamaraquïniwa, cunapachatejj t'unjatäpcän uqhama. Janiraquiw qhitis uca marcanacanjja jaccjjapjjaniti, ni sarcamayasa ucan utjcjjapjjaniti.

Jeremías 50:13

Nayajj colerasïwa, jan jakeni jaytaraquëjja, wasararu tucuyata jaytaraquëjja. Qhitinacatejj uca cheka pasapcani ucanacasti walwa sustjasipjjani uca mutuyäwipa catokatapa uñjasajja.

Jeremías 51:37

t'unjata, mayjjaru montonthapitaw khepararaquini, kamakenacan putunacaparu tucuyataraquïniwa, jakensa jan mayampi jaccañaru tucuyataraquïniwa, takenirusa sustjascaña, uqhamarac ajjsarthapiyañaru tucuyatäniwa.

Jeremías 51:43

Marcanacapasti ajjsarcaña wasararu tucuyataraquiwa, waña, llaquiscaña orakeru tucuyataraquiwa, janiw ucanjja mayni jakes jaccaraquispati, uca cheksti janiw qhitis pascaraquiti.

Jeremías 9:11

“Jerusalén marcarojj mä kala chhajjwaruw tucuyä; kamakenacan putunacaparuw tucuyaraquï; Judá oraken marcanacsti mä wasararuw tucuyaraquï; jan jakeniw kheparjjapjjaraquini.”

Lamentaciones 1:12

Jumanaca, thaqui saririnacasti amuyapjjaraquimaya, ¡nayan t'akhesitaj-jjamajj utjpachati, nayarojj acatake t'akhesiyjjetu! ¡Tatituw nayarojj aca t'akhesiñ apayanitu, colerasiñapa nayataqui sartayasitap laycu!

Ezequiel 12:19

Aca oraken jakeri jakenacarusti Jerusalén marcan jakerinacarusa, uqhamaraqui take Israelita jakenacarusa: ‘Aqham siw Tatitojja: Mank'anacamjja wali llaquisiñampi mank'apjjäta, umañanacamsti wali ajjsarasaraquiw umapjjäta; aca marcasti k'ala t'unjata, uqhamaraqui ch'usaquiraquiw tucuraquini jakenacapan jan walinac lurapjjatap laycu.

Ezequiel 27:36

Yakha marcanquir alaquipa lurir jakenacasti, jumar uñjasajj wali sustjatäpjjewa. Jichhasti jumajj mä ajjsarcañaw tucuractajja; wiñayataqui jiwatäjjaractawa’ ” sasa.

Ezequiel 36:3

Jichhasti jupanacarojj nayan sutejjaru parlam, naya toketsti aqham saraquim: ‘Take toketwa jumanacarojj nuwantanipjjtam, uqhamaraqui t'unjanipjjtam; take yakha marcanacaw jumanacarojj catuntasjjapjjtam, jakenacasti phiscasiñampi, jisc'achañampiw uñjapjjaractam.

Ezequiel 6:14

Jupanacar mutuyañataquejj amparajjwa aytaraquï, aynacha toke wasarat kalltasina, amsta token Ribla sisqui ucacamajja, take aca orakenacapjja, take marcanacapsa ajjsarcañ wasararuw tucuyaraquëjja. Ucapachaw yatipjjani nayan Tatitütajja” sasa.

Levítico 26:32

“Jumanacan marcanacamsti k'alwa t'unjaraquëjja, uñisirinacamas jutaraquiniwa ucanacan jacañataqui, ucampisa musphataw uñjasipjjani uqham t'unjata uñjasajja.

Levítico 26:43

uca orakesti jumanacatjja librewa jicjjatasiraquini, uqhamaraquiw samararaquini jumanacajj jan uca oraken jacapcäta ucañcamajja; jumanacasti juchanacamatwa t'akhesipjjaraquïta, nayan arsutanacajja uqhamarac nayan leyinacajja jisc'achapjjatam laycu.

Miqueas 6:16

Jumajj Omri jakena, uqhamarac Acab jaken familianacapan arsutanacapa, uqhamaraqui luräwinacapwa lurtajja uca laycu, ucatsti cunjämtejj jupanacajj sarnakcänjja uqhamracwa sarnaktajja. Ucatwa jichhajj jumatjja, uqhamarac jakenacamatsa mä ajjsarayascaña, laruscañraqui lurapjjämajja, marcajjan p'enkapasti jumjjaruraquiw purini.’ ”

Mateo 27:39

Jupan jac'apa pasapcän ucanacasti wal tokepjjäna p'ekenacapsa qhiwisa,

Marcos 15:29

Uca cheka pasirinacasti Jesusarojj tokepjjänwa. P'ekenacap qhiwisaw sapjjäna: —¡Ah! Jumajj templo t'unjasin quimsürutac sayt'ayañjjay munchïyätajja.

Deuteronomio 28:59

ucqhasti jach'a ajjsarcañ lak'onacwa jumjjarusa wawanacamjjarusa apayanïtam, uqhamaraqui jan kollcaña ñankha usunaca.

Deuteronomio 29:23

Ucatsti uñjapjjaraquiniw take orakejj azufreru, jayuru, naqhantat lak'aru tucutätapa. Janiraquiw cunsa uca orakerojj satañ puedipcaniti, ni cunas achcaniti; janiraquiwa mä jisc'a koras jilcaraquiniti, cunjämatï t'unjasïnjja Sodoma, Gomorra, Adma, Zeboim sat marcanacajja, cawquïrtï Diosajj t'unjäna jach'a ajjsarcañ colerasiñapampi uqhama.