Jeremías 17:25 - Qullan Arunaca

²⁵ Uqhamtejj lurapjjäta ucapachasti, Davidan tronoparu kont'asiri reyinacajj utjascapuniniwa, aca marcan puncunacap cheksti carrosanacata, caballonacata mantapjjaraquini, take jilïrinacampi chict'ata uqhamaraqui Judá orakenquiri, Jerusalén, marcan utjiri take jakenacapampi. Jerusalén marcansti jakenacajj utjascapuniniwa.

Aymar Bibliia 1986

²⁵ Uqhamtejj lurapjjäta ucapachasti, Davidan tronoparu kont'asiri reyinacajj utjascapuniniwa, aca marcan puncunacap cheksti carrosanacata, caballonacata mantapjjaraquini, take jilïrinacampi chict'ata uqhamaraqui Judá orakenquiri, Jerusalén, marcan utjiri take jakenacapampi. Jerusalén marcansti jakenacajj utjascapuniniwa.

Qullan Arunaka DC

²⁵ Ukhamtix lurapxäta ukkhasti, Davidan qunuñapar qunt'asir reyinakax utjapuniniwa, aka markan punkunakap chiqsti jupanakax carronakxata, caballonakxata taqi jilïrinakampi chikt'ataw mantapxani, Judá uraqinkiri, Jerusalén markan utjir taqi jaqinakapampi kuna. Jerusalén markansti jaqinakax utjaskapuniniwa.

Jeremías 17:25 Jak'a apnaqawi uñst'ayäwi

2 Samuel 7:16

Juman wawanacamajj wiñayaw apnakapjjani, uqhamaraqui reinomasti wiñayataquiraquïniwa nayan uñjatäscaraquiniwa, uqhamaraqui juman tronomasa wiñayataqui utt'atapuniraquïniwa’ ” sasa.

2 Samuel 8:4

Jupanacatsti Davidajj waranka pakallk patacani caballería soldadonac apakanïna, pä tunca waranka infantería soldadonacampi; uqhamarusa caballonacan cayunacapsti k'alwa p'aquiraniraquïna, pataca caballonacaqui carronacapataqui jilt'ayanjjäna.

Éxodo 12:14

Jumanacasti aca urjja amtasipjjapunïtawa. Ucampis Tatitur jach'ar aptañampiw aca fiestjja lurapjjäta, acasti mä leyi churatawa uca laycusti wawanacaman, wawanacapaw wiñaya amtani.

Isaías 9:7

Davidan tronopanwa kont'asiraquini, jupan reyïñ ch'amapasti take chekancaraquiniwa, suman sarnakasiñasti janipuniw tucuscaniti. Jupan reinopasti suma utjnokatäniwa, cheka asqui cancañjjaru, uqhamaraqui cunatejj chekapäqui ucjjaru utt'ayataraquïniwa, jichhüruta wiñaycama. Acsti take ch'aman Tatitun sinti jach'a munasiñapaw uqhamjja lurani.

Jeremías 13:13

Jumasti ucjjarojj saraquïtawa: ‘Tatitojj siwa: Take aca marcan utjirinacarusti macharayäwa; Davidan tronopan kont'asiri reyinacarusa, sacerdotenacarusa, profetanacarusa, uqhamaraqui take qhitinacatejj Jerusalén marcana jacapqui ucanacarusa.

Jeremías 22:2

Judá orakenquir reyin nayrakatapana, cawquïritejj Davidan tronopan kont'atäqui uca nayrakatana, uqhamaraqui reyin yanapirinacapan nayrakatapansa, marcanquiri jakenac nayrakatansa: ‘Tatitun arunacapa ist'apjjam.

Jeremías 22:30

Tatitojj siwa: “Aca jakerojj libronacamaru kellkantapjjam mä jan wawani jakëcaspas uqhama; jacañapanjja aynacht'caspas uqhama. Janipuniw jichhajj mayni wawapasa Davidan tronoparojj kont'ascaniti, Judá orakena wasitata apnakañataquejja” sasa.

Jeremías 22:4

Jumanacatejj aca arunacajjar ist'asina phokhapjjäta ucapachasti, Davidan tronopan kont'asiri reyinacasti utjascapuniniwa, jupanacasti carronacatwa, caballonacatwa mantapjjani uca palacion puncupa chekjja, jilïrinacana, uqhamaraqui take marcpachan jakenacampi.

Jeremías 25:5

Jupanacasti jumanacarojj sapjjäyätamwa: ‘Jan wali sarnakäwinacamjja uqhamaraqui jan wali luräwinacamsa apanucupjjam, cawquïri oraktejj Tatitojj jumanacaru nayra awquinacamarusa churcatayna ucan wiñayataqui jacapjjañamataqui.

Jeremías 33:15

Uca uru purincani ucapachasti Davidataquejj mä jupan wawapwa utjayaraquëjja, juparaquiw aca marcanjja asquimpi chekapampi utjayani;

Jeremías 33:17

Naya, Tatitusti, saractwa: Davidan wawanacapatjja utjapuniniwa mayni Israelan tronoparu kont'asirejja,

Jeremías 33:21

Uca quipcaraquiwa: Cuna arust'äwtejj David uywatajjampi lurcta ucajj phokhasipuniniwa, ucatsti mayni jupan wawapa tronopar kont'asirejj utjapuniniwa, uqhamaraqui sacerdotenacampi arust'äwiru mantatajjasti phokasipuniniwa, Leví tribunquiri wawanacapampejja.

Jeremías 7:3

Cuntejj Tatitojj sisqui ucanaca, jupasti take ch'amaniwa, Israelan Diosaparaquiwa. Asquichasipjjam sarnakäwinacama, uqhamaraqui luräwinacamsa, nayasti ucatjja jumanacarojj aca oraken jacayasipcämawa.

Jeremías 7:7

Nayajj aca orakeruw jaytasipcäma jacasipjjañamataqui, cawquïri oraktï nayrapacha awquinacamaru churcäyäta wiñayataqui ucaru.

Deuteronomio 17:16

Ucatsti uca reyejj janiw walja caballonacanïñapäquiti ni jakenacsa Egipto marcarojj qhitañapäquiti caballeriap yapjjatañataquejja; Tatitu Diosasti jumanacarojj sapjjtamwa: ‘Jan mayampis uca thaquinjam cuttapjjamti’ sasa.

Hebreos 12:22

Ucatsipan jumanacajj Diosar yupaychañataquejj Sión kolluru, jacquiri Diosan marcaparu, alajjpach Jerusalén marcaru, walja warank tantacht'at angelanacaruw jac'achasipjjtajja,

1 Samuel 8:11

saraquïnwa: —Jichhajj acaw suyt'apjjtam cawquïri reyitejj apanakapcätam ucampejja. Yokanacamjja jawsthapiniwa, ucatsti nuwasiñ carronacaruw ucharaquini, yakhepanacarusti caballeriaruw uchani, yakheparusti jupan uñjiripataraqui uchasini.